ដាច់ចិត្តចងកសម្លាប់ខ្លួន នៅក្នុងផ្ទះជួលជាមួយប្រុសស្នេហ៍ មិនដឹងជាមានវិបត្តិអ្វី
ខេត្តព្រះសីហនុ ៖ ស្ត្រីជនបរទេសម្នាក់ បានសម្រេចចិត្តធ្វើអត្តឃាត ដោយចងកសម្លាប់ខ្លួន នៅក្នុងផ្ទះជួលរបស់ខ្លួន ស្ថិតនៅក្រុមទី២ ភូមិ៦ ក្រុង-ខេត្តព្រះសីហនុ បង្កឲ្យមានការភ្ញាក់ផ្អើល កាលពីវេលាម៉ោង ៩និង៣០ នាទី ថ្ងៃទី៧ ខែវិច្ឆិកា ឆ្នាំ២០១៤ ហើយគេមិនទាន់បានដឹងពីមូលហេតុ នៃការធ្វើអត្តឃាត ដ៏គួរឲ្យសោកសង្រេង នេះនៅឡើយទេ ។
សមត្ថកិច្ចមូលដ្ឋាន បានអោយដឹងថា ស្ត្រីជនរងគ្រោះ មានឈ្មោះKARTVELISHVILI TAMAR ជនជាតិចចៀ អាយុ ២៥ឆ្នាំ កាន់លិខិតឆ្លងដែនលេខ 11AB06333 និងមានប្តីឈ្មោះ KARTVELISHVILI GEORGE ជនជាតិចចៀ (GEOGIA) អាយុ២៥ឆ្នាំ មានមុខរបរ អ្នកទេសចរណ៏ រយះពេលវែង។ ស្ត្រីរងគ្រោះបានមកជួលផ្ទះ ជាមួយមិត្តប្រុស នៅក្នុងភូមិ៦ សង្កាត់លេខ៤ នេះជាច្រើនខែមកហើយ ប៉ុន្តែនៅយប់កើតហេតុ មិនដឹងជាមានមូលហេតុអ្វី ទើបស្ត្រីរងគ្រោះ សម្រេចចិត្តចងក ធ្វើអត្តឃាតខ្លួនឯង។
នគរបាលបច្ចេកទេស ផ្នែកកោសល្យវិច័យ នៃស្នងការដ្ឋាននគរបាល ខេត្តព្រះសីហនុ បានធ្វើការសន្និដ្ឋាន ជំហានដំបូងថា ជនរងគ្រោះពិតជា បានធ្វើអត្តឃាតចងក សម្លាប់ខ្លួនពិតប្រាកដ តែមិនបានដឹងថា មូលហេតុអ្វីនៅឡើយទេ។ បច្ចុប្បន្នសាកសព ជនរងគ្រោះ ត្រូវបានសមត្ថកិច្ចរក្សាទុក រង់ចាំមន្ត្រីស្ថានទូត មកទទួល ដើម្បីចាត់ចែងបន្ត៕
ប្រភពពី វត្តភ្នំ
