អ្នកមានជម្លោះដីធ្លី ២នាក់សន្លប់ក្បែរផ្ទះ លោកនាយករដ្ឋមន្ត្រី ពេលប៉ះជាមួយសមត្ថកិច្ច
យ៉ាងហោច
ណាស់ស្ត្រីពីរនាក់
មកពីសហគមន៍ដែលមានជម្លោះដីធ្លីក្នុងរាជធានីភ្នំពេញ
បានដួលសន្លប់ក្បែរផ្ទះលោកនាយករដ្ឋមន្ត្រី ហ៊ុន សែន
ខណៈពួកគេព្យាយាមហែញត្តិស្វែងរកកិច្ចអន្តរាគមន៍ពីស្ថាប័នពាក់ព័ន្ធ
។នៅព្រឹកថ្ងៃចន្ទនេះ ប្រជាសហគមន៍បុរីកីឡា និងបឹងកក់ ប្រមាណ៦០នាក់បានហែញត្តិតាមផ្លូវព្រះសីហនុឆ្ពោះទៅកាន់រដ្ឋសភា តែពេលដល់ចំណុចក្បែរផ្ទះលោកនាយករដ្ឋមន្ត្រីហ៊ុ នសែន ជាប់វិមានឯករាជ្យ សមត្ថកិច្ចក៏ចេញមុខរារាំងហើយស្នើឲ្យពលរដ្ឋហែតាមផ្លូវផ្សេងវិញ ។ ប្រជាពលរដ្ឋមិនព្រមតាមការស្នើរបស់សមត្ថកិច្ច ក៏កើតមានការប៉ះទង្គិចគ្នា ទើបបណ្តាលឲ្យស្ត្រីពីរនាក់បានសន្លប់ភ្លាមៗ។
កាលពីសីហាកន្លងទៅ លោកនាយករដ្ឋមន្ត្រីហ៊ុន សែន បានស្តីបន្ទោសមន្ត្រីក្រោមបង្គាប់របស់លោកដែលរារាំងប្រជាពលរដ្ឋមាន ជម្លោះដីធ្លីហែញត្តិ ស្វែងរកដំណោះស្រាយ។ ពេលនោះលោកនាយករដ្ឋមន្ត្រី ក៏បានបញ្ជាក់ថា ញត្តិពលរដ្ឋដែលមានជម្លោះដីធ្លីមួយចំនួនមិនបានដល់ដៃលោកទេ ដោយមិនដឹងមន្ត្រីថ្នាក់ក្រោមយកទៅណា៕
ប្រភពពី vodhotnews.com
