បុរសម្នាក់បើកម៉ូតូ បុករបាំងដែកចែកទ្រូង ផ្លូវត្រូវរថយន្ត១គ្រឿង បើកពីក្រោយកិន បែកក្បាលស្លាប់
ភ្នំពេញ
៖ បុរសម្នាក់បានបែកក្បាលស្លាប់ភ្លាមៗនៅនឹងកន្លែងកើតហេតុ
ខណៈដែលរូបគេបើកម៉ូតូ១គ្រឿងបុករបាំងដែកចែកទ្រួងផ្លូវ
បណ្ដាលឲ្យដួលបោកទៅនឹងថ្នល់
គាប់ជួនត្រូវរថយន្ត១គ្រឿងមិនចាំម៉ាកបើកមកពីក្រោយជ្រុលទៅ
កិនចំក្បាលជនគ្រោះ ។
ក្រោយកើតហេតុរថយន្តបង្កហេតុបើករត់គេចខ្លួនបាត់ស្រមោល ។ហេតុការណ៍ដ៏រន្ធត់ខាងលើនេះ បានកើតឡើងកាលពីវេលាម៉ោង២១និង២០នាទី យប់ថ្ងៃទី៣០ ខែសីហា ឆ្នាំ២០១៤ នៅតាមបណ្តោយផ្លូវសហព័ន្ធរុស្ស៊ី ក្នុងសង្កាត់ទឹកល្អក់ទី១ ខណ្ឌទួលគោក ។
តាមប្រភពព័ត៌មាននៅកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញបុរសរងគ្រោះបានជិះម៉ូតូ១គ្រឿង ម៉ាកស៊ុយស៊ីគីវីវ៉ា ពណ៌ខ្មៅ ធ្វើដំណើរតាមបណ្ដោយផ្លូវសហព័ន្ធរុស្សី ក្នុងទិសដៅពីលិចទៅកើត លុះបើកមកដល់ចំណុចកើតហេតុ ក៏ជ្រុលទៅបុករបាំងដែកចែកទ្រូងផ្លូវដួលបោកទៅនឹងថ្នល់ ហើយត្រូវរថយន្តមិនស្គាល់ម៉ាកមួយគ្រឿង បើកមកពីក្រោយក្នុងល្បឿនយ៉ាងលឿនជ្រុលបុកកិនចំក្បាលស្លាប់ភ្លា មៗយ៉ាងអាណោចអាធ័ម ។ ចំណែករថយន្តបានបើកគេចខ្លួនបាត់ស្រមោលភ្លាម ដោយបន្សល់តែជនរងគ្រោះនិងម៉ូតូនៅកន្លែងកើតហេតុ ។
ក្រោយកើតសមត្ថកិច្ចបានចុះមកដល់កន្លែងកើតហេតុបានធ្វើការ វាស់វែង នឹងដឹកសពជនរងគ្រោះទៅតម្កល់ទុកនៅវត្តទឹកថ្លា រង់ចាំក្រុមគ្រួសារមកទទួលយកទៅធ្វើបុណ្បតាមប្រពៃណី រីឯម៉ូតូត្រូវបានសមត្ថកិច្ចយកទៅរក្សាទុកនៅការិយាល័យនគរបាល ចរាចរណ៍ជើងគោករាជធានីភ្នំពេញរង់ចាំសាច់ញាតិមកទទួលយក ៕
_________________
ប្រភពពីនគរវត្ត
