ធនាគារធំជាងនៅអាមេរិកត្រូវ Hacker លួចយកទិន្នន័យ
ទោះបីជាធនាគារអាមេរិកដែលគេល្បីថា
ខ្លាំងខាងប្រព័ន្ធការពារខ្ពស់ក៏នូវតែជៀសមិនផុតពីការ
Hackចូលរបស់ជនអនាមិកដែលមានបំណងស្វែងរកផលប្រយោជន៍តាមផ្លូវ
ងងឹត។ ជាក់ស្ដែង ធនាគារ JPMorgan Chase&Co
ដែលជាធនាគារធំជាងគេនៅអាមេរិកត្រូវបានក្រុម Hacker
ចូលលួចទិន្នន័យទៅលើគ្រួសារជាង ៧៦ លាន
និងឯកសារពាក់ព័ន្ធទៅនឹងអាជីវកម្មខ្នាតតូចជាង ៧ លាន។
ឈ្មោះអតិថិជន អាសយដ្ឋាន
លេខទូរសព្ទ
និងអ៊ីមែលរបស់អ្នកប្រើសេវាធនាគារមួយចំនួនត្រូវបានគេលួចយក។
មិនត្រឹមតែប៉ុណ្ណោះក្រុម Hacker
អាចកត់សម្គាល់ពីប្រភេទនៃការប្រើសេវាកម្មរបស់អតិថិជនម្នាក់ៗបាន
ទៀតមិនថាពួកគេកំពុងប្រើសេវាធនាគារឯកជន
ប្រាក់កម្ចីទិញផ្ទះ ប្រាក់កម្ចីទិញរថយន្ត និងផ្នែកកាតឥណទាន។
ជាពិសេសរាល់ពេលមាននរណាម្នាក់
បើកចូលវិបសាយ Chase.com ឬការប្រើ Mobile App
របស់ធនាគារពោលគឺងាយរងការ Hack ពីក្រុមអនាមិកភ្លាមៗ។
នេះបើយោងតាមសម្ដីរបស់មនុស្សម្នាក់ដែលគេស្នើសុំមិនបញ្ចេញឈ្មោះ
ព្រោះព័ត៌មាននេះមិនអាចបញ្ចេញជាសាធារណៈ។
មួយចំនួនធំនៃអ្នកដែលរងផលប៉ះពាល់ពីការវាយប្រហារគឺជាអតីត
អតិថិជនរបស់ធនាគារ JPMorgan ដែលបច្ចុប្បន្នធនាគារនេះមានអតិថិជន
៦៥ លាននាក់។
ទោះជាយ៉ាងណា ធនាគារដែលមានលោក
Jamie Dimon
ជានាយកប្រតិបត្តិនេះមិនទាន់រកឃើញមានភាពមិនប្រក្រតីណាមួយ
កើតឡើងទៅលើអតិថិជនរបស់ខ្លួននៅឡើយ៕
ប្រែសម្រួល៖ សែម សុធារិទ្ធ
ប្រភព៖ bloomberg
ប្រភព៖ bloomberg
