ជិះម៉ូតូបុកឡានទំនើប ហើយខ្ទាតចូល ក្រោមឡានធំ កិនស្លាប់ស្ត្រីម្នាក់ កណ្តាលភ្លៀង
ខេត្តបន្ទាយមានជ័យ
៖ ស្ត្រីម្នាក់ត្រូវរថយន្ត ៥តោន កង់៦
បុកស្លាប់នៅនឹងកន្លែងកើតហេតុ
និងម្នាក់ទៀតបានរងរបួសធ្ងន់ ខណៈដែលជនរងគ្រោះ
ជិះម៉ូតូនៅពេលមេឃកំពុងភ្លៀង បុកខ្ទាតចំរថយន្តទំនើប
១គ្រឿង ដែលចតស្ងៀម កាលពីវេលាម៉ោង
៣និង៣០ នាទីរសៀលថ្ងៃទី២៩ ខែកញ្ញា ឆ្នាំ២០១៤ នៅលើកមណាត់
ផ្លូវជាតិលេខ៥៩ ស្ថិតនៅភូមិម៉ាឡៃ ឃុំម៉ាឡៃ ស្រុកម៉ាឡៃ
ខេត្តបន្ទាយមានជ័យ ហើយភ្លាមៗនោះ ម្ចាស់រថយន្តបង្ក
បានរត់គេចបាត់ស្រមោល។
លោកវរសេនីយ៍ត្រី សៅ ប៊ុន អធិការនគរបាល ស្រុកម៉ាឡៃ បានឲ្យដឹងថា ស្ត្រីរងគ្រោះដែលបាត់បង់ជីវិត ក្នុងហេតុការណ៍ គ្រោះថ្នាក់ចរាចរណ៍នេះ ឈ្មោះ រី អាយុ ៥៩ឆ្នាំ ជាអ្នករួមដំណើរ ចំណែកអ្នកបើកម៉ូតូ រងរបួសធ្ងន់ ឈ្មោះ ប៊ុត ថេន ភេទប្រុស អាយុ ១៦ឆ្នាំ ជិះម៉ូតូម៉ាកហុងដា ស៊េរីចាស់ ពណ៌ខ្មៅ គ្មានស្លាកលេខ បច្ចុប្បន្នរស់នៅភូមិដូង ឃុំម៉ាឡៃ ស្រុកម៉ាឡៃ។
មុនពេលកើតហេតុ គេឃើញជនរងគ្រោះជិះម៉ូតូ ឌុបគ្នាក្នុងទិសដៅ ពីលិចទៅកើត លុះបើកមកដល់ ចំណុចកើតហេតុ ក៏ជ្រុលទៅបុក គូទរថយន្តម៉ាក ម៉ាសដា ពណ៌ស ១គ្រឿងពាក់ស្លាកលេខ ភ្នំពេញ 2AE-5555 ជារថយន្តមន្ត្រីយោធាម្នាក់ ដែលកំពុងចតស្ងៀម។ នៅពេលនោះស្ត្រីរងគ្រោះ ជិះនៅខាងក្រោយ បានខ្ទាតទៅកណ្តាលផ្លូវ ចំណែកអ្នកបើកនិងម៉ូតូ បានខ្ទាតមក ចំណែកផ្លូវម្ខាងទៀត។
ភ្លាមៗនោះ មានរថយន្តដឹកទំនិញ ៥តោនកង់៦ ពណ៌ស ពាក់ស្លាកលេខ បាត់ដំបង 2A-4958 ជាន់ហ្វាំងមិនទាន់ បុកស្លាប់តែម្តង រីឯម្ចាស់រថយន្ត មានទីលំនៅ ក្នុងស្រុកសំពៅលូន។ ក្រោយពេលកើតហេតុ អ្នកបើករថយន្ត បានរត់គេចខ្លួនបាត់ស្រមោល ចំណែកអ្នករងរបួស ត្រូវបានគេដឹកបញ្ជូន យកទៅមន្ទីរពេទ្យ មិត្តភាពកម្ពុជា ជប៉ុន មង្គលបូរី ហើយសមត្ថកិច្ច បានប្រគល់សពស្ត្រីរងគ្រោះ ឱ្យគ្រួសារយកទីចាត់ចែង ធ្វើបុណ្យតាមប្រពៃណី៕
លោកវរសេនីយ៍ត្រី សៅ ប៊ុន អធិការនគរបាល ស្រុកម៉ាឡៃ បានឲ្យដឹងថា ស្ត្រីរងគ្រោះដែលបាត់បង់ជីវិត ក្នុងហេតុការណ៍ គ្រោះថ្នាក់ចរាចរណ៍នេះ ឈ្មោះ រី អាយុ ៥៩ឆ្នាំ ជាអ្នករួមដំណើរ ចំណែកអ្នកបើកម៉ូតូ រងរបួសធ្ងន់ ឈ្មោះ ប៊ុត ថេន ភេទប្រុស អាយុ ១៦ឆ្នាំ ជិះម៉ូតូម៉ាកហុងដា ស៊េរីចាស់ ពណ៌ខ្មៅ គ្មានស្លាកលេខ បច្ចុប្បន្នរស់នៅភូមិដូង ឃុំម៉ាឡៃ ស្រុកម៉ាឡៃ។
មុនពេលកើតហេតុ គេឃើញជនរងគ្រោះជិះម៉ូតូ ឌុបគ្នាក្នុងទិសដៅ ពីលិចទៅកើត លុះបើកមកដល់ ចំណុចកើតហេតុ ក៏ជ្រុលទៅបុក គូទរថយន្តម៉ាក ម៉ាសដា ពណ៌ស ១គ្រឿងពាក់ស្លាកលេខ ភ្នំពេញ 2AE-5555 ជារថយន្តមន្ត្រីយោធាម្នាក់ ដែលកំពុងចតស្ងៀម។ នៅពេលនោះស្ត្រីរងគ្រោះ ជិះនៅខាងក្រោយ បានខ្ទាតទៅកណ្តាលផ្លូវ ចំណែកអ្នកបើកនិងម៉ូតូ បានខ្ទាតមក ចំណែកផ្លូវម្ខាងទៀត។
ភ្លាមៗនោះ មានរថយន្តដឹកទំនិញ ៥តោនកង់៦ ពណ៌ស ពាក់ស្លាកលេខ បាត់ដំបង 2A-4958 ជាន់ហ្វាំងមិនទាន់ បុកស្លាប់តែម្តង រីឯម្ចាស់រថយន្ត មានទីលំនៅ ក្នុងស្រុកសំពៅលូន។ ក្រោយពេលកើតហេតុ អ្នកបើករថយន្ត បានរត់គេចខ្លួនបាត់ស្រមោល ចំណែកអ្នករងរបួស ត្រូវបានគេដឹកបញ្ជូន យកទៅមន្ទីរពេទ្យ មិត្តភាពកម្ពុជា ជប៉ុន មង្គលបូរី ហើយសមត្ថកិច្ច បានប្រគល់សពស្ត្រីរងគ្រោះ ឱ្យគ្រួសារយកទីចាត់ចែង ធ្វើបុណ្យតាមប្រពៃណី៕
