ឮថាអ្នកជំនួញសិង្ហបុរី ក្លាយជាម្ចាស់ក្លិបយក្ស អេស្ប៉ាញ Valencia ហើយ?
សារព័ត៌មាន
Marca របស់ប្រទេសអេស្ប៉ាញចុះផ្សាយថាអ្នកជំនួញជនជាតិសិង្ហបុរី
Peter Lim ឈានដល់កិច្ចព្រមព្រៀងជាមួយធនាគារ Bankia
ដែលជាម្ចាស់បំណុលរបស់ក្លិប Valencia
ហើយក្លាយជាម្ចាស់ថ្មីរបស់ក្លិបបាល់ទាត់នៅលីកកំពូលអេស្ប៉ាញដ៏
ធំមួយនេះ។
កាលពីខែមិថុនាកន្លងទៅ ធនាគារ Bankia
ប្រកាសថាពួកគេឈានដល់ការព្រមព្រៀងមួយជាមួយក្រុមហ៊ុនវិនិយោគ
Meriton Capital របស់មហាសេដ្ឋី Lim ដែលមានមូលដ្ឋាននៅហុងកុង
ជុំវិញការរៀបចំសាជាថ្មីពាក់ព័ន្ធនឹងបំណុលរបស់ក្លិប Valencia។
ការណ៍នោះត្រូវបានគេមើលឃើញកាន់តែច្បាស់ថាជាភ្លើងបៃតងសម្រាប់
មហាសេដ្ឋីជនជាតិសិង្ហបុរីវ័យ៦០ឆ្នាំចូលមកគ្រប់គ្រងពេញលេញលើ
ក្លិបដែលជាប់បំណុលច្រើនមួយនេះ។ តែតាមពិតទៅ
នៅពេលនោះភាគីទាំងពីរគ្រាន់តែស៊ីញេលើឯកសារច្បាប់មួយសម្រាប់
មូលដ្ឋានដើម្បីចរចាគ្នាបន្ថែមនាពេលក្រោយប៉ុណ្ណោះ។
ទើប
តែនៅថ្ងៃសុក្រទី១៥សីហានេះទេដែលកាសែតអេស្ប៉ាញរាយការណ៍ថាភាគី
ទាំងពីរព្រមព្រៀងគ្នាជាផ្លូវការ បន្ទាប់ពីធនាគារ Bankia
ឯកភាពបន្ថយការទាមទាររបស់ពួកគេចំពោះប្រាក់បំណុល៧៣លានអឺរ៉ូដែល
Valencia បានខ្ចី។
យ៉ាង
ណាមិញ នេះគ្រាន់តែជាការអះអាងរបស់សារព័ត៌មានប៉ុណ្ណោះ
គឺមិនទាន់មានសេចក្ដីប្រកាសជាផ្លូវការពីភាគីពាក់ព័ន្ធទាំងពីរនៅ
ឡើយទេ។
គេត្រូវរង់ចាំរហូតដល់ម៉ោង៦ល្ងាចថ្ងៃសុក្រនេះសិនទើបដឹងលទ្ធផល
ពិតប្រាកដ
មានន័យថាប្រសិនបើដល់ម៉ោង៦ល្ងាចហើយនៅតែគ្មានការប្រកាសជា
ផ្លូវការណាមួយនោះទេ នោះលោក Lim
នឹងត្រូវដើរចេញពីការដេញថ្លៃចូលកាន់កាប់ក្លិបជើងឯក La Liga
ឆ្នាំ២០០៤នេះហើយ៕
ប្រែសម្រួល៖ យ៉ុង ម៉ុងហាក់ប្រភព៖ channelnewsasia
