ស្ត្រីម្នាក់ ត្រូវភ្លើងឆក់តាម អំពូលភ្លើងស្លាប់ ក្នុងបន្ទប់ទឹក
ភ្នំពេញ: ស្ត្រី
ម្នាក់បានស្លាប់ក្នុងបន្ទប់ទឹក ខណៈពេលដែលចូល ក្នុងបន្ទប់ទឹក
យកដៃទៅកាន់អំពូលភ្លើង ដែលវាមិនភ្លឺ នៅក្នុងបន្ទប់ទឹក
ហើយក៏ត្រូវចរន្តភ្លើងឆ្លង ឆក់ស្លាប់ភ្លាមៗតែម្តង។ករណីនេះបានបង្កឲ្យមាន ការភ្ញាក់ផ្អើល កើតឡើង នៅម៉ោងប្រមាណជា ៧ យប់ ថ្ងៃទី១ ខែកញ្ញា ឆ្នាំ២០១៤ នៅភូមិអណ្តូងស្នាយ ឃុំអណ្តូងស្នាយ ស្រុករលាប្អៀរ ខេត្តកំពង់ឆ្នាំង។
ស្ត្រីរងគ្រោះ ឈ្មោះ សួន ម៉ន អាយុ៦០ឆ្នាំ រស់នៅភូមិ-ឃុំកើតហេតុខាងលើ ។
បើតាមកូនស្រីបង្កើត របស់ជនរងគ្រោះ បានប្រាប់អោយដឹងថា នាងមិនបានដឹងថា ម្តាយរបស់ខ្លួនស្លាប់តាំងពីពេលណានោះទេ ព្រោះនាងបានទៅធ្វើការ នៅរោងចក្រ តាំងពីព្រឹកមក ម្តាយរបស់នាង នៅម្នាក់ឯង ។ នៅពេលដែលនាងត្រឡប់មក ពីធ្វើការរោងចក្រ នៅវេលាម៉ោងប្រមាណជាង ៧ យប់ ពេលមកដល់ផ្ទះ បាត់ម្តាយរបស់ខ្លួនមិនឃើញ ហើយបានដើររកមិនឃើញ ក៏ទៅមើលនៅក្នុងបន្ទប់ទឹកស្រាប់តែឃើញម្តាយរបស់នាង បានដួលស្លាប់ ដោយជាប់ដៃជាមួយនឹងខ្សែភ្លើង ហើយបានស្រែកឲ្យ
អ្នកជិតខាងមកជួយ ។ ភ្លាមនោះ បានដឹងដល់សមត្ថកិច្ចមូលដ្ឋាន សមត្ថកិច្ចក៏បានចុះមកពិនិត្យ ហើយបានប្រាប់ថា ស្ត្រីរងគ្រោះ ពិតជាស្លាប់ ដោយចរន្តភ្លើងឆក់ ប្រាកដមែន៕V/c
