រថយន្តដឹកកម្មកររោង ចក្រថៃអ៊ីស៊ីក្រឡាប់ បណ្តាលឲ្យរងរបូស ជិត៤០នាក់
ពោធិ៍សាត់៖
រថយន្តដឹកកម្មកររោងចក្រ ថៃអ៊ីស៊ីមួយគ្រឿង
បានក្រឡាប់ចាក់មនុស្សចោលពេញផ្លូវ បណ្តាលឲ្យកម្មករលើរថយន្ដ
ទាំងអស់រងរបួសធ្ងន់៨នាក់
និងស្រាលប្រមាណ៣០នាក់ កាលពីវេលាម៉ោង៦និង៣៥នាទីព្រឹក ថ្ងៃទី០៤
ខែសីហា ឆ្នាំ២០១៤នៅលើផ្លូវជាតិលេខ៥ ក្នុងចន្លោះ
គីឡូម៉ែត្រលេខ១៥៩-១៦០ ស្ថិតក្នុងភូមិ សារវ័ន្ត ឃុំអន្សារចំបក់
ស្រុកក្រគរ ខេត្តពោធិ៍សាត់។
ប្រភពបានឲ្យដឹងថា រថយន្តដឹកកម្មករ
ខាងលើនេះ ដឹកសុទ្ធតែកម្មការិនី បានជួបឧប្បហេតុចរាចរណ៏ក្រឡាប់ចាក់
មនុស្សចោលពេញផ្លូវ
ខណៈដែលតៃកុងបើកបរមិនមើលស្ថានភាពឧបសគ្គនៅខាងមុខ
ហើយឡើងជែងរថយន្តស្របទិសគ្នា
ក៏វ៉ាក់នឹងរថយន្តបញ្ច្រាសទិសគ្នាខាងមុខ
រួចបត់ចូលវិញដោយជាន់ហ្វ្រាំងបង្ខំពេក ព្រោះខ្លាចបុកម៉ូតូ
ទើបក្រឡាប់រថយន្តតែម្ដង។
ប្រភពបន្តថាខណៈនេះ
អាជ្ញាធរនិងសមត្ថកិច្ចបាននិងកំពុងដឹកជនរងគ្រោះទៅកាន់មណ្ឌល
សុខភាពដើម្បីសង្រ្គោះជីវិតជាបន្ទាន់ហើយ៕
ប្រភពពី Free Press Magazine
