ចិនកសាងកោះនៅលើថ្មប៉ប្រះទឹកនៅប្រជុំកោះស្ព្រាត់លីសម្រាប់ធ្វើផ្លូវយន្តហោះ
តាមសេចក្តីរាយការណ៍ព័ត៌មានអំពីវិស័យយោធាបាននិយាយកាលពីថ្ងៃសុក្រថារូបភាពពីផ្កាយរណបបានបង្ហាញថា ប្រទេសចិនកំពុងសាងសង់កោះនៅលើថ្មប៉ប្រះទឹកនៅប្រជុំកោះស្ព្រាត់លី( Spratly )ដែលមានទំហំធំគ្រប់គ្រាន់ដើម្បីបំពេញអ្វីដែលជាផ្លូវហោះឡើងចុះនៃយន្តហោះជាលើកទីមួយនៅសមុទ្រចិនខាងត្បូង ។
ការសាងសង់កោះនេះបានបង្កការព្រួយបារម្ភថាប្រទេសចិនអាចនឹងបង្វែរទឹកដីដែលមានជម្លោះនៅប្រជុំកោះដែលសម្បូររ៉ែនេះឱ្យទៅជាទីតាំងយោធា ដែលជាការបន្ថែមភាពតានតឹងទៅលើជម្លោះទឹកដីឲ្យកាន់តានតឹងខ្លាំងឡើងថែមទៀតនោះ ។ តំបន់ការសាងសង់កោះនេះ ក៏ត្រូវបានអះអាងសិទ្ធិកាន់កាប់ផងដែរដោយ កោះតៃវ៉ាន់ ម៉ាឡេស៊ី ហ្វីលីពីន វៀតណាម និង ព្រុយណេ។
រូបភាពនៃថ្មប៉ប្រះទឹកនៅប្រជុំកោះស្ព្រាត់លីដែលមានជម្លោះនេះ ត្រូវបានបង្ហាញឲ្យឃើញដោយកងទ័ពហ្វីលីពីនកាលពីឆ្នាំ២០១២តំបន់ឯកសារភ្ជាប់
តាមរូបភាពពីផ្កាយរណប បានបង្ហាញថាកោះដែលកសាងឡើងដោយចិននេះ គឺស្ថិតនៅលើថ្មប៉ប្រះទឹកនេះ ដោយមានបណ្តោយផ្លូវយ៉ាងតិចណាស់ចំនួន៣.០០០ម៉ែត្រនិងទទឹងផ្លូវពី២០០ម៉ែត្រទៅ៣០០ម៉ែត្រ ដែលមានទំហំធំគ្រប់គ្រាន់ដើម្បីកសាងផ្លូវយន្តហោះនិងអាកាសយានដ្ឋាន។
ការសាងសង់កោះនេះ គឺជាការប្រឆាំងទៅនឹងការអំពាវនាវរបស់អាមេរិកដែលបានអំពាវនាវឲ្យបញ្ឈប់សកម្មភាពបង្ករឿងហេតុនៅសមុទ្រចិនខាងត្បូងនេះ ៕ ប្រភពៈ CEN
