Jack Ma ចង់ទិញក្រុមហ៊ុនទូរសព្ទចិន វាយលុកទីផ្សារ Smartphone
ក្រុមហ៊ុនលក់ទំនិញអនឡាញ Alibaba របស់មហាសេដ្ឋី Jack Ma
នឹងទិញក្រុមហ៊ុនឈ្មោះ Meizu ដើម្បីជំរុញឱ្យជំនួញផលិត
Hardware និង Software ថ្មីរបស់ខ្លួនកាន់តែរីកចម្រើន។
នេះបើតាមសេចក្តីថ្លែងការណ៍របស់ Alibaba កាលពីថ្ងៃចន្ទ។
Alibaba ដែលជាក្រុមហ៊ុនលក់ទំនិញតាមអនឡាញដ៏ធំ និងមានភាគហ៊ុនសរុបដល់ទៅ ២១៣ពាន់លានដុល្លារ នឹងទិញ Meizu ដែលជាក្រុមហ៊ុនផលិត Smartphone តូចមួយនៅចិន ក្នុងតម្លៃ ៥៩០លានដុល្លារ។ ការទិញក្រុមហ៊ុន Meizu នេះ នឹងជួយឱ្យ Alibaba មានលទ្ធភាពជំរុញជំនួញផលិត Smartphone របស់ខ្លួន កាន់តែមានសក្ដានុពលលើទីផ្សារទ្វេដង។
កាលពីពេលកន្លងទៅ ក្រុមហ៊ុនលក់ទំនិញដ៏ធំរបស់មហាសេដ្ឋី Jack Ma មួយនេះ ក៏ធ្លាប់បានគិតគូរអំពីការផលិត Software និងសេវាកម្មមួយចំនួនទៀតទាក់ទងនឹងជំនួញ E-commerce ផងដែរ។ ដូច្នេះការទិញយក Meizu នឹងជាគោលដៅដ៏សំខាន់មួួយ ដែលអាចឱ្យ Alibaba សម្រេចមហិច្ចតារបស់ខ្លួន។
លោក Wang Jian ជាមន្ត្រីគ្រប់គ្រងផ្នែកបច្ចេកវិទ្យារបស់ Alibaba បាននិយាយក្នុងសេចក្ដីថ្លែងការណ៍នៅថ្ងៃចន្ទថា “ការដាក់វិនិយោគទុនទៅលើក្រុមហ៊ុន Meizu ជាយុទ្ធសាស្ត្រមួយដ៏សំខាន់របស់យើង ដើម្បីនាំយកបទពិសោធន៍ថ្មីប្លែកដល់អ្នកប្រើប្រាស់នៅទូទាំង ពិភពលោក”។
ដោយសារក្រុមហ៊ុនលក់ទំនិញអនឡាញ Amazon របស់អាមេរិក បានងាកមកបង្កើតជំនួញទូរសព្ទ (Fire Phone) ទើបធ្វើឱ្យ Alibaba ក៏មានបំណងបន្តមហិច្ឆតាផលិត Smartphone និង Internet TV ដើម្បីប្រកួតប្រជែងលើទីផ្សារមិនឱ្យចាញ់ Amazon ឡើយ។
បើនិយាយពី Meizu ដែល Alibaba នឹងទិញយក អាចថាមិនមែនជាក្រុមហ៊ុនអេឡិចត្រូនិកមានឈ្មោះបោះសំឡេងប៉ុន្មានទេ នៅចិន។ ក្រុមហ៊ុនផលិត Smartphone ធំៗ ដែលបានលេបយកចំណែកទីផ្សារយ៉ាងច្រើននៅចិនមានតែបួនប៉ុណ្ណោះ គឺ Apple, Xiaomi, Samsung និង Huawei។ នេះបើតាមទិន្នន័យរបស់ក្រុមហ៊ុន Canalys៕
ប្រែសម្រួល៖ ប៉ែត ផាន់និត
ប្រភព៖ reuters
Alibaba ដែលជាក្រុមហ៊ុនលក់ទំនិញតាមអនឡាញដ៏ធំ និងមានភាគហ៊ុនសរុបដល់ទៅ ២១៣ពាន់លានដុល្លារ នឹងទិញ Meizu ដែលជាក្រុមហ៊ុនផលិត Smartphone តូចមួយនៅចិន ក្នុងតម្លៃ ៥៩០លានដុល្លារ។ ការទិញក្រុមហ៊ុន Meizu នេះ នឹងជួយឱ្យ Alibaba មានលទ្ធភាពជំរុញជំនួញផលិត Smartphone របស់ខ្លួន កាន់តែមានសក្ដានុពលលើទីផ្សារទ្វេដង។
កាលពីពេលកន្លងទៅ ក្រុមហ៊ុនលក់ទំនិញដ៏ធំរបស់មហាសេដ្ឋី Jack Ma មួយនេះ ក៏ធ្លាប់បានគិតគូរអំពីការផលិត Software និងសេវាកម្មមួយចំនួនទៀតទាក់ទងនឹងជំនួញ E-commerce ផងដែរ។ ដូច្នេះការទិញយក Meizu នឹងជាគោលដៅដ៏សំខាន់មួួយ ដែលអាចឱ្យ Alibaba សម្រេចមហិច្ចតារបស់ខ្លួន។
លោក Wang Jian ជាមន្ត្រីគ្រប់គ្រងផ្នែកបច្ចេកវិទ្យារបស់ Alibaba បាននិយាយក្នុងសេចក្ដីថ្លែងការណ៍នៅថ្ងៃចន្ទថា “ការដាក់វិនិយោគទុនទៅលើក្រុមហ៊ុន Meizu ជាយុទ្ធសាស្ត្រមួយដ៏សំខាន់របស់យើង ដើម្បីនាំយកបទពិសោធន៍ថ្មីប្លែកដល់អ្នកប្រើប្រាស់នៅទូទាំង ពិភពលោក”។
ដោយសារក្រុមហ៊ុនលក់ទំនិញអនឡាញ Amazon របស់អាមេរិក បានងាកមកបង្កើតជំនួញទូរសព្ទ (Fire Phone) ទើបធ្វើឱ្យ Alibaba ក៏មានបំណងបន្តមហិច្ឆតាផលិត Smartphone និង Internet TV ដើម្បីប្រកួតប្រជែងលើទីផ្សារមិនឱ្យចាញ់ Amazon ឡើយ។
បើនិយាយពី Meizu ដែល Alibaba នឹងទិញយក អាចថាមិនមែនជាក្រុមហ៊ុនអេឡិចត្រូនិកមានឈ្មោះបោះសំឡេងប៉ុន្មានទេ នៅចិន។ ក្រុមហ៊ុនផលិត Smartphone ធំៗ ដែលបានលេបយកចំណែកទីផ្សារយ៉ាងច្រើននៅចិនមានតែបួនប៉ុណ្ណោះ គឺ Apple, Xiaomi, Samsung និង Huawei។ នេះបើតាមទិន្នន័យរបស់ក្រុមហ៊ុន Canalys៕
ប្រែសម្រួល៖ ប៉ែត ផាន់និត
ប្រភព៖ reuters
