រថយន្ត RANGE ROVER បើកបុកអ្នកជិះកង់ កំពុងឆ្លងផ្លូវបណ្ដាល ឲ្យជនជាតិបរទេសម្នាក់ស្លាប់
ភ្នំពេញ ៖ បុរសជនជាតិបរទេសម្នាក់បានស្លាប់ភ្លាមៗដោយសារអ្នកបើករថយន្តស្ត្រីវ័យក្មេងម្នាក់ ហេតុនេះបានកើតឡើងនៅម៉ោង១និង៣០នាទីរំលងអធ្រាត្រឈានចូលថ្ងៃទី២៨ ខែកញ្ញា ឆ្នាំ២០១៤ តាមមហាវិថីព្រះមុនីវង្ស មុខវិទ្យាល័យព្រះយុគន្ធរ ក្នុងសង្កាត់បឹងកេងទី១ ខណ្ឌចំការមន ។
ប្រភព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុបុរសជនជាតិបរទេសម្នាក់បានបណ្តើរកង់ឆ្លងផ្លូវត្រូវស្ត្រីវ័យក្មេងម្នាក់ បានបើករថយន្តRANGE ROVERមួយគ្រឿពណ៌ស ពាក់ស្លាកលេខ ភ្នំពេញ 2X-5550 ធ្វើដំណើរពីជើងទៅត្បូង បោះពួយលឿនស្លេវ បានបើកបុកជន ជាតិបរទេសពេញទំហឹងកិនស្លាប់នៅកណ្តាលផ្លូវ ចំណែកកង់កិនខ្ទាតទៅចិញ្ចើមផ្លូវ ។ ភ្លាមនោះអ្នកបើកបររថយន្តបានព្យាយាមបើករថយន្តរត់គេច តែដោយសាររថយន្តបែកធុងទឹកបើកទៅមុខលែងរួច ទើបសមត្ថកិច្ចតាមទាន់ ប៉ុន្តែអ្នកបើកបររត់គេចខ្លួនបាត់ ។ ជនជាតិបរទេសដែលស្លាប់នោះមានវ័យប្រមាណជា៣០ឆ្នាំ។
ក្រោយពេលកើតហេតុសមត្ថបានយករថយន្តនិងកង់ត្រូវបានរក្សាទុកនៅការិយាល័យនគរបាលចរាចរ រាជធានីភ្នំពេញដើម្បីដោះស្រាយបន្ត ៕
.jpg)
.jpg)
ប្រភពពី នគរវត្ត
Read more: http://www.cambodiapage.info/?p=43046#ixzz3EgYF2gF2
