លោកស្រី ហ៊ុន ប៊ុនធឿន ប្អូនស្រី សម្ដេចតេជោសូម បដិសេធថាឈ្មោះ តាលាងហៅហ៊ុនប៊ុន ធឿនមិនមែនជាសាច់ ញាតិក្នុងត្រកូល“ហ៊ុន” នោះទេ
លោកស្រីហ៊ុន ប៊ុនធឿន ប្អូនស្រីសម្ដេចតេជោបានបន្ដថា ដូច្នេះសូម ប្រជាពលរដ្ឋកុំយល់ច្រឡំ ប្រសិនបើឈ្មោះតាលាង ហៅ ហ៊ុន ប៊ុនធឿន នោះ បានប្រព្រឹត្ដអំពើអ្វីមួយប៉ះពាល់ដល់ក្នុង សង្គម ។
គួររំលឹកថា លោកស្រី ហ៊ុន ប៊ុនធឿន ដែលត្រូវជាប្អូនស្រីសម្ដេចតេជោ និង ជាភរិយាលោកស៊ាង ប៊ុនលាង អនុរដ្ឋ លេខាធិការក្រសួងមហាផ្ទៃមិនបាន ប្រកបមុខរបរជីករណ្ដៅដីឬក៏រំលោភ យកដីប្រជាពលរដ្ឋណាមួយឡើយលោក ស្រីមានតែបានចូលរួមជួយជាលក្ខណៈ មនុស្សធម៌ដល់សង្គម និងជាទីគោរព ស្រឡាញ់ពីប្រជាពលរដ្ឋគ្រប់ស្រទាប់ វណ្ណៈ តាមរយៈការបន្សល់ទុកនូវកិត្ដិយស និងសេចក្ដីថ្លៃថ្នូររបស់លោកស្រីក៏ដូច ជាត្រកូល“ហ៊ុន” ទាំងមូល ។
កាលពីពេលថ្មីៗនេ តាលាង ហៅ ហ៊ុន ប៊ុនធឿន ដែលអ្នកខ្លះកំពុង យល់ ច្រឡំថាជាសាច់ឈាមត្រកូល“ហ៊ុន” ត្រូវបានអ្នកស្រី ឃួន ម៉ាលីន ធ្លាប់ប្ដឹង ទៅអាជ្ញាធរ សមត្ថកិច្ច, ព្រះរាជអាជ្ញាអម សាលាដំបូងរាជធានីភ្នំពេញ, នាយកដ្ឋាន នគរបាលកណ្ដាលយុត្ដិធម៌នៃក្រសួងមហា ផ្ទៃ, ក្រសួងទំនាក់ទំនងសភា ព្រឹទ្ធសភា និងអធិការកិច្ចពាក់ព័ន្ធនឹងបុគ្គលរូបនេះ បានរំលោភយកដីរបស់គាត់ទៅជីកយក អាចម៍ដីលក់ អស់ទំហំ១៦.១២៥ម៉ែត្រ ការ៉េ និងរំលោភ យកដីផ្នែកខាងលើបឹង ប្រមាណជាង១១ហិកតា ។
ថ្មីៗនេះផងដែរ អ្នកស្រីឃួន ម៉ាលីន បានទៅធ្វើសន្និសីទកាសែតស្រែកទ្រហោ យំនៅមុខសាលាដំបូងរាជធានីភ្នំពេញ កាលពីវេលាម៉ោង១០និង៣០នាទីព្រឹក ថ្ងៃទី៦ ខែកញ្ញា ឆ្នាំ២០១៤បង្ហាញពីឯក សារជាច្រើនពាក់ព័ន្ធទៅនឹងការគ្រប់គ្រង ដីរបស់គាត់ស្របច្បាប់ និងស្រែករកយុត្ដិ ធម៌ពីស្ថាប័នតុលាការ ក៏ដូចប្រមុខរាជ រដ្ឋាភិបាលដោយស.ជ.ណលេខ៦៩១ ចុះថ្ងៃ ទី៧ ខែឧសភា ឆ្នាំ២០១៤របស់រាជរដ្ឋាភិ បាលផ្ដល់សិទ្ធិឱ្យមកឈ្មោះឧកញ៉ាកុក អាន និងឈ្មោះ ហ៊ុន ប៊ុនធឿន ហៅតាលាង បានប៉ះពាល់ទៅលើដីរបស់គាត់ដែល ឈ្មោះតាលាង ហៅហ៊ុន ប៊ុនធឿនរំលោភ យកតាំងពីឆ្នាំ២០០០-២០០១ ៕
ប្រភពពី នគរវត្ត
