ចិនបង្កើតភ្លៀងសិប្បនិមិត្តច្រើនជាងគេនៅលើលោក (មានវីដេអូ)
បច្ចុប្បន្ននេះ ភ្លៀងសិប្បនិមិត្ត (Artificial Rain) ពិតជាដើរតួសំខាន់ក្នុងការដោះស្រាយបញ្ហារាំងស្ងួតនៅតាមតំបន់ជាច្រើននៅលើពិភពលោក។ ភ្លៀងសិប្បនិមិត្ត (Artificial Rain) ត្រូវបានគេក្រុមអ្នកវិទ្យាសាស្ត្រ ប្រើតាមរយៈវិធីបណ្ដុះពពក (Cloud Seeding) ដោយបាញ់សារធាតុគីមីទៅលើអាកាសដើម្បីឲ្យភ្លៀងធ្លាក់មកលើដី។
គោលការណ៍បណ្ដុះពពក (The Principle of Cloud Seeding) ត្រូវបានរកឃើញដោយលោក Vincent Schaefer ជាអ្នកគីមីវិទ្យា និងអ្នកឯកទេសខាងឧតុនិយមរបស់អាមេរិកក្នុងឆ្នាំ១៩៤៦។
បន្តបន្ទាប់មកទៀត អ្នកវិទ្យាសាស្ត្រនៅលើពិភពលោកបានខិតខំស្រាវជ្រាវយ៉ាងខ្លាំងលើគោលការណ៍នេះ ដើម្បីបង្កើតទឹកភ្លៀងសិប្បនិមិត្តនេះឡើង។ នៅលើពិភពលោក ប្រទេសដែលប្រើទឹកភ្លៀងសិប្បនិមិត្តនេះច្រើនជាងគេ គឺចិន ព្រោះនៅប្រទេសចិនមានតំបន់ជាច្រើនជួបប្រទះនឹងបញ្ហាគ្រោះរាំងស្ងួត។
បន្តបន្ទាប់មកទៀត អ្នកវិទ្យាសាស្ត្រនៅលើពិភពលោកបានខិតខំស្រាវជ្រាវយ៉ាងខ្លាំងលើគោលការណ៍នេះ ដើម្បីបង្កើតទឹកភ្លៀងសិប្បនិមិត្តនេះឡើង។ នៅលើពិភពលោក ប្រទេសដែលប្រើទឹកភ្លៀងសិប្បនិមិត្តនេះច្រើនជាងគេ គឺចិន ព្រោះនៅប្រទេសចិនមានតំបន់ជាច្រើនជួបប្រទះនឹងបញ្ហាគ្រោះរាំងស្ងួត។
ចំណែក សហរដ្ឋអាមេរិក ឥណ្ឌា អូស្ត្រាលី សហភាពអារ៉ាប់រួម ឥណ្ឌូណេស៊ី សិង្ហបុរី និង ប្រទេសជឿនលឿនផ្សេងទៀតនៅតំបន់អឺរ៉ុបក៏ប្រើប្រាស់បច្ចេកវិទ្យានេះផងដែរ ដើម្បីប្រឆាំងនឹងគ្រោះរាំងស្ងួត។
បើតាមការចុះផ្សាយរបស់បណ្ដាញសារព័ត៌មានចិនឲ្យដឹងថា រដ្ឋបាលឧតុនិយមរចិន គ្រោងប្រើប្រាស់ភ្លៀងសិប្បនិមិត្តនេះដើម្បីសំអាតផ្សែងអ័ព្ទនៅលើអាកាសផងដែរចាប់ពីឆ្នាំ ២០១៥ នេះ ដែលនេះក៏ស្ថិតក្នុងគម្រោងរបស់រដ្ឋាភិបាលក្នុងការប្រឆាំងនឹងការបំពុលអាកាស។
សូមទស្សនាវីដេអូ ស្តីអំពីការបង្កើតភ្លៀងសិប្បនិមិត្តនៅក្នុងប្រទេសចិន ៖
ប្រែសម្រួល៖ រស្មី
ប្រែសម្រួល៖ រស្មី
ប្រភព៖ news.bbc.co.uk, www.newscientist.com & www.sciencedaily.com
