ក្រៅពីកម្មវិធី Skype នៅមានកម្មវិធីជាច្រើនផ្សេងទៀតដែលអាច Call ជាវីដេអូមើលមុខគ្នាឃើញ ដោយក្នុងនោះមានដូចជា Facebook, Google Hangout ជាដើម។
ស្រពពេលដែលកម្មវិធីជាច្រើនបានអភិវឌ្ឍន៍ខ្លួន ដើម្បីឲ្យអតិថិជនអាចធ្វើការ Call ជាវីដេអូមើលមុខគ្នាបាននោះ ក៏លេចធ្លាយព័ត៌មានមួយមកថា រាល់កម្មវិធីដែលអាច Call ជាវីដេអូមើលមុខគ្នាបាន សុទ្ធតែក្រុមហ៊ុន Skype ជាអ្នកនៅពីក្រោយ ព្រោះថា Skype ជាក្រុមហ៊ុនផ្ដល់សេវាកម្មវីដេអូ Call មុខគេ និងមានគុណភាព ច្បាស់ល្អដាច់គេ។
ព័ត៌មាននេះត្រូវបានទម្លាយដោយក្រុម Hacker អាណាមិក តាមរយៈបណ្ដាញសង្គម Facebook។ ក្រុម Hacker នេះបានបញ្ជាក់ថា រាល់ការផ្ញើសារជាអក្សរ រូបភាព វីដេអូ រួមទាំង វីដេអូ Call តាមរយៈកម្មវិធីជជែកកម្សាន្តផ្សេងៗគឺសុទ្ធតែត្រូវបានឃ្លាំមើល និងឈ្លបយកការណ៍ ដោយសហរដ្ឋអាមេរិក ជាពិសេសគឺរាល់ការ Call ជាវីដេអូ ត្រូវបាន Skype គ្រប់គ្រង។
គួរបញ្ជាក់ផងដែរថា កាលពីខែឧសភា ឆ្នាំ ២០១១ ក្រុមហ៊ុន Microsoft បានប្រកាសទិញ Skype ក្នុងតម្លៃ ៨,៥ពាន់លានដុល្លារអាមេរិក ជាសាច់ប្រាក់៕