សភាថ្មី គាំទ្រ មេរដ្ឋប្រហារអោយ ធ្វើជានាយករដ្ឋមន្ត្រី
ប្រភព
ពីសភាជាតិថៃដែលទើបត្រូវបានតែងតាំងឡើងកាលពីពេលថ្មីៗ បាននិយាយថា
សមាជិកសភាជាយោធាភាគច្រើនបានយល់ព្រមគាំទ្រ ឧត្តមសេនីយ៍ ប្រាយុទ្ធ
ចានអូចា អោយក្លាយជានាយករដ្ឋមន្ត្រី។
មេរដ្ឋប្រហាររូបនេះ
ពិតជាគ្មានអ្នកប្រឆាំងជំទាស់ទេក្នុងសភាដែលជ្រើសតាំងដោយរូបលោក
និងទំនងជាត្រូវបានតែងតាំងជានាយករដ្ឋមន្ត្រីបន្ថែមលើតំណែង
បច្ចុប្បន្នជា មេបញ្ជាការកងទ័ពជាតិ
និងជាប្រធានក្រុមប្រឹក្សាជាតិសំរាប់សន្តិភាពនិងសណ្តាប់ធ្នាប់
(NCPO)។
ប្រាយុទ្ធ ដែលបច្ចុប្បន្ន ជាប្រធានNCPO
តាមពិតបានធ្វើការងារនាយករដ្ឋមន្ត្រីរួចជាស្រេចហើយ
និងត្រូវបានមើលឃើញថាជាបេក្ខជនស័ក្តិសមនិងមានប្រជាប្រិយបំផុត។
ប្រភពព័ត៌មានបាននិយាយថា”សមាជិកសភាជា
យោធានឹងស្នើឈ្មោះឧត្តមសេនីយ៍ ប្រាយុទ្ធ
ដោយគ្មានត្រូវការឡប់ប៊ីបញ្ចុះបញ្ចូលឬការរៀបចំជាមុនណាមួយទេ។យើង
ត្រូវតែស្នើអោយលោកធ្វើជានាយករដ្ឋមន្ត្រី”។
ក្នុងចំណោមសមាជិកសភាតែងតាំងសរុប២០០
រូប
មានជាង១០០រូបជានាយទាហាននិងប៉ូលិសដែលគេគិតថានឹងគាំទ្រលោកប្រា
យុទ្ធ សំរាប់មុខតំណែងនេះ។
សភាអាចនឹងជួបប្រជុំដើម្បីជ្រើសរើស
នាយករដ្ឋមន្ត្រីនៅថ្ងៃសុក្រ
នៅមួយថ្ងៃបន្ទាប់ពីសភាគ្រោងនឹងជ្រើសរើសប្រធាននិងអនុប្រធាន។
ព្រះអង្គម្ចាស់រាជទាយាទ មហា
វ៉ាហ្សីរ៉ាឡុងកន តាងនាមជំនួសអោយព្រះមហាក្សត្រ
នឹងធ្វើជាអធិបតីនៃការបើកប្រជុំសភានៅថ្ងៃព្រហស្បត៍៕
ប្រភពពី CEN
