អគ្គិភ័យឆាបឆេះផ្ទះប្រជាពលរដ្ឋ០៦ខ្នងនៅក្រុងស្វាយរៀង បណ្តាលឲ្យមនុស្ស០៣នាក់របួសធ្ងន់
ស្វាយរៀង៖ នៅវេលាម៉ោង៤និង២៥នាទីរសៀលថ្ងៃទី២២ តុលានេះ ផ្ទះអ្នកភូមិ០៦ខ្នងហើយ បានត្រូវអគ្គិភ័យបំផ្លាញទំាងស្រុងនៅក្នុងភូមិស្រះវង្ស សង្កាត់-ក្រុងស្វាយរៀង និង បណ្ដាលឱ្យមនុស្ស ចំនួន ០៣នាក់បានរងរបួសធ្ងន់រលាករលួយខ្លួន និងត្រូវបញ្ជូនទៅសង្គ្រោះបន្ទាន់ភ្លាមៗនៅមន្ទីរពេទ្យ។
តាមប្រភពព័ត៌មាននៅកន្លែងកើតហេតុ បានឲ្យដឹងថា ក្នុងរយៈពេលតែជិតកន្លះម៉ោងប៉ុណ្ណោះ ផ្ទះប្រជាពលរដ្ឋជាង ០៦ខ្នងត្រូវអគ្គិភ័យឆាបឆេះទាំងស្រុង ហើយផ្ទះប្រជាពលរដ្ឋផ្សេងៗទៀតក៏បាន គំរាមកំហែងដោយអគ្គិភ័យនេះ។
តាមប្រភពបានបន្តថា ផ្ទះដែលរងអគ្គិភ័យខាងលើនេះ ភាគច្រើនគឺជាផ្ទះលក់ឈើ លក់បាយ លក់ ចាប់ហួយ លក់ទូរស័ព្ទ សាងសង់ពីថ្មក្រោមឈើលើ ប្រក់ស័ង្កសី។ ចំពោះមូលហេតុ នាំឲ្យមានអគ្គិភ័យកើតឡើងខាងលើនេះ គេនៅពុំទាន់ដឹងប្រាកដនៅឡើយទេ ប៉ុន្តែតាមការសន្និដ្ឋាន ជំហានដំបូងរបស់សមត្ថកិច្ច អាចបណ្តាលមកពីទុស្សេចរន្តអគ្គិសនី៕
ប្រភពពី Free Press Magazine
