កម្មកររោងចក្រនៅក្នុងខណ្ឌពោធិសែនជ័យ ផ្ទុះបាតុកម្មទាមទារលក្ខខណ្ឌការងារ និងសុំបើកលុយមុនថ្ងៃបុណ្យអុំទូក
រាជធានីភ្នំពេញ៖ ក្រុមកម្មករកម្មការិនី ជាច្រើនពាន់នាក់នៅក្នុងរោងចក្រចំនួន ០៦ផ្សេងគ្នា ក្នុងខណ្ឌពោធិសែន នាព្រឹកថ្ងៃទី២១ ខែតុលានេះ បានផ្ទុះបាតុកម្មព្រមគ្នាទាមទារ នូវលក្ខខណ្ឌការងារ ហើយក្នុងនោះ ក៍មានការស្នើសុំឲ្យថៅកែរោងចក្របើកបា្រក់ខែ ប្រចាំខែតុលាឲ្យបានមុនថ្ងៃ ព្រះរាជពិធីអកអំបុកសំពះព្រះខែ នឹងឈានចូលមកដល់នៅថ្ងៃទី ០៤ ខែវិច្ឆិកាខាងមុខនេះ ផងដែរ។
រោងចក្រទំាង០៦ ដែលផ្ទុះបាតុកម្ម នាព្រឹកថ្ងៃអង្គាេរនេះ រួមមាន៖ រោងចក្រ ហុង វ៉ា I មានកម្មករ ចំនួន ១៦០០នាក់, រោងចក្រ ហុង វ៉ា III មានកម្មករ ១៣០០នាក់, រោងចក្រហ្រ្គែនធ្វីង (ជូអ៊ឹមអាយ) មានកម្មករ ៥៥០០នាក់ រោងចក្រទំាង៣ ខាងលើនេះ ស្ថិតក្នុងសង្កាត់ចោមចៅ ខណ្ឌពោធិសែន, សិប្បកម្ម ស៊ីង ហុង មានកម្មករ ប្រមាណ ៤៥នាក់, រោងចក្រតេរ៉ាតិច មានកម្មករ ១៤០០នាក់ និងរោងចក្រ WKH មានកម្មករប្រមាណជាង ១៤០០នាក់។
យ៉ាងណាក៍ដោយ ការធ្វើបាតុកម្មនៅព្រឹកថ្ងៃអង្គារនេះ មិនមានអំពើហិង្សាណាមួយកើតមានឡើយ។
កម្មកររោងចក្រនៅខណ្ឌពោធិសែនជ័យផ្ទុះបាតុកម្មទាមទារលក្ខខណ្ឌការងារនិងសុំបើកលុយមុនអុំទូក
ប្រភពពី Free Press Magazine
