គម្រោងផលិតបច្ចេកវិទ្យាសព្វាវុធអាមេរិកទាំង ៧គ្មានអ្នកតាមទាន់
ការងារអភិវឌ្ឍន៍សព្វាវុធសម្រាប់បម្រើឱ្យវិស័យយោធាអាមេរិក គឺជាកិច្ចការរបស់ទីភ្នាក់ងារគម្រោងស្រាវជ្រាវវិស័យការពារជាតិទំនើប (Defense Advanced Research Projects Agency-DARPA)។ តាមរយៈសំណើរបស់ទីភ្នាក់ងារនេះ អាចឱ្យគេដឹងបានថា មន្ទីរបញ្ចកោណរបស់អាមេរិកកំពុងតែសម្ងំផលិតបច្ចេកវិទ្យាសព្វាវុធទំនើបៗអស្ចារ្យមួយចំនួន។
គម្រោងសំខាន់ៗទាំងនោះមាន៖
១) ការគាំទ្រពីដែនអាកាសជិតៗ (Close air support on target)៖ នេះជាបច្ចេកវិទ្យាថ្មីដែលកងទ័ពជើងគោកអាចសុំអន្តរាគមន៍ពីយន្តហោះទម្លាក់គ្រាប់ ឬឧទ្ធម្ភាគចក្រមកវាយប្រហារសត្រូវលើដីបានភ្លាមៗ និងទាន់ពេលវេលា។ ជាមួយប្រព័ន្ធបច្ចេកវិទ្យាទំនើបនេះ អាចចំណាយពេលប្រហែលតែកន្លះ ទៅមួយម៉ោងដើម្បីឱ្យពីឡុតអាចទម្លាក់គ្រាប់ និងវាយប្រហារទីតាំងសត្រូវបាន។ បច្ចេកវិទ្យា Persistent Close Air Support នេះគឺកងកម្លាំងថ្មើរជើងគ្រាន់តែចុចលើឧបករណ៍បញ្ជាម្យ៉ាងដើម្បីកំណត់ទីតាំងសត្រូវនៅលើផែនទីឌីជីថល នោះវានឹងផ្ដល់ដំណឹងទៅកាន់អ្នកបើកយន្តហោះទម្លាក់គ្រាប់ ឬប្រយុទ្ធនៅជិតនោះ ក្នុងរយៈពេលប្រហែលតែ ៦នាទី។
១) ការគាំទ្រពីដែនអាកាសជិតៗ (Close air support on target)៖ នេះជាបច្ចេកវិទ្យាថ្មីដែលកងទ័ពជើងគោកអាចសុំអន្តរាគមន៍ពីយន្តហោះទម្លាក់គ្រាប់ ឬឧទ្ធម្ភាគចក្រមកវាយប្រហារសត្រូវលើដីបានភ្លាមៗ និងទាន់ពេលវេលា។ ជាមួយប្រព័ន្ធបច្ចេកវិទ្យាទំនើបនេះ អាចចំណាយពេលប្រហែលតែកន្លះ ទៅមួយម៉ោងដើម្បីឱ្យពីឡុតអាចទម្លាក់គ្រាប់ និងវាយប្រហារទីតាំងសត្រូវបាន។ បច្ចេកវិទ្យា Persistent Close Air Support នេះគឺកងកម្លាំងថ្មើរជើងគ្រាន់តែចុចលើឧបករណ៍បញ្ជាម្យ៉ាងដើម្បីកំណត់ទីតាំងសត្រូវនៅលើផែនទីឌីជីថល នោះវានឹងផ្ដល់ដំណឹងទៅកាន់អ្នកបើកយន្តហោះទម្លាក់គ្រាប់ ឬប្រយុទ្ធនៅជិតនោះ ក្នុងរយៈពេលប្រហែលតែ ៦នាទី។
២) គម្រោងបាញ់បង្ហោះផ្កាយរណបថ្មី៖ កម្មវិធីថ្មីមួយឈ្មោះ Airborne Launch Assist Space Access គឺអាចឱ្យកងយោធាអាមេរិកដាក់ពង្រាយផ្កាយរណបតាមគន្លង (deploy satellites in orbit) ក្នុងរយៈពេលតែ ២៤ម៉ោងបន្ទាប់ពីដាក់សំណើ ហើយការចំណាយប្រមាណតិចជាង ១លានដុល្លារ។ ផ្កាយរណបនឹងភ្ជាប់ជាមួយរ៉ុកកែតបំពាក់ជាមួយយន្តហោះ។ យន្តហោះនឹងត្រូវបញ្ជាឱ្យហោះទៅក្នុងបរិយាកាសដ៏ខ្ពស់ ហើយបាព្រលែងរ៉ុកកែត និងផ្កាយរណប ទៅទីតាំងគន្លង។ ធ្វើបែបនេះគឺចំណេញពេលវេលា។
៣) Soldier Super Senses៖ បច្ចេកវិទ្យា Squad X នឹងធ្វើឱ្យកងកម្លាំងថ្មើរជើងក្នុងមួយកងពល អាចភ្ជាប់ខ្លួនគេទៅនឹងបច្ចេកវិទ្យា sensor ទាំងអស់នៅលើសមរភូមិប្រយុទ្ធបាន។ មានន័យថា តាមរយៈបច្ចេកវិទ្យានេះ មេបញ្ជាការក្នុងកងពល អាចដឹងពីទីតាំង និងស្ថានភាពនៃកងកម្លាំងរបស់ខ្លួនពេលកំពុងប្រយុទ្ធបានច្បាស់។
៤) ឧបករណ៍អវយវៈសិប្បនិម្មិតជីវសាស្ត្រ Intuitive Prosthetics៖ ឧបករណ៍ HAPTIX គឺជាអវយវៈជីវសាស្ត្របែបទំនើបលើសពីអវយវៈសិប្បនិម្មិត។ វានឹងអាចធ្វើឱ្យទាហានដែលពិការដៃ ឬពិការជើងអាចធ្វើកិច្ចការបានដូចមានដៃជើងធម្មតា ជាពិសេសអាចឱ្យទាហានដែលពិកាទាទាំងនោះចូលសមរភូមិប្រយុទ្ធវិញបាន។
៥) ទាហានមនុស្សយន្ត Firefighting robots៖ ទាហានមនុស្សយន្ត SAFFiR គឺមានសមត្ថភាពអាចបាញ់គោលដៅដោយស្វ័យប្រវត្តិប្រើសម្រាប់បំពាក់នៅលើកងនាវា ឬកប៉ាល់ចម្បាំង។ ក្នុងការតេស្ដកាលពីខែវិច្ឆិកា ឆ្នាំ២០១៤កន្លងមក មនុស្សយន្តនេះទទួលបានជោគជ័យ។
៦) បច្ចេកវិទ្យាប្រើយន្តហោះគ្មានមនុស្សបើក៖ The Collaborative Operations in Denied Environment-CODE នឹងត្រូវបានបង្កើតឡើងដើម្បីកាត់បន្ថយការប្រើមនុស្សច្រើនក្នុងការបញ្ជាយន្តហោះ Drone ក្នុងមួយគ្រឿង។ តាមរយៈបច្ចេកវិទ្យានេះ គេអាចប្រើមនុស្សម្នាក់តែអាចបញ្ជាយន្តហោះគ្មានមនុស្សបើកបានច្រើនគ្រឿង។
៧) យកអគ្គិសនីធ្វើជាឱសថ (Electricity as medicine)៖ បច្ចេកវិទ្យានេះគឺគេប្រើឧបករណ៍អេឡិចត្រូនិកជំនួសឱសថ។ វេជ្ជបណ្ឌិតអាចត្រួតពិនិត្យដំណើរសរសៃប្រសាទ (nerve processes) នៅក្នុងសារពាង្គកាយរបស់ទាហាន និងអាចចេញវេជ្ជបញ្ជា (prescribe) តាមរយៈការប្រើប្រាស់ឧបករណ៍បច្ចេកវិទ្យាដើម្បីព្យាបាលជំងឺទាំងអស់នោះ៕
