ក្រុមហ៊ុន Sony Pictures ត្រូវបាន Hack ពីរថ្ងៃជាប់គ្នា

ក្រុមហ៊ុន Sony Pictures Entertainment បាននិយាយថា ប្រព័ន្ធកុំព្យូទ័រនៅក្នុងក្រុមហ៊ុនត្រូវបាន Hack ជាលើកទី២ នៅថ្ងៃអង្គារម្សិលមិញនេះ បន្ទាប់ពីមានសារព័ត៌មានចុះផ្សាយរបស់ ប្រព័ន្ធកុំព្យូទ័ររបស់ ក្រុមហ៊ុនត្រូវបាន Hack។

នៅថ្ងៃចន្ទដើមសប្ដាហ៍នេះ សារព័ត៌មាន Los Angeles Times បានចុះផ្សាយថា ប្រព័ន្ធកុំព្យូទ័ររបស់ក្រុមហ៊ុន Sony Pictures Entertainment ត្រូវបាន Hack ដោយបង្ហាញផ្ទាំងខ្មៅ ជាមួយនឹងពាក្យថា « Hacked By #GOP»។

ប្រភពដដែលបានបន្តទៀតថា Hacker បានព្រមានដល់ Sony Pictures Entertainment ថានេះគ្រាន់តែជាការចាប់ផ្ដើមប៉ុណ្ណោះ ហើយបើសិនជាមិនបញ្ឈប់ សកម្មភាពដ៏អាថ៌កំបាំងនោះទេ ពួកគេនឹងបន្ត Hack រាល់ថ្ងៃ។

ស្ត្រីអ្នកនាំពាក្យ ក្រុមហ៊ុន Sony Pictures បានបញ្ជាក់ថា កុំព្យូទ័រនៅក្នុងក្រុមហ៊ុនពិតជាត្រូវបាន Hack មែន ប៉ុន្តែមិនបានបង្ហាញ ពីព័ត៌មានលម្អិតការ Hack នេះឡើយ៕