ឆ្នាំមមែលោក អូបាម៉ា ធ្លាក់ហុងស៊ុយ តែឡើងហុងស៊ុយប្រធានាធិបតីចិនលោក ស៊ីជិនពីង
ថ្ងៃទី១៩នេះគឺជាថ្ងៃទីមួយហើយនៃថ្ងៃបុណ្យចូលឆ្នាំប្រពៃណីចិន តាមបណ្ដាក្រុមហ៊ុន ធនាគាររោងចក្រ ដែលមានថៅកែឬម្ចាស់ជាជនជាតិចិនឬសែស្រឡាយចិនត្រូវបានអនុញ្ញាតឱ្យឈប់សម្រាក។
យ៉ាងណាមិញបើតាមក្បួនហោរាសាស្ត្រចិនឆ្នាំមមែនេះគឺជាឆ្នាំសំណាងល្អសម្រាប់លោកប្រធានាធិបតីចិនគឺលោក ស៊ីជិនពីង ប៉ុន្តែគឺជាឆ្នាំមិនល្អសម្រាប់លោកប្រធានាធិបតីរបស់មហាអំណាចសេដ្ឋកិច្ចទី១ លើលោករគឺ លោក បារ៉ាក់ អូបាម៉ាទៅវិញ។
យោងតាមគ្រូហុងស៊ុយដ៏ល្បីឈ្មោះ Chen Shuaifu បានទស្សន៍ទាយថាឆ្នាំថ្មី២០១៥ ឬឆ្នាំមមែនេះត្រូវបានចាត់ទុកថាជាឆ្នាំអាប់អួរសម្រាប់ការរកស៊ីជួញដូរ។ លោកគ្រូហុងស៊ុយរូបនេះបានបន្តទៀតថា ឆ្នាំនេះធុរកិច្ចអចលនទ្រព្យមិនល្អនោះទេ ហើយអាចនឹងប៉ះពាល់ដល់សេដ្ឋកិច្ចពិភពលោក។ ចំណែកឯការជួញដូររកស៊ីវិញនោះក៏មិនល្អដែរ ប៉ុន្តែបើសិនជាចង់រកស៊ីខ្លាំងត្រូវរងចាំដល់ពាក់កណ្ដាលឆ្នាំសិន។
លោកក៏បានបន្ថែមទៀតដែរថាឆ្នាំមមែជាឆ្នាំមិនល្អនោះទេសម្រាប់ទំនាក់ទំនងស្នេហា និងគ្រួសារ ដូច្នេះការស្វែងរកទំនាក់ទំនងស្នេហាថ្មី ឬមានកូនចៅក៏មិនល្អផងដែរ។
មួយវិញទៀតសម្រាប់អ្នកដែលត្រូវទស្សន៍ទាយថានឹងមានសំណាងល្អពេញមួយឆ្នាំគឺអ្នកដែលកើតក្នុងឆ្នាំម្សាញ់ឬឆ្នាំពស់ឬអ្នកដែលកើតឆ្នាំ ១៩៥៣, ១៩៦៥, ១៩៧៧, ១៩៨៩, ២០០១ និងឆ្នាំ២០១៣ ដូច្នេះឆ្នាំនេះគឺជាឆ្នាំដ៏ល្អផងដែរសម្រាប់លោកប្រធានាធិបតីចិន ស៊ី ជីនពីង។
ផ្ទុយទៅវិញអ្នកដែលកើតឆ្នាំឆ្លូវឬឆ្នាំគោ ឬអ្នកដែលកើតក្នុងឆ្នាំ១៩៤៩,១៩៦១,១៩៧៣,១៩៨៥, ១៩៩៧ និង ២០០៩ ត្រូវបានទស្សន៍ទាយថានឹងមានសំណាងមិនល្អព្រោះជាឆ្នាំឆុងខ្លាំងនឹងឆ្នាំមមែនេះ (ឆុង១០០ភាគរយ)។ ដូច្នេះឆ្នាំនេះជាឆ្នាំអាក្រក់សម្រាប់លោកប្រធានាធិបតីអាមេរិក លោក បារ៉ាក់ អូបាម៉ា មិនតែប៉ុណ្ណោះលោកប្រធានាធិបតីនឹងត្រូវប្រឈមនឹងរឿងរ៉ាវជាច្រើនរួមទាំងការប្រឈមមុខដាក់ប្រទេសរុស្សីផងដែរ។
សម្រាប់ប្រធានាធិបតីរុស្ស៊ីលោក វ្លាឌីមៀរ ពូទីនដែលមានឆ្នាំកំណើតឆ្នាំរោងឬឆ្នាំនាគរាជនោះក៏ត្រូវបានលោកគ្រូ ហុងស៊ុយទស្សន៍ទាយឱ្យដែរថានឹងធ្វើការងារបានល្អច្រើនសម្រាប់ឆ្នាំមមែនេះដែរ។ លោកគ្រូក៏បានប្រាប់ដែរថាចំពោះស្ត្រីឆ្នាំមមែដែលកើតក្នុងឆ្នាំ១៩៤៣,១៩៥៥,១៩៦៧, ១៩៧៩,១៩៩១ និង ២០០៣នឹ ងជួបបញ្ហាលំបាកក្នុងការស្វែងរកស្នេហា។
សម្រាប់អ្នកដែលចង់បង្កើនលាភនិងសំណាងល្អក្នុងឆ្នាំនេះត្រូវស្លៀកសំលៀកបំពាក់ពណ៌ខ្មៅ និងពណ៌ខៀវ ហើយទុកវត្ថុសក្ដិសិទ្ធិឬប្រើប្រាស់គ្រឿងរូបសត្វពពែកដើម្បីជួយបណ្ដេញសំណាងអាក្រក់ចេញពីខ្លួន៕
ប្រែសម្រួល៖ សុខា នីកា
