កម្ពុជាជាកន្លែងសុវត្ថិភាព ក្នុងការលាងលុយ
ភ្នំពេញៈ អំពើ
ពុករលួយប្រព័ន្ធយុត្តិធម៌ទន់ខ្សោយ
និងកង្វះតម្លាភាពនៅក្នុងវិស័យហិរញ្ញវត្ថុបាននាំឲ្យកម្ពុជាជាប់
ចំណាត់ថ្នាក់ ទី៣
នៅក្នុងសន្ទស្សន៍ពិភពលោកដែលងាយទទួលរងការលាងលុយកខ្វក់
និងការផ្ដល់ហិរញ្ញប្បទានដល់ភេរវជន។
ការបោះផ្សាយស្តីពីសន្ទស្សន៍ប្រឆាំងការលាងលុយកខ្វក់ទីក្រុង
ឆ្នាំ២០១៤ ដែលបានរៀបចំឡើងដោយវិទ្យាស្ថាន Basel Institute
មានមូលដ្ឋាននៅ ប្រទេសស្វ៊ីស
ស្ដីពីអភិបាលកិច្ចបានដាក់ចំណាត់ថ្នាក់ប្រទេសកម្ពុជា នៅបន្ទាប់ពី
ប្រទេសអាហ្វហ្គានីស្ថាន និង ប្រទេសអ៊ីរ៉ង់ ក្នុងចំណោម ១៦២
ប្រទេសដែលរាប់ចាប់ពីប្រទេសងាយទទួលរងគ្រោះខ្លាំងបំផុតដល់ប្រទេស
ងាយទទួលរងគ្រោះតិចបំផុត។
ដោយបានវាយតម្លៃស្ដីពីទំហំហានិភ័យចាប់ពីលេខ ០ ដល់លេខ ១០ ដែលប្រើប្រាស់ទិន្នន័យបានពីប្រភពជាច្រើនរួមមាន ធនាគារពិភពលោក និងវេទិកាសេដ្ឋកិច្ចពិភពលោក ប្រទេសកម្ពុជា ទទួលបានពិន្ទុ ៨,៣៩។ ប្រទេសហ្វាំងឡង់ ត្រូវបានវាយតម្លៃជាប្រទេសមានហានិភ័យតិចបំផុតទទួលបានចំណាត់ ថ្នាក់ ២,៥១។
ប្រទេសកម្ពុជា មិនបានកែលម្អចំណាត់ថ្នាក់ ទី៣ របស់ខ្លួនទេ ចាប់តាំងពីសន្ទស្សន៍នេះត្រូវបង្កើតឡើងកាលពី ឆ្នាំ២០១២។
លោក ព្រាប កុល នាយកប្រតិបត្តិរបស់អង្គការតម្លាភាពកម្ពុជា បានថ្លែងកាលពីម្សិលមិញថា វប្បធម៌រក្សាការសម្ងាត់ក្នុងវិស័យធនាគាររួមបញ្ចូលទាំងអំពើពុក រលួយដែលកើតមានឡើងជាប្រចាំរបស់ប្រទេសនេះ បានបង្កើតជា «ភាពងាយរងគ្រោះ» ដែលបានដាក់ ប្រទេសកម្ពុជា ទៅរកការលាងលុយកខ្វក់។
លោកលើកឡើងថា៖ «ខណៈដែលរដ្ឋាភិបាលបានព្យាយាមដោយគ្មានទំនុកចិត្តដើម្បីត្រួត ពិនិត្យវិស័យហិរញ្ញវត្ថុប្រទេសនេះនៅតែខ្វះក្របខ័ណ្ឌច្បាប់គ្រប់ គ្រាន់ និងយន្តការសម្រាប់គណនីភាព និងតម្លាភាព»។
លោកបន្តថា៖ «កង្វះបទប្បញ្ញត្តិនេះ អាចផ្តល់ផលប្រយោជន៍ដល់ក្រុមលាងលុយកខ្វក់»។
លោកបានបញ្ជាក់ថា កំណើនសេដ្ឋកិច្ចយ៉ាងរហ័សរបស់កម្ពុជាដោយគ្មានការអនុវត្តច្បាប់ ប្រឆាំងការលាងលុយកខ្វក់ប្រកបដោយប្រសិទ្ធភាពបានបណ្ដាលឲ្យប្រទេស នេះងាយរងគ្រោះកាន់តែខ្លាំងចំពោះបទឧក្រិដ្ឋហិរញ្ញវត្ថុ។
លោកបន្ថែមថា៖ «ច្បាប់ស្ដីពីលទ្ធភាពទទួលបានព័ត៌មានត្រូវការខ្លាំងបំផុត ដោយសារតែច្បាប់នេះនឹងអនុញ្ញាតឲ្យយើងមានលទ្ធភាពនិងតាមដាន ព័ត៌មានហិរញ្ញវត្ថុ»។
ប៉ុន្តែលោក Grant Knuckey អគ្គនាយកធនាគារ ANZ Royal បានថ្លែងថា ទីតាំងរបស់កម្ពុជានៅក្នុងសន្ទស្សន៍នេះមិនត្រឹមត្រូវទេ។
លោកបន្តថា៖ «នេះមិនមែនជាការវាយតម្លៃដោយយុត្តិធម៌របស់ឧស្សាហកម្មធនាគារ ផ្ទាល់ខ្លួននោះទេ ដោយសារតែក្របខ័ណ្ឌច្បាប់បានដាក់ឲ្យអនុវត្តដោយធនាគារជាតិនៃ កម្ពុជា សម្រាប់ការរាយការណ៍ប្រតិបត្តិការដែលមានការសង្ស័យ និងតួនាទីរបស់អង្គភាពព័ត៌មានចារកម្មហិរញ្ញវត្ថុ (FIU) បានកែលម្អការត្រួតពិនិត្យ និងកម្រិតនៃការត្រួតពិនិត្យការប្រឆាំងការលាងលុយកខ្វក់នៅក្នុង វិស័យធនាគារ»។
លោកបានបន្តទៀតថា លទ្ធផលសន្ទស្សន៍នេះ ហាក់ពឹងផ្អែកលើកត្តាជាច្រើនដែលមិនជាក់លាក់ដូចជា អំពើពុករលួយ និងតម្លាភាពទូទៅ ដែលមិនអាចទទួលបានការកែលម្អកំពុងត្រូវបានធ្វើឡើង ជាពិសេសលើការប្រឆាំងការលាងលុយកខ្វក់។
លោកបន្ថែមថា ចំណែកខាងធនាគារ ANZ Royal វិញវាមានការត្រួតពិនិត្យយ៉ាងតឹងរ៉ឹងដើម្បីធានាស្ដង់ដារប្រឆាំង ការលាងលុយកខ្វក់ ដែលត្រូវបានធ្វើឡើងតាមគោលការណ៍ច្បាប់។
លោកថ្លែងតាមអ៊ីមែលថា៖ «ការងារទាំងនេះទាំងអតិថិជននៅក្នុងដំណាក់កាលកំពុងដំណើរការ និងទាំងនៅក្នុងកម្រិតប្រតិបត្តិការបុគ្គល។ ភាពសុចរិតនៃដំណើរការទាំងនេះត្រូវបានធ្វើតេស្ដ និងពិនិត្យបញ្ជីជាទៀងទាត់»។
ធនាគារជាតិនៃកម្ពុជា មិនអាចទាក់ទងសុំធ្វើអត្ថាធិប្បាយបានទេ កាលពីម្សិលមិញ៕
ប្រភពពី ភ្នំពេញប៉ុស្តិ៍
ដោយបានវាយតម្លៃស្ដីពីទំហំហានិភ័យចាប់ពីលេខ ០ ដល់លេខ ១០ ដែលប្រើប្រាស់ទិន្នន័យបានពីប្រភពជាច្រើនរួមមាន ធនាគារពិភពលោក និងវេទិកាសេដ្ឋកិច្ចពិភពលោក ប្រទេសកម្ពុជា ទទួលបានពិន្ទុ ៨,៣៩។ ប្រទេសហ្វាំងឡង់ ត្រូវបានវាយតម្លៃជាប្រទេសមានហានិភ័យតិចបំផុតទទួលបានចំណាត់ ថ្នាក់ ២,៥១។
ប្រទេសកម្ពុជា មិនបានកែលម្អចំណាត់ថ្នាក់ ទី៣ របស់ខ្លួនទេ ចាប់តាំងពីសន្ទស្សន៍នេះត្រូវបង្កើតឡើងកាលពី ឆ្នាំ២០១២។
លោក ព្រាប កុល នាយកប្រតិបត្តិរបស់អង្គការតម្លាភាពកម្ពុជា បានថ្លែងកាលពីម្សិលមិញថា វប្បធម៌រក្សាការសម្ងាត់ក្នុងវិស័យធនាគាររួមបញ្ចូលទាំងអំពើពុក រលួយដែលកើតមានឡើងជាប្រចាំរបស់ប្រទេសនេះ បានបង្កើតជា «ភាពងាយរងគ្រោះ» ដែលបានដាក់ ប្រទេសកម្ពុជា ទៅរកការលាងលុយកខ្វក់។
លោកលើកឡើងថា៖ «ខណៈដែលរដ្ឋាភិបាលបានព្យាយាមដោយគ្មានទំនុកចិត្តដើម្បីត្រួត ពិនិត្យវិស័យហិរញ្ញវត្ថុប្រទេសនេះនៅតែខ្វះក្របខ័ណ្ឌច្បាប់គ្រប់ គ្រាន់ និងយន្តការសម្រាប់គណនីភាព និងតម្លាភាព»។
លោកបន្តថា៖ «កង្វះបទប្បញ្ញត្តិនេះ អាចផ្តល់ផលប្រយោជន៍ដល់ក្រុមលាងលុយកខ្វក់»។
លោកបានបញ្ជាក់ថា កំណើនសេដ្ឋកិច្ចយ៉ាងរហ័សរបស់កម្ពុជាដោយគ្មានការអនុវត្តច្បាប់ ប្រឆាំងការលាងលុយកខ្វក់ប្រកបដោយប្រសិទ្ធភាពបានបណ្ដាលឲ្យប្រទេស នេះងាយរងគ្រោះកាន់តែខ្លាំងចំពោះបទឧក្រិដ្ឋហិរញ្ញវត្ថុ។
លោកបន្ថែមថា៖ «ច្បាប់ស្ដីពីលទ្ធភាពទទួលបានព័ត៌មានត្រូវការខ្លាំងបំផុត ដោយសារតែច្បាប់នេះនឹងអនុញ្ញាតឲ្យយើងមានលទ្ធភាពនិងតាមដាន ព័ត៌មានហិរញ្ញវត្ថុ»។
ប៉ុន្តែលោក Grant Knuckey អគ្គនាយកធនាគារ ANZ Royal បានថ្លែងថា ទីតាំងរបស់កម្ពុជានៅក្នុងសន្ទស្សន៍នេះមិនត្រឹមត្រូវទេ។
លោកបន្តថា៖ «នេះមិនមែនជាការវាយតម្លៃដោយយុត្តិធម៌របស់ឧស្សាហកម្មធនាគារ ផ្ទាល់ខ្លួននោះទេ ដោយសារតែក្របខ័ណ្ឌច្បាប់បានដាក់ឲ្យអនុវត្តដោយធនាគារជាតិនៃ កម្ពុជា សម្រាប់ការរាយការណ៍ប្រតិបត្តិការដែលមានការសង្ស័យ និងតួនាទីរបស់អង្គភាពព័ត៌មានចារកម្មហិរញ្ញវត្ថុ (FIU) បានកែលម្អការត្រួតពិនិត្យ និងកម្រិតនៃការត្រួតពិនិត្យការប្រឆាំងការលាងលុយកខ្វក់នៅក្នុង វិស័យធនាគារ»។
លោកបានបន្តទៀតថា លទ្ធផលសន្ទស្សន៍នេះ ហាក់ពឹងផ្អែកលើកត្តាជាច្រើនដែលមិនជាក់លាក់ដូចជា អំពើពុករលួយ និងតម្លាភាពទូទៅ ដែលមិនអាចទទួលបានការកែលម្អកំពុងត្រូវបានធ្វើឡើង ជាពិសេសលើការប្រឆាំងការលាងលុយកខ្វក់។
លោកបន្ថែមថា ចំណែកខាងធនាគារ ANZ Royal វិញវាមានការត្រួតពិនិត្យយ៉ាងតឹងរ៉ឹងដើម្បីធានាស្ដង់ដារប្រឆាំង ការលាងលុយកខ្វក់ ដែលត្រូវបានធ្វើឡើងតាមគោលការណ៍ច្បាប់។
លោកថ្លែងតាមអ៊ីមែលថា៖ «ការងារទាំងនេះទាំងអតិថិជននៅក្នុងដំណាក់កាលកំពុងដំណើរការ និងទាំងនៅក្នុងកម្រិតប្រតិបត្តិការបុគ្គល។ ភាពសុចរិតនៃដំណើរការទាំងនេះត្រូវបានធ្វើតេស្ដ និងពិនិត្យបញ្ជីជាទៀងទាត់»។
ធនាគារជាតិនៃកម្ពុជា មិនអាចទាក់ទងសុំធ្វើអត្ថាធិប្បាយបានទេ កាលពីម្សិលមិញ៕
ប្រភពពី ភ្នំពេញប៉ុស្តិ៍
