ជីឡេៈ រកឃើញសាកសពក្រៀមស្ងួត២ សង្ស័យថាជាសត្វចម្លែកបឺតឈាមមនុស្សក្នុងរឿងនិទាន
តាម Metro កម្មករ១ក្រុមធ្វើការនៅ El Palqui ស្ថិតនៅ Moute Patria ប្រទេសជីឡេ បានរកឃើញដោយចៃដន្យនូវសាកសពក្រៀមស្ងួត២ របស់សភាវៈអាថ៌កំបាំងណាមួយនោះ ។
បើតាមលោក Javier Prohens កម្មករម្នាក់ក្នុងចំណោមនោះឲ្យដឹងថា ក្នុងពេលដែលពួកគេដើរមើលរោងចក្រស្រាមួយ ដែលត្រូវបានបោះបង់ចោល ក៏រកឃើញសាកសព ២ ស្លាប់ សង្ស័យថាជាមនុស្សក្រៅភពនៅកណ្តាលគំនរស្មៅស្ងួតមួយ ។
ដំបូងឡើយ គេគិតថាវាជាប្រចៀវ ប៉ុន្តែ បើប្រចៀវ នោះក្បាលរបស់វាពុំធំដូច្នេះទេ ។ ចុងក្រោយគេសង្ស័យថាជាសភាវៈអាថ៌កំបាំង ជំនាញបឺតឈាមមនុស្ស ហៅថា Chupacabra ។
សាកសពក្រៀមស្ងួត២ ដែលកម្មកររកឃើញ
ម្យ៉ាងទៀត រឿងបែបនេះ ពុំមែនទើបកើតឡើងនៅជីឡេទេ ។ មុននេះ ក៏មានសាកសពក្រៀមស្ងួតស្រដៀងគ្នានេះដែរ ត្រូវបានកេរកឃើញ ។ វាបានចោទជាសំណួរថាៈ តើនេះជាមនុស្សក្រៅភព ជា Chupacabra ក្នុងរឿងនិទាន ឬ ក៏ជាការរៀបចំរបស់អ្នកណាម្នាក់ ? ៕
រូបភាពរបស់ Chupacabra ក្នុងរឿងនិទាន
