ក្ដីបារម្ភនៃការធ្លាយ រូបភាពឯកជនពី iCloud សាយភាយមកដល់កម្ពុជា
ភ្នំពេញ: ទន្ទឹមនឹងការលេចឮ
ព័ត៌មាន iPhone 6
ត្រៀមបង្ហាញវត្ដមានលើទីផ្សារទូទាំងសកលលោកក្នុងពេលឆាប់ៗខាងមុខ
នេះ
ក្រុមហ៊ុនយក្សមួយនេះបានជួបវិបត្ដិក្នុងការដោះស្រាយរឿងអាស្រូវ
ទាក់ទងនឹងប្រព័ន្ធប្រតិបត្ដិការ iOS ដោយសារតែគណនី iCloud
ដែលផ្ទុករូបភាពរបស់តារាល្បីៗត្រូវបានចូលលួច
និងបង្ហោះពេញបណ្ដាញសង្គមជាច្រើន។
ថ្វីដ្បិតតែវប្បធម៌រូបថតស្រើបស្រាលមានការពេញនិយមខ្លាំងចំពោះ តារាបរទេសយ៉ាងណាក៏ដោយ ក៏តារាខ្មែរនៅតែបង្ហាញទស្សនៈអភិរក្សវប្បធម៌របស់ជាតិដដែល។
កញ្ញា ទឹម រដ្ឋា ជាតារាភាពយន្ដដ៏ល្បីរបស់កម្ពុជា
ដែលធ្លាប់ធ្លាយរូបភាពស្លៀកឈុតប៊ីគីនីងូតទឹកសមុទ្រជាមួយសង្សារ
ជនជាតិប៉ាគីស្ថាន បាននិយាយថា
ខ្លួនមានការបារម្ភខ្លាំងចំពោះបច្ចេកវិទ្យាទំនើបដែលក្រុមអនាមិក
អាចជ្រៀតចូលគណនីបុគ្គលបែបនេះ។
ថ្មីៗនេះ តារាចម្រៀង អារីយ៉ាណា ហ្គ្រេនដ៍
តារាចម្រៀង សេលីណា ហ្គោម៉េស ជាពិសេស តួឯកស្រីក្នុងរឿង The Hunger Games
វ័យ២២ឆ្នាំ នាង ជេនីហ្វើ ឡូរ៉េន
ដែលរងគ្រោះដោយរូបភាពស្រើបស្រាលបែបសិចត្រូវលេចធ្លាយជាច្រើនសន្លឹក
។
តាមគេហទំព័រ Rare America’s New Feed បានឲ្យដឹងថា
ក្រុមលួចទិន្នន័យតាមអ៊ីនធឺណិត (Hackers) នឹងបន្ដលួចយករូបអាក្រាត
ឬសិចស៊ីរបស់តារាស្រីល្បីផ្សេងៗទៀតរួចបង្ហោះនៅលើគេហទំព័រ 4chan។
ក្រុម hackers បានសរសេរលើគណនីរបស់ខ្លួនដែល គេហទំព័រ Business Insider
ដកស្រង់ថា៖ «ខ្ញុំត្រឡប់មកវិញហើយ
ហើយត្រៀមខ្លួនជាស្រេចក្នុងការជ្រៀតចូលគណនី iCloud
ទាំងអស់ដែលត្រូវការ
ដោយគ្រាន់តែផ្ញើអ៊ីមែលរបស់បុគ្គលដែលអ្នកចង់មើលទិន្នន័យនោះ។
ធានាថា ខ្ញុំអាចចូលគ្រប់គណនីទាំងអស់ដោយមិនលើកលែងឡើយ»។ថ្វីដ្បិតតែវប្បធម៌រូបថតស្រើបស្រាលមានការពេញនិយមខ្លាំងចំពោះ តារាបរទេសយ៉ាងណាក៏ដោយ ក៏តារាខ្មែរនៅតែបង្ហាញទស្សនៈអភិរក្សវប្បធម៌របស់ជាតិដដែល។
កញ្ញា ទឹម រដ្ឋា
រដ្ឋា បានឲ្យដឹងថា៖
«ខ្ញុំពិតជាបារម្ភពីឯកជនភាពរបស់ខ្ញុំណាស់។
ខ្ញុំមិនមានរូបភាពអាក្រាតបែបស្រើបស្រាលអ្វីទេ
វាត្រឹមតែជារូបភាពស្លៀកប៊ីគីនី ឬអាវក្នុងខោក្នុងអីប៉ុណ្ណោះ។
ប៉ុន្ដែទោះបីជាយ៉ាងណាក៏ដោយ មិនខុសពីតារាដទៃទេ រូបភាពជាបុគ្គល
ខ្ញុំមិនចង់ឲ្យអ្នកដទៃឃើញនោះទេ»។
ទាក់ទងនឹងក្រុម Hackers នេះ
យុវតីកម្ពុជាមានក្ដីកង្វល់ចំពោះការលេចធ្លាយរូបភាពសិចស៊ី
ឬអាក្រាតលើប្រព័ន្ធប្រតិបត្ដិការ iCloud
ចំពោះអ្នកប្រើប្រាស់ទូរស័ព្ទទំនើប iPhone ទាំងអស់។
ថ្វីដ្បិតតែពួកគេមិនបង្ហោះរូបភាពសិចស៊ី
ឬអាក្រាតរបស់ខ្លួនយ៉ាងណាក៏ដោយ ក៏អ្នកខ្លះបានសារភាពថា
ពួកគេមានលាក់ទុករូបភាពមិនសមរម្យខ្លះផងដែរ។
ជាក់ស្ដែង កញ្ញា ពៅ លីណា អាយុ២៤ឆ្នាំ
ជាបុគ្គលិកផ្នែកទីផ្សារនៅក្រុមហ៊ុនឯកជនមួយ
បានថ្លែងពីក្ដីបារម្ភរបស់ខ្លួនថា៖
«ថ្វីដ្បិតតែខ្ញុំមិនមែនជាតារាល្បីល្បាញដូចគេយ៉ាងណាក៏ដោយ
ក៏ខ្ញុំមានអារម្មណ៍តក់ស្លុតខ្លាំងដែរនៅពេលដឹងថា
មានគេអាចលួចយករូបភាពឯកជនទៅបង្ហោះលើបណ្ដាញសង្គម»។
យុវតីដែលចូលចិត្ដរូបថតដាក់លើទូរស័ព្ទរូប
នោះ បានសារភាពថា កញ្ញាក៏មានរូបថតមិនគួរបង្ហាញខ្លះលើទូរស័ព្ទ
iPhone ដែលមិនចង់ឲ្យអ្នកដទៃឃើញ។
ពាក់ព័ន្ធនឹងក្ដីបារម្ភនេះ លោក ឆន រឿន
អាយុ២៤ឆ្នាំ ជាអ្នកឯកទេស iOS Developer នៅក្រុមហ៊ុន Golden Gecko
លើកឡើងពីមូលហេតុដែលគេអាចលួចចូលយកទិន្នន័យក្នុងiPhone ថា៖
«ជាទូទៅ ទូរស័ព្ទ iPhone ដែលត្រូវបាន Jailbreak រួច
បានបាត់បង់សុវត្ថិភាពនៅក្នុងការការពារប្រព័ន្ធ software ហើយ។
ការបាត់បង់នេះ អាចនឹងរងការលួចចូលជ្រៀតពីពិភពខាងក្រៅណាស់»។
លោកបានលើកឡើងពីមូលហេតុមួយផ្សេងទៀតថា
នៅពេលយើងថតរូបពីទូរស័ព្ទមួយដាក់ក្នុងកម្មវិធី iCloud Photo Sharing
ដោយចុចយកពាក្យ «Synchronized»
រូបទាំងនឹងអាចមើលឃើញនៅទូរស័ព្ទផ្សេងទៀតដោយគ្រាន់តែប្រើឈ្មោះ
និងលេខសម្ងាត់ចាស់ដដែល។ ដូច្នេះ បើមានគេដឹងស្គាល់អ៊ីមែល
និងលេខសម្ងាត់
រូបភាពក្នុងទូរស័ព្ទទាំងអស់ក៏ត្រូវបានគេមើលឃើញដែរ។
ដើម្បីជាវិធីបង្ការ អ្នកជំនាញផ្នែក
Software លើទូរស័ព្ទ iPhone រូបនោះ បានលើកឡើងថា៖
«អ្នកប្រើគណនីលើទូរស័ព្ទទាំងអស់គួរតែដាក់ទាំងអក្សរ លេខ
និងសញ្ញាផ្សេងៗលើ password ចៀសវាងការងាយស្រួលរុករកពីជនខិលខូច»។
លោក រឿន
បានឲ្យដឹងពីលទ្ធភាពដែលអាចលួចចូលទិន្នន័យក្នុងស្រុកខ្មែរថា
អ្នកព័ត៌មាននៅកម្ពុជាអាចជ្រៀតចូលគណនីរបស់អ្នកដទៃដោយការប្រើ
Tool ឬ Software មកពីបរទេស ដូចជា ចិន និងវៀតណាមជាដើម
តែអ្នកជំនាញស្រុកខ្មែរមិនមានសមត្ថភាពលុកលុយចូលយកទិន្នន័យរបស់
អ្នកដទៃបានឡើយ។
ក្រោយពីការស៊ើបអង្កេតរយៈពេល៤០ម៉ោង
ក្រុមហ៊ុន Apple បានឲ្យដឹងថា
គណនីរបស់តារាល្បីៗគឺជាទិសដៅវាយប្រហារដ៏សំខាន់ទៅលើ user names,
passwords និង security questions
ហើយមិនមានទិន្នន័យណាមួយលេចធ្លាយដោយសារតែ iCloud នោះទេ៕
_________________________
ប្រភពព័ត៌មានពី៖ ខ្មែរប៉ុស្តិ៍
ប្រភពព័ត៌មានពី៖ ខ្មែរប៉ុស្តិ៍
