ឃាត់ខ្លួនស្ត្រីជន ជាតិវៀតណាម ៣នាក់ ពាក់ព័ន្ធករណីគ្រឿង ញៀននៅខេត្តព្រះសីហនុ
ព្រះសីហនុ៖
អាវុធហត្ថខេត្តព្រះសីហនុ បានឆ្មក់ចុះបង្ក្រាប
និងឆែកឆេរលំនៅដ្ឋាន១កន្លែង នៅតំបន់ឧតុនិយម (ប្លុកបារបារាំង)
ស្ថិតក្នុងក្រុមទី២៧ ភូមិ៣ សង្កាត់លេខ៣ ក្រុងខេត្តព្រះសីហនុ
កាលពីរសៀលថ្ងៃ០៦កញ្ញា ដោយចាប់បានជនសង្ស័យចំនួន ៣នាក់
ពាក់ព័ន្ធនិងករណីប្រើប្រាស់ និងចែកចាយគ្រេរឿងញៀន។លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្ត បានអោយដឹងថា ប្រតិបត្តិការនេះ កម្លាំងរបស់លោក បានធ្វើការដកហូតវត្ថុតាងរួមមាន ១-ម្សៅសរថ្លា ចំនួន ១៧កញ្ចប់តូច ២-ប្រាក់ចំនួន ៤០ដុល្លារ ៣-ដែកកេះ ចំនួន៤។
ក្រោយពីឃាត់ខ្លួនជនសង្ស័យទាំង៣នាក់ សមត្ថកិច្ចនាំទៅកាន់ទីបញ្ជាការកងរាជអាវុធហត្ថខេត្តព្រះសីហនុ ដើម្បីសាកសួរបន្ត និងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ដើម្បីចាត់ការទៅតាមនីតិវិធី៕
