ភ្នំពេញ៖ នារីម្នាក់បាន ជិះម៉ូតូអាយខន មួយគ្រឿង ដោយគិតតែនិយាយគ្នា ជាមួយបុរសម្នាក់ ទៀតជិះម៉ូតូFZ ហើយបានធ្លាក់ជង្ហុក បណ្តាលឲ្យដួល បោកក្បាលទៅ និងថ្នល់រងរបួសធ្ងន់ កាលពីវេលា២៣និង៣០នាទីយប់ ថ្ងៃទី៤ ខែកញ្ញា ឆ្នាំ២០១៤ នៅចំណុចខាងលិចផ្សារដើមគ តាមបណ្តោយ ផ្លូវម៉ៅសេទុង ស្ថិតក្នុងសង្កាត់បឹងសាឡាង ខណ្ឌទទួលគោក ។    

តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេ បានឃើញនារីម្នាក់ និងបុរស២នាក់ជិះម៉ូតូ២គ្រឿង មួយគ្រឿងម៉ាកអាយខន ពណ៌ផ្កាឈូក ពាក់ស្លាកលេខ ភ្នំពេញ1AB-9383 ជិះដោយនារីម្នាក់ និងមួយគ្រឿងទៀតម៉ាក FZ ធ្វើដំណើរតាមបណ្តោយផ្លូវម៉ៅសេទុង ក្នុងទិសដៅពីជើងទៅត្បូង ដោយគិតតែនិយាយគ្នា មិនបានមើលមុខក៏ធ្លាក់ជង្ហុក បណ្តាលឲ្យដួល បោកក្បាលទៅនឹងថ្នល់ រងរបួសធ្ងន់ធ្ងរ ចំណែកម៉ូតូមួយគ្រឿងទៀតមិនមានរងរបួសនោះទេ ។     ក្រោយពេលកើតហេតុជនរងគ្រោះ ត្រូវបានរថយន្តសង្គ្រោះដឹកទៅ មន្ទីរពេទ្យភ្លាមៗ ចំណែកម៉ូតូត្រូវបានមិត្តភ័ក្រជិះយករក្សាទុកផងដែរ។ គួរបញ្ជាក់ផង ថា នៅតាមបណ្តោយផ្លូវម៉ៅសេទុង ត្រង់ចំណុចខាងលិចផ្សារដើមគរ នេះ ចាប់ពីថ្ងៃទី១ ខែកញ្ញា ឆ្នាំ២០១៤ គឺមានគ្រោះថ្នាក់ចរាចរណ៍ចំនួន៣ករណីហើយ ដោយសារតែត្រង់នោះមានជង្ហុកធំហើយជ្រៅ ទើបមានគ្រោះថ្នាក់ ជាយក្សថាហេតុបែបនេះ ។

ប្រជាពលរដ្ឋ ដែលនៅក្បែនោះបានសុំណូមពរដល់សមត្ថកិច្ចមូលដ្ឋាន ជួយពិនិត្យមើលត្រង់ចំណុចកើតហេតុខាងលើផង បើនៅតែមានជង្ហុកដូននោះ មិនដឹងថា មានមនុស្សប៉ុន្មាននាក់ទៀត ដែលត្រូវរងគ្រោះថ្នាក់ទៀតទេ៕

______________

ផ្តល់សិទ្ទិដោយ៖dap-news