មេបញ្ជាការក្រុមចម្រុះស្វែងរកវិធានការដើម្បីបញ្ឈប់ការរុលចូលទៅមុខរបស់IS
ក្រុងវ៉ាស៊ីនតោនៈ ក្រុមមេបញ្ជាការយោធាមកពីក្រុមចម្រុះដែលដឹកនាំដោយអាមេរិកប្រឆាំងរដ្ឋអ៊ិស្លាម នឹងជួបគ្នានៅក្នុងក្រុងវ៉ាស៊ីនតោនពីថ្ងៃអង្គារ ដើម្បីពិភាក្សាអំពីមធ្យោបាយបញ្ឈប់ការរុលចូលឥតឈប់ឈររបស់ក្រុមជីហាដនិយមនៅក្នុង អ៊ីរ៉ាក់និងស៊ីរី។
សេតវិមាន បាននិយាយថា ទំនុកចិត្តខ្ពស់ ដែលក្នុងនោះ មាននាយអគ្គសេនាធិការជាតិមកពីប្រទេសចំនួន២២នឹងជួបលោកប្រធានាធិបតីអាមេរិកលោកបារ៉ាក់ អូបាម៉ានៅមូលដ្ឋានទ័ពអាកាសAndrews ក្រៅរដ្ឋធានីអាមេរិក។
រូបភាពពីធ្វីធើរ IS បង្ហាញយុទ្ធជនរដ្ឋអ៊ិស្លាម តម្រង់កាំភ្លើងពីតំបន់ខ្ពង់រាប Mishtenur ខាងត្បូងក្រុងកូបានេ ពីថ្ងៃទី១០ ខែតុលា។ AFP
បណ្តាប្រទេសនឹងមានវត្តមាន ដូចជាៈ អូស្រ្តាលី បារ៉ែន បែលហ្ស៊ិក អង់គ្លេស កាណាដា ដាណឺម៉ាក អេហ្ស៊ីប បារាំង អាល្លឺម៉ង់ អ៊ីតាលី ហ្ស៊កដានី គូវែត លីបង់ ហូឡង់ នូវែលសេឡង់ កាតា អារ៉ាប៊ីសាអ៊ូឌីត តួកគី អេស្ប៉ាញ អារ៉ាប់រួម និងអាមេរិក។
អ្នកនាំពាក្យនៃក្រុមប្រមុខនៃសេនាធិការចម្រុះ លោកវរសេនីយ៍ឯក Ed Thomas បាន និយាយថា ក្រុមឧត្តមសេនីយ៍ ទាំងអស់នោះ នឹង«ពិភាក្សាអំពីទស្សនវិស័យជុំវិញឧបសគ្គនិងយុទ្ធនាការប្រយុទ្ធនឹងក្រុមISIL និងមធ្យោបាយល្អជាងនេះ។
នេះជាលើកទី១ដែលក្រុមយោធាជាន់ខ្ពស់មកពីប្រទេសនានាបានចូលរួមចាប់តាំងពីក្រុមនេះ ដែលបានកើតឡើងដែលពេល បច្ចុប្បន្ននេះមានប្រហែល៦០ ប្រទេស ត្រូវបានបង្កើតឡើងនៅក្នុងខែកញ្ញា។
ប៉ុន្តែក្រុមមន្រ្តីអាមេរិក បាន នៅស្ងៀមចំពោះអ្វីដែលត្រូវរំពឹងនឹងកើតឡើងយ៉ាងច្បាស់និងបាននិយាយថា សេចក្តីជូនដំណឹងអំពីយុទ្ធសាស្រ្តសំខាន់នឹងមិនទំនងកើតឡើងឡើយ។
មន្រ្តីការបរទេសមួយរូបបាន និយាយថា៖«ទាំងនេះ គឺជាក្រុមមេដឹកនាំយោធា មិនមែនអ្នកនយោបាយទេ ដូច្នេះគ្មាននរណា ម្នាក់គួរកុំរំពឹងទុកថា សេចក្តីជូនដំណឹងព័ត៌មាននឹងកើតចេញពី សន្និសីទនេះឡើយ»។
«ការជួបជុំគ្នានេះ ជាឱកាស មួយអាចជួបគ្នាដោយផ្ទាល់និងពិភាក្សាអំពីទស្សនវិស័យ ឧបសគ្គជាច្រើន មធ្យោបាយល្អជាងសម្រាប់យុទ្ធនាការប្រយុទ្ធ ប្រឆាំងក្រុមISIL។
ដៃគូខ្លះ ដូចជាបារាំង កំពុងជំរុញឲ្យមានការសម្រេចចិត្តច្បាស់លាស់។
អ្នកនាំពាក្យបារាំងលោកវរសេនីយឯក Gilles Jaron បាន និយាយថាក្រុងប៉ារីសចង់«ឈាន ដល់កិច្ចព្រមព្រៀងមួយស្តីអំពីបញ្ហានយោបាយជាគន្លឹះនិង«ចូលរួមក្នុងការបង្កើតផែនការសកម្មភាពរួមគ្នាសម្រាប់ការយកចិត្តទុកដាក់នៅក្នុងតំបន់»។
ការពិភាក្សាការបង្កើតតំបន់គ្មានយោធាមួយគួរត្រូវបានធ្វើឡើង ហើយគំនិតមួយនៅក្នុងចំណោមគំនិតស្តីអំពីការបង្កើតតំបន់គ្មានយោធានៅតាមព្រំដែនតួកគី និងស៊ីរី ដែលសមាជិកនៃក្រុមចម្រុះ មិនយល់ស្រប ប៉ុន្តែបារាំងនិងតួកគីគាំទ្រគំនិតដែលចង់បង្កើតឲ្យមានតំបន់គ្មាន យោធានេះ៕ ប្រភព ៖ ភ្នំពេញប៉ុស្តិ៍
