ជាក់ស្តែង កំរិតរីសូលុយហ្សិនរបស់ iPhone 6 មានត្រឹមតែ 1334x750 pixel ចំណែក iPhone 6 Plus គឺ 1920x1080 pixel ដូច្នេះមិនអាចបង្ហាញគុណភាពវីដេអូបានល្អឡើយ នៅក្នុងកំរិតរីសូលុយហ្សិន 4K (3840x2160 pixel)។ អ្នកប្រើប្រាស់អាចចាក់វីដេអូ និងរីករាយទស្សនានូវមាតិកាវីដេអូ នៅលើ iPhone ថ្មីទាំងពីរបាន ប៉ុន្តែមិនអាចមើលឃើញភាពល្អឥតខ្ចោះ នៃគុណភាពរូបភាពឡើយ ហើយអ្នកប្រើប្រាស់ ក៏គួរតែចងចាំដែរថា ទំហំហ្វាល់ (File) វីដេអូ 4K ក៏ធំណាស់ដែរ ដូច្នេះវាក៏នឹងបង្កការលំបាកក្នុងការ ផ្ទុកហ្វាល់ក្នុងស្មាតហ្វូន។

ជាមួយលទ្ធភាពរបស់ Chip A8 និងការបង្ហាញខ្លួននៃ iMac Retina 5K ក្រុមហ៊ុន Apple កំពុងតែបង្ហាញ ពីការយកចិត្តទុកដាក់យ៉ាងខ្លាំង ដល់បណ្តាខ្លឹមសារ Multimedia ដែលមានកំរិតភ្លឺច្បាស់ខ្ពស់។ Apple អាចនឹងធ្វើការអាប់ឌេត (Update) Apple TV ដោយធ្វើការជំនួស Chip A5 នៅក្នុងឧបករណ៍នាពេល បច្ចុប្បន្ននេះដោយ Chip A8 ឆាប់ៗនេះ៕

ប្រែសម្រួល៖ សិលា
ប្រភព៖ Slashgear, Vreview