មិត្ដភក្ដិ៣នាក់ផឹក ស៊ីរួមគ្នាពេលត្រូវរង្វាន់ ខ្សែកមាសមិនទុកចិត្ដ នាំគ្នាទៅឱ្យនគរបាល ធ្វើមេចំណែក
ក្រុង
ប៉ោយប៉ែត ៖
ក្រវិលកំប៉ុងស្រាបៀរនាំចូលពីក្រៅប្រទេសមួយបាននិង
កំពុងជាប់ឃុំក្នុងប៉ុស្ដិ៍នគរបាលរដ្ឋបាល
សង្កាត់ប៉ោយប៉ែតខណៈបុរស៣នាក់ជា
មិត្ដភក្ដិនឹងគ្នានិងធ្លាប់ផឹកស៊ីជាមួយគ្នា
ស្ទើររាល់ថ្ងៃបានត្រូវរង្វាន់ខ្សែកមាស តែ
មិនទុកចិត្ដគ្នាក៏បបួលគ្នាទៅឱ្យនគរបាលធ្វើជាសាក្សីនិងធ្វើមេ
ចំណែកក្នុងការបែងចែកចំណែកឱ្យស្មើៗគ្នា ។
ករណីដ៏កម្រនិងច្រើនកើតមាននៅ
ក្នុងរឿងនិទានខាងលើនេះបានកើតឡើង កាលពីព្រលប់ថ្ងៃទី២៧ ខែសីហា
ឆ្នាំ២០១៤ ស្ថិតនៅក្នុងមណ្ឌល៩ ឃុំទួលពង្រ សង្កាត់ផ្សារកណ្ដាល
ក្រុងប៉ោយប៉ែត ខេត្ដ បន្ទាយមានជ័យ ។
បុរសទាំង៣នាក់បាននិយាយថា ការ
ដែលគេយកក្រវិលកំប៉ុងស្រាបៀរត្រូវ
រង្វាន់ខ្សែកមាសទៅទុកនៅប៉ុស្ដិ៍នគរបាលរដ្ឋបាល
សង្កាត់ប៉ោយប៉ែត មិនយកទៅ
ទុកនៅនគរបាលប៉ុស្ដិ៍ផ្សារកណ្ដាលដែលជាកន្លែងកើតហេតុក៏ព្រោះតែមិន
ទុក ចិត្ដគ្នាដែរ ។
បើតាមនគរបាលប៉ុស្ដិ៍រដ្ឋបាលសង្កាត់ប៉ោយ
ប៉ែតដែលទទួលផ្ញើអាជ្ញាកណ្ដាល បានឱ្យដឹងថា បុរសទាំង៣ដែលត្រូវ
រង្វាន់ខ្សែកមាស ទី១-ឈ្មោះ ម៉ាក តុងលេង អាយុ៣៥ឆ្នាំ
មុខរបររត់ម៉ូតូ ឌុប ទី២-ឈ្មោះ ចក់ នៀ អាយុ៣៧ឆ្នាំ មុខរបររត់
ម៉ូតូឌុប និងទី៣-ឈ្មោះ ស៊ីម ស៊ីនឿន អាយុ៤២ឆ្នាំ
ជាអាជីវករលក់ ដូរនៅផ្សាររុងក្លឿ ស្រុកអារញ្ញ ប្រទេស ថៃ
បច្ចុប្បន្នអ្នក ទាំង៣រស់នៅភូមិចាន់ គិរី
សង្កាត់-ក្រុងប៉ោយប៉ែត ខេត្ដបន្ទាយ មានជ័យ ។
នគរបាលមិនបានបញ្ជាក់ឱ្យដឹងពី
ទម្ងន់ខ្សែកមាសដែលបុរសទាំង៣នាក់
ត្រូវរង្វាន់នោះមានទម្ងន់ប៉ុន្មានទេ តែ បើតាមបុរសឈ្មោះ ម៉ាក
តុងលេង អះអាងថាក្រវិលកំប៉ុងស្រាបៀរដែលត្រូវ
រង្វាន់ខ្សែកមាសមានទម្ងន់៥ជី ។
បុរសឈ្មោះ ម៉ាក តុងលេង នៅបាន
អះអាងទៀតថា រង្វាន់ដែលត្រូវខាងលើ
នេះរូបគេជាអ្នកគាស់ក្រវិលកំប៉ុង ប៉ុន្ដែ
រូបគេមិនបានចេញលុយទិញស្រាបៀរ ឡើយ គឺឈ្មោះ ចក់ នៀ និងឈ្មោះ
ស៊ីម ស៊ីនឿន ជាអ្នកចេញលុយ ។
បុរសទាំង៣នាក់ខាងលើបាននិយាយ
ឱ្យដឹងដែរថា នៅព្រលប់ថ្ងៃទី២៧ ខែសីហា ឆ្នាំ២០១៤
ពួកគេបានទិញស្រា បៀរចំនួន២ដង ដោយទិញម្ដងមួយយួ
ស្មើនឹង៦កំប៉ុង ។ យួរទី១មិនបានត្រូវ រង្វាន់ទេ
តែយួរទី២ទើបត្រូវរង្វាន់ ប៉ុន្ដែ
ដោយសារមិនទុកចិត្ដគ្នាទើបបបួលគ្នា ទៅ
ប៉ុស្ដិ៍នគរបាលដើម្បីឱ្យនគរបាលធ្វើ សាក្សីថា
នៅពេលបើកបានរង្វាន់ខ្សែក មាសនោះត្រូវតែចែកគ្នាស្មើ ទោះបី
អ្នកមិនបានចេញលុយទិញស្រាបៀរក្ដី
តែគេក៏មានសំណាងគាស់ត្រូវរង្វាន់ខ្សែកមាសនេះដែរ ។
មានមតិខ្លះលើកឡើងចំពោះបុរស
ទាំង៣នាក់ខាងលើនេះថា ការដែលបុរស
ទាំង៣នាក់ត្រូវរង្វាន់ហើយនាំគ្នាយករង្វាន់
ទៅផ្ញើនឹងនគរបាលឱ្យធ្វើជាមេចំណែក
នោះវាជាទង្វើឆោតល្ងង់មួយមិនខុសពី រឿងនិទាននោះទេ ។
មានរឿងនិទានមួយ តំណាលថា មានបុរស២នាក់រើសមាស មួយគីឡូ
ប៉ុន្ដែបុរសអ្នករើសបានមិន យល់ព្រមចែកគ្នាស្មើទេគឺចង់បាន
ចំណែក ច្រើនជាង ។ ពេលនោះពួកគេបានទៅរក
អាជ្ញាកណ្ដាលម្នាក់ឱ្យជួយចែកតែត្រូវ
អាជ្ញាកណ្ដាលទារមួយចំណែកដែរ ។ ដូច្នេះមាសមួយគីឡូដែលបុរសទាំង២
នាក់ត្រូវចែកគ្នាបានម្នាក់កន្លះគីឡូ បែរ
ជាត្រូវចំណាយទៅលើអាជ្ញាកណ្ដាលមួយចំណែកដែរនេះគឺជាការឆោតល្ងង់
។ ដូចករណីបុរសជាមិត្ដភក្ដិទាំង៣នាក់ខាង
លើប្រសិនបើពួកគេពិតជាមិត្ដភក្ដិផឹកស៊ីជាមួយគ្នារាល់ល្ងាចស្រឡាញ់
ស្មោះ ត្រង់នឹងគ្នាមែននោះមិនគួរយកក្រវិល
ដែលត្រូវរង្វាន់ខ្សែកមាសផ្ញើនឹងអ្នកផ្សេងឱ្យធ្វើជាអាជ្ញាកណ្ដាល
ទេ ពួកគេគួរយក ខ្សែកមាសទៅដូរយកលុយចែកគ្នាវិញ
វាចំណេញទាំងពេលវេលាផង នេះមិន
គិតពីត្រូវចំណាយឱ្យអាជ្ញាកណ្ដាលដូច រឿងនិទានខាងលើនេះផង ។
ការធ្វើបែបនេះគេអាចវាយតម្លៃបានថាបុរសទាំង៣នាក់ខាងលើស្រឡាញ់
គ្នាតែពេលផឹកស៊ីប៉ុណ្ណោះ
តែចំពោះលុយកាក់មិនមែនជាមិត្ដភក្ដិនឹងគ្នាឡើយ ៕
