LG អាចនឹងប្រកាសសង្គ្រាមទីផ្សារស្មាតហ្វូនកោងប្រជែង Samsung
ខណៈបណ្ដាក្រុមហ៊ុនអេឡិចត្រូនិកធំៗជាច្រើនចូលរួមតាំងបង្ហាញផលិតផលបំពាក់បច្ចេកវិទ្យាទំនើបចុងក្រោយរៀងៗខ្លួននៅពិព័រណ៍ CES 2015 រីឯក្រុមហ៊ុន LG ក៏មានវត្តមាននៅទីនោះ បង្អួតសាធារណជននូវស្មាតហ្វូនស៊េរីថ្មីចុងក្រោយយ៉ាងទំនើបរបស់ខ្លួន ដោយបំពាក់អេក្រង់កោងនៅផ្នែកគែមសងខាង ស្រដៀងនឹងលក្ខណៈកោងនៅលើ Galaxy Note Edge របស់ Samsung។
មិនមែនតែ Samsung កំពុងបើកសករាជស្មាតហ្វូនអេក្រង់កោងតែឯងនោះ ប៉ុន្តែ LG ក៏កំពុងបោះជំហានប្រឡូកផងដែរ ដោយនៅក្នុងពិព័រណ៍អេឡិចត្រូនិក CES 2015 នេះ ក្រុមហ៊ុនពិតជាបានធ្វើឱ្យក្លាយជាការពិតដោយបង្ហាញ G Flex2 ដែលជាជំនាន់ទី២ នៃ G Flex។ ខណៈដែលក្រុមហ៊ុន LG កំពុងជាប់ដៃមមាញឹកក្នុងការប្រកាសស្មាតហ្វូនកោង LG G Flex2 ចំណែក LG Display ដែលជាផ្នែករបស់ LG ក៏បានបង្អួតសមិទ្ធផលថ្មីមួយទៀតមិនធ្លាប់មាន គឺជាអេក្រង់ “Dual Edge” មានកញ្ចក់កោងបន្តិចនៅផ្នែកគែមនៃអេក្រង់។
លក្ខណៈបែបនេះ ត្រូវគេសន្និដ្ឋានថា LG ចង់ស្រូតមួយជំហានឱ្យបានមុន Samsung ដែលធ្លាប់មានចចាមអារ៉ាមថា ក្រុមហ៊ុននឹងផលិត Galaxy S6 ជាមួយអេក្រង់កោងកាច់បន្តិចសងខាង។ ផេប្លេត Dual Edge របស់ LG នេះគឺប្រើបច្ចេកវិទ្យាអេក្រង់ប្លាស្ទិក OLED (Plastic OLED) ដែលមានគុណភាពខ្ពស់។ យ៉ាងណា Dual Edge នេះស្ថិតត្រឹមជាអេក្រង់ប៉ុណ្ណោះ ក្រុមហ៊ុនមិនទាន់បញ្ជាក់នឹងយកបច្ចេកវិទ្យាអេក្រង់នេះទៅបំពាក់លើផេបេ្លត ឬលក់ឱ្យក្រុមហ៊ុនណាមួយនៅឡើយ។
បើយោងតាមសារព័ត៌មាន gforgames ឱ្យដឹងថា LG Display នៅពេលនេះ បានត្រៀមខ្លួនក្នុងការផលិតអេក្រង់កោងទំនើបម្យ៉ាងដែលហៅឈ្មោះថា “Active Bending” ដើម្បីលក់ទៅឱ្យក្រុមហ៊ុន Xiaomi៕
ប្រែសម្រួល៖ លី ឈៀន
មិនមែនតែ Samsung កំពុងបើកសករាជស្មាតហ្វូនអេក្រង់កោងតែឯងនោះ ប៉ុន្តែ LG ក៏កំពុងបោះជំហានប្រឡូកផងដែរ ដោយនៅក្នុងពិព័រណ៍អេឡិចត្រូនិក CES 2015 នេះ ក្រុមហ៊ុនពិតជាបានធ្វើឱ្យក្លាយជាការពិតដោយបង្ហាញ G Flex2 ដែលជាជំនាន់ទី២ នៃ G Flex។ ខណៈដែលក្រុមហ៊ុន LG កំពុងជាប់ដៃមមាញឹកក្នុងការប្រកាសស្មាតហ្វូនកោង LG G Flex2 ចំណែក LG Display ដែលជាផ្នែករបស់ LG ក៏បានបង្អួតសមិទ្ធផលថ្មីមួយទៀតមិនធ្លាប់មាន គឺជាអេក្រង់ “Dual Edge” មានកញ្ចក់កោងបន្តិចនៅផ្នែកគែមនៃអេក្រង់។
លក្ខណៈបែបនេះ ត្រូវគេសន្និដ្ឋានថា LG ចង់ស្រូតមួយជំហានឱ្យបានមុន Samsung ដែលធ្លាប់មានចចាមអារ៉ាមថា ក្រុមហ៊ុននឹងផលិត Galaxy S6 ជាមួយអេក្រង់កោងកាច់បន្តិចសងខាង។ ផេប្លេត Dual Edge របស់ LG នេះគឺប្រើបច្ចេកវិទ្យាអេក្រង់ប្លាស្ទិក OLED (Plastic OLED) ដែលមានគុណភាពខ្ពស់។ យ៉ាងណា Dual Edge នេះស្ថិតត្រឹមជាអេក្រង់ប៉ុណ្ណោះ ក្រុមហ៊ុនមិនទាន់បញ្ជាក់នឹងយកបច្ចេកវិទ្យាអេក្រង់នេះទៅបំពាក់លើផេបេ្លត ឬលក់ឱ្យក្រុមហ៊ុនណាមួយនៅឡើយ។
បើយោងតាមសារព័ត៌មាន gforgames ឱ្យដឹងថា LG Display នៅពេលនេះ បានត្រៀមខ្លួនក្នុងការផលិតអេក្រង់កោងទំនើបម្យ៉ាងដែលហៅឈ្មោះថា “Active Bending” ដើម្បីលក់ទៅឱ្យក្រុមហ៊ុន Xiaomi៕
ប្រែសម្រួល៖ លី ឈៀន
ប្រភព៖ gforgames
