​ផ្ទុយទៅវិញ ការិយាល័យ​អគ្គ​រដ្ឋអាជ្ញា​(OAG)​បាន​អំពាវនាវ​អោយ​បង្កើត​ក្រុម​ចម្រុះ​មួយ ​រវាង​NACC​និង​OAG​ដើម្បី​ធ្វើ​ការស៊ើបអង្កេត​​សាជាថ្មី​ករណីនេះ ដោយហេតុ​ថា​មិន​ទាន់​មាន​ភស្តុតាង​គ្រប់គ្រាន់​ដើម្បី​ចាត់ការ​អតីត​ មេដឹកនាំ​ថៃ​រូបនេះ​នៅឡើយ​ទេ​។​

​ចំពោះ​ការសន្និដ្ឋាន​របស់​NACC​ដែលថា យី​ង​ឡាក់​មិន​បាន​បញ្ឈប់​កម្មវិធី​នេះ​ទោះជា​ដឹង​ថា​វា​បង្កអោយមាន​ អំពើពុករលួយ​នោះ​​លោក​វ៉ាន់​ឆៃ ប្រធាន​OAG​បាន​និយាយថា គំរោង​ទិញ​ស្រូវ​នេះ​ជា​គោលនយោបាយ​មួយ​នៃ​រដ្ឋាភិបាល​របស់​យី​ង​ឡាក់​ដែល​ បាន​​ដាក់ជូន​សភា​អនុម័ត​ទៅ​តាម​រដ្ឋធម្មនុញ្ញ​ឆ្នាំ​២០០៧ ដូច្នេះ​NACC​មិន​អាច​បង្ហាញ​ភស្តុតាង​ថា យី​ង​ឡា​ក់មាន​អំណាច​ដើម្បី​បញ្ឈប់​​គំរោង​នេះ​ទេ។​

​អំពី​ការចោទប្រកាន់ថា​ធ្វេសប្រហែស​ការងារ NACC​ក៏​មិន​អាច​ប្រមូល​បាន​ភស្តុតាង​គ្រប់គ្រាន់​ដើម្បី​បង្ហាញថា​តើ​ លោកស្រី​យី​ង​ឡាក់​​ខកខាន​មិន​បាន​ចាត់ការ​ក្រោយពី​ត្រូវ​បាន​ជូនដំណឹង​ដោយ​ ទីភ្នាក់ងារ​ប្រឆាំង​អំពើពុករលួយ​នេះ និង​ការិយាល័យ​សវនកម្ម​អំ​ពី​ការ​​ប្រព្រឹត្តិ​អំពើ​ពុករលួយ​ក្នុងអំឡុង​ ការអនុវត្តន៍​គំរោង​ផែនការ​នេះ​។​

​គណៈកម្មការ​NACC​បាន​បញ្ជូន​ករណី​នេះ​ទៅអោយ​ OAG​ចាត់ការ​បន្ត​កាលពី​ថ្ងៃ​១៧​កក្កដា ដោយ​ចោទប្រកាន់​លោកស្រី​យី​ង​ឡាក់​​ថា​ខកខាន​មិន​បាន​ដោះស្រាយ​អំពើពុករលួយ​ នៅក្នុង​គំរោង​រដ្ឋ​ទិញស្រូវ​ពី​កសិករ​ក្នុង​តម្លៃ​ថ្លៃ ដែល​នាំ​អោយ​រដ្ឋ​ខាតបង់​ប្រាក់​ជាង​៥០០.០០០​លានបាត​។​

NACC​បាន​បោះឆ្នោត​ក្នុង​សម្លេង​៧​ទល់​០ គាំទ្រ​អំណះអំណាង​ដែល​ថា​មាន​ហេតុផល​គ្រប់គ្រាន់​សំរាប់​ចោទប្រកាន់​យី​ង​ ឡាក់​ពីបទ​​ធ្វេសប្រហែស​មិន​បាន​លុបចោល​គំរោង​នេះ ទោះជា​ដឹងថា​វា​នាំ​អោយ​មាន​អំពើពុករលួយ​និង​ការខាតបង់​។​

ប្រធាន​NACC​លោក​សាន​សឺ​ន ប៉ូល​ហ្សៀ​ក​បាន​និយាយថា វា​ធម្មតា​ទេ​ដែល​រដ្ឋអាជ្ញា​ស្វះស្វែង​រក​ការបញ្ជាក់​និង​ភស្តុតាង​រឹងមាំ​ ​ឡើង​ មុន​បញ្ជូន​ករណី​នេះ​ទៅ​តុលាការ​។​

​ក្នុងពេល​ជាមួយគ្នា ក្រុមអ្នកច្បាប់​តំណាងអោយ​យី​ង​ឡាក់ ត្រៀម​ផ្តល់​សាក្សី​និង​ភស្តុតាង​បន្ថែម​ទៅ​គណៈកម្មការ​ចំរុះ​OAG-NACC ៕

យី​ង​ឡាក់ សើច​សម​មួយ​រយៈពេល​ទៀត​ក្រោយ​ពី​ប្រធាន​រដ្ឋអាជ្ញា​ច្រាន​ចោល​អនុសាសន៍​របស់​ទីភ្នាក់ងារ​ប្រឆាំង​​អំពើពុករលួយ​