ស្ត្រីម្នាក់ចងកសម្លាប់ ខ្លួនព្រោះចាញ់ល្បែង អស់លុយជាង៣ពាន់ដុល្លារ
ភ្នំពេញ
៖
ស្ត្រីម្នាក់បានដាច់ចិត្តចងកសម្លាប់ខ្លួននៅក្នុងផ្ទះសិប្បកម្ម
ធ្វើនំបញ្ចុក ដែលគេសង្ស័យថា
តូចតែចិត្តអស់លុយដោយសារលេងល្បែងអស់ជាង៣ពាន់ដុល្លារដែលហេតុ
ការណ៍នេះបានកើតឡើងកាលពីវេលាម៉ោង១រំលងអធ្រាត្រឈានចូល
ថ្ងៃទី១៨ ខែកញ្ញា ឆ្នាំ២០១៤ ស្ថិតនៅចំណុចផ្ទះលេខ១២៩
ផ្លូវលេខ៣៧១ ក្រុម១៦ ភូមិត្រពាំងឈូក សង្កាត់ទឹកថ្លា
ខណ្ឌសែនសុខ ។សពត្រូវបានគេស្គាល់ឈ្មោះ ចេក មុំ ហៅដូច អាយុ៤២ឆ្នាំ មុខរបរកសិករ មានប្តីឈ្មោះ តុប ហន ជាកសិករ អ្នកទាំង២មានស្រុកកំណើតភូមិថ្មី ឃុំគិរីមានជ័យ ស្រុកបរសេដ្ឋ ខេត្តកំពង់ស្ពឺ ហើយស្ត្រីរងគ្រោះបានមកធ្វើការងារជាកម្មករធ្វើនំបញ្ចុកនៅ ផ្ទះសិប្បកម្មខាងបានមួយថ្ងៃប៉ុណ្ណោះ។
តាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុស្ត្រីរងគ្រោះបានមកសុំម្ចាស់ផ្ទះសិប្បកម្មធ្វើ ជាកម្មករ ប៉ុន្តែពេលចូលមកធ្វើការបានតែមួយកំណាត់ថ្ងៃ ។ លុះដល់ពេលយប់ស្ត្រីរងគ្រោះក៏ចងកសម្លាប់ខ្លួននៅរោងសិប្បកម្ម ធ្វើនំបញ្ចុះតែម្តង ។
ប្រភពព័ត៌មានពីសាច់ញាតិស្ត្រីរងគ្រោះបានឲ្យដឹងថា ស្ត្រីរងគ្រោះបានលក់ដីនៅស្រុកកំណើតឯខេត្តកំពង់ស្ពឺបានលុយ ប្រហែល៣ពាន់ដុល្លារ ហើយក៏យកលុយទាំងនោះទៅលេងល្បែងចាញ់អស់ពីខ្លួនក៏តូចចិត្តធ្វើ អត្តឃាតដោយចងកសម្លាប់ខ្លួននៅផ្ទះសិប្បកម្មខាងលើតែម្តងទៅ ។
ម្ចាស់ផ្ទះសិប្បកម្មឈ្មោះ ហេង ឆៃកែវ ភេទប្រុស អាយុ៣៣ឆ្នាំ បានឲ្យដឹងថា កាលពីថ្ងៃទី១៧ ខែកញ្ញា ឆ្នាំ២០១៤ មានម៉ូតូនំបញ្ចុះរបស់គាត់ម្នាក់នៅផ្សារដើមគរបានណែនាំឲ្យ ស្ត្រីរងគ្រោះមកធ្វើការនៅផ្ទះរបស់គាត់ ប៉ុន្តែមិនទាន់ធ្វើការត្រឹមត្រូវផងស្រាប់តែដល់រំលងអធ្រាត្រឈាន ចូលថ្ងៃទី១៨ខែកញ្ញាស្ត្រីរងគ្រោះក៏ចងកសម្លាប់ខ្លួនធ្វើឲ្យ មានការភ្ញាក់ផ្អើលទាំងកណ្តាលអធ្រាត្រ ហើយពេលនោះរូបគាត់បានរាយការណ៍ប្រាប់សមត្ថកិច្ចមូលដ្ឋានភ្លា មៗផងដែរ ។
នៅព្រឹកថ្ងៃទី១៨ ខែកញ្ញា ឆ្នាំ២០១៤ សមត្ថកិច្ចជំនាញបានធ្វើកោសល្យវិច័យលើសាកសពស្ត្រីរងគ្រោះពិត ជាបានចងកសម្លាប់ខ្លួនប្រាកដមែន ដែលការស្លាប់នេះសមត្ថកិច្ចសន្និដ្ឋានថាស្ត្រីរងគ្រោះអាចមាន វិបត្តិផ្លូវចិត្ត និតតូចចិត្តដោយអ្វីដែលសាច់ញាតិអះអាងខាង ហើយក៏ប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណីនៅឯ ស្រុកកំណើត ៕
________________
ប្រភពពីនគរវត្ត
