អាជ្ញាធរវៀតណាមថាកាស៊ីណូកម្ពុជាតាមព្រំដែនធ្វើឲ្យប៉ះពាល់ដល់ស្ថិរភាពសង្គមរបស់វៀតណាម
អាជ្ញាធរវៀតណាមបានលើកឡើងថា កាស៊ីណូនៅតាមជាយដែនក្នុងទឹកដីកម្ពុជាបានបង្កអសន្តិសុខដល់សង្គម វៀតណាម ដោយអះអាងថាប្រជាជនវៀតណាមរាប់ពាន់នាក់បានឆ្លងដែនមកលេងល្បែងជា រៀងរាល់ខែ ។
លោក Vu Hoang Kien មន្ត្រីជាន់ខ្ពស់នៃក្រសួងសន្តិសុខជាតិរបស់ប្រទេសវៀតណាមបានប្រាប់ សារព័ត៌មានរបស់វៀតណាម ថាញ់នៀន (Thanh Nien News) កាលពីម្សិលមិញថា មានជនជាតិវៀតណាមជាច្រើនពាន់នាក់ បានឆ្លងមកលេងល្បែងនៅកាស៊ីណូនៅតាមបណ្ដោយជាយដែននៅក្នុងទឹកដី កម្ពុជាជារៀងរាល់ខែ ហើយអ្នកលេងល្បែងជំពាក់បំណុលជាច្រើននាក់ត្រូវបានគេចាប់ខ្លួនទុក ឬសម្លាប់ ។
ជនជាតិវៀតណាមលេងល្បែងក្នុងកាស៊ីណូនៅព្រំដែនកម្ពុជា វៀតណាម (រូបពី Thanh Nien News)
សារព័ត៌មានថាញ់នៀនក៏បានស្រង់សម្ដីរបស់នគរបាលវៀតណាមថា នៅតាមបណ្ដោយព្រំដែនកម្ពុជាវៀតណាម មានកាស៊ីណូចំនួន៥៤ និងសង្វៀនជល់មាន់៣៥កន្លែងនៅក្នុងដីកម្ពុជា ដែលបានទាក់ទាញជនជាតិវៀតណាមជាច្រើននាក់ចូលមកលេងល្បែង ឬមកធ្វើការជាអ្នករកស៊ីផ្លូវភេទ ឬអ្នកឲ្យលុយខ្ចីខុសច្បាប់ ។ នគរបាលវៀតណាមថាបញ្ហាទាំងនេះបានបង្កហានិភ័យដល់ស្ថិរភាពសង្គម វៀតណាម ។
សារព័ត៌មានថាញ់នៀនក៏បានឲ្យដឹងដែរថា ជនជាតិវៀតណាមជាង១,៦លាននាក់បានឆ្លងដែនដោយខុសច្បាប់មកកម្ពុជា កាលពីឆ្នាំមុន ដែលក្នុងនោះមនុស្សជាង២សែននាក់ត្រូវគេជឿថាឆ្លងដែនដើម្បីទៅលេង ល្បែង ។
អ្នកនាំពាក្យក្រសួងមហាផ្ទៃលោក ខៀវ សុភ័គ សុំមិនធ្វើអត្ថាធិប្បាយលើករណីនេះ ។ ពាក់ព័ន្ធនឹងការលើកឡើងថាមានជនជាតិវៀតណាមឆ្លងដែនដោយខុសច្បាប់មក លេងល្បែង លោក ខៀវ សុភ័គ ថាសមត្ថកិច្ចពុំអាចទៅហាមឃាត់បានទេ ។ លោកថា «សំខាន់គឺកាស៊ីណូវាសង់ជាប់នឹងព្រំដែនហ្នឹង…ចំពោះការទាក់ទាញ អ្នកចូលលេងមិនមែនសមត្ថកិច្ចកម្ពុជាទេ សូមកុំច្រឡំអញ្ចឹង គឺខាងកាស៊ីណូខ្លួនឯងទេតើ» ៕ ប្រភពៈ VOD
អាជ្ញាធរវៀតណាមបានលើកឡើងថា កាស៊ីណូនៅតាមជាយដែនក្នុងទឹកដីកម្ពុជាបានបង្កអសន្តិសុខដល់សង្គម វៀតណាម ដោយអះអាងថាប្រជាជនវៀតណាមរាប់ពាន់នាក់បានឆ្លងដែនមកលេងល្បែងជា រៀងរាល់ខែ ។
លោក Vu Hoang Kien មន្ត្រីជាន់ខ្ពស់នៃក្រសួងសន្តិសុខជាតិរបស់ប្រទេសវៀតណាមបានប្រាប់ សារព័ត៌មានរបស់វៀតណាម ថាញ់នៀន (Thanh Nien News) កាលពីម្សិលមិញថា មានជនជាតិវៀតណាមជាច្រើនពាន់នាក់ បានឆ្លងមកលេងល្បែងនៅកាស៊ីណូនៅតាមបណ្ដោយជាយដែននៅក្នុងទឹកដី កម្ពុជាជារៀងរាល់ខែ ហើយអ្នកលេងល្បែងជំពាក់បំណុលជាច្រើននាក់ត្រូវបានគេចាប់ខ្លួនទុក ឬសម្លាប់ ។
ជនជាតិវៀតណាមលេងល្បែងក្នុងកាស៊ីណូនៅព្រំដែនកម្ពុជា វៀតណាម (រូបពី Thanh Nien News)
សារព័ត៌មានថាញ់នៀនក៏បានស្រង់សម្ដីរបស់នគរបាលវៀតណាមថា នៅតាមបណ្ដោយព្រំដែនកម្ពុជាវៀតណាម មានកាស៊ីណូចំនួន៥៤ និងសង្វៀនជល់មាន់៣៥កន្លែងនៅក្នុងដីកម្ពុជា ដែលបានទាក់ទាញជនជាតិវៀតណាមជាច្រើននាក់ចូលមកលេងល្បែង ឬមកធ្វើការជាអ្នករកស៊ីផ្លូវភេទ ឬអ្នកឲ្យលុយខ្ចីខុសច្បាប់ ។ នគរបាលវៀតណាមថាបញ្ហាទាំងនេះបានបង្កហានិភ័យដល់ស្ថិរភាពសង្គម វៀតណាម ។
សារព័ត៌មានថាញ់នៀនក៏បានឲ្យដឹងដែរថា ជនជាតិវៀតណាមជាង១,៦លាននាក់បានឆ្លងដែនដោយខុសច្បាប់មកកម្ពុជា កាលពីឆ្នាំមុន ដែលក្នុងនោះមនុស្សជាង២សែននាក់ត្រូវគេជឿថាឆ្លងដែនដើម្បីទៅលេង ល្បែង ។
អ្នកនាំពាក្យក្រសួងមហាផ្ទៃលោក ខៀវ សុភ័គ សុំមិនធ្វើអត្ថាធិប្បាយលើករណីនេះ ។ ពាក់ព័ន្ធនឹងការលើកឡើងថាមានជនជាតិវៀតណាមឆ្លងដែនដោយខុសច្បាប់មក លេងល្បែង លោក ខៀវ សុភ័គ ថាសមត្ថកិច្ចពុំអាចទៅហាមឃាត់បានទេ ។ លោកថា «សំខាន់គឺកាស៊ីណូវាសង់ជាប់នឹងព្រំដែនហ្នឹង…ចំពោះការទាក់ទាញ អ្នកចូលលេងមិនមែនសមត្ថកិច្ចកម្ពុជាទេ សូមកុំច្រឡំអញ្ចឹង គឺខាងកាស៊ីណូខ្លួនឯងទេតើ» ៕ ប្រភពៈ VOD
