លោះព្រលឹង! នឹងសត្វចម្លែកនៅម៉ាឡេស៊ី (មានវីដេអូ)
កម្មករឥណ្ឌូនេស៊ី១ក្រុមបានស្រៀវឆ្អឹងខ្នង ពេលសម្លឹងឃើញសត្វចម្លែក១ក្បាល នៅក្នុងចម្ការដូងប្រេងរបស់ម៉ាឡេស៊ី កាលពីចុងសប្តាហ៍កន្លងមក ។
តាមខ្សែវីដេអូឃ្លីប១បង្ហោះផ្សាយលើ Youtube នោះក្រុមកម្មករនេះបានប្រាប់ថា គេពុំអាចសន្និដ្ឋានបានអំពីសត្វចម្លែកដែលខ្លួនបានឃើញដោយសារភិនភាគខាងក្រៅរបស់វាគឺៈ ពណ៌ប្រផេះ ត្រចៀកតូចៗ មានជើង៤ ក្រញ៉ាំមុត ហើយគ្មានកន្ទុយ ។
កម្មករតក់ស្លុតពេលឃើញវា (រូបៈ Borneo Post)
កម្មករតក់ស្លុតពេលឃើញវា (រូបៈ Borneo Post)
កាសែត Borneo Post ដកស្រង់សម្តីរបស់កម្មករម្នាក់ប្រាប់ថាៈ ពួកខ្ញុំពិតជាតក់ស្លុត ។ ក្នុងចំណោមពួកយើងពុំមានអ្នកណាធ្លាប់ឃើញវាទេ ។ វាអាចជាប្រភេទខ្លាឃ្មុំដ៏កម្រមួយ ។ សត្វ១ក្បាលនោះ បានវាយប្រហារលើពួកគេ ទើបពួកគេព្រួតគ្នាវាយវាដល់សន្លប់ ។ ពេលវាដឹងខ្លួនវិញ ក៏ជាពេលដែលពួកកម្មករទាំងនេះ ត្រលប់ទៅធ្វើការក្នុងព្រៃវិញដែរ ។ ប៉ុន្តែ ពួកកម្មករពុំបានរាយការណ៍ប្រាប់ពីហេតុការណ៍នេះដល់សមត្ថកិច្ចនៅទីនោះ (ថ្ងៃទី ៣០ មករា) ។
អ្នកនាំពាក្យសម្ព័ន្ធរុក្ខកម្មរដ្ឋ Sarawak ជឿថា សត្វចម្លែកនេះ ជាអម្បូរខ្លាឃ្មុំឆ្កែ កំពុងមានជំងឺ ប្រសិនផ្អែកតាមលក្ខណៈខាងក្រៅៈ ច្រមុះឡើងខ្មៅ ហើយក្រញ៉ាំវែងៗនោះ, ហើយដោយសារវាឈឺទើបជ្រុះរោមអស់បែបនេះ ។ រីឯមូលហេតុនាំឲ្យវាមានវត្តមាននៅទីនេះ ព្រោះក្បែរៗនោះត្រូវទឹកលិចលង់អស់ ។
ប្រិយមិត្តទស្សនាឃ្លីបទាំងអស់គ្នា!
អត្ថបទដើមពី: Ksn-News.com
