នៅថ្ងៃទី២០សីហានេះ ផុតថ្ងៃកំណត់ឱសានវាទ នៃសេចក្ដីជូនដំណឹង ដល់អាជីវករលក់តាម ផ្លូវសាំហាន់ហើយ
ភ្នំពេញ
៖ សាលាសង្កាត់ទួលសង្កែ កាលពីថ្ងៃទី១១ខែសីហាឆ្នាំ២០១៤បាន
ចេញសេចក្ដីជូនដំណឹងមួយដល់អាជីវករ
លក់ដូរលើផ្លូវសាធារណៈដែលមានទីតាំង
ជាប់ខាងលិចផ្សារសាំហាន់ក្នុងភូមិទួលសង្កែ សង្កាត់ទួលសង្កែ
ខណ្ឌឫស្សីកែវ ឱ្យបញ្ឈប់ការលក់ដូរត្រឹមថ្ងៃទី២០ ខែ សីហា
ឆ្នាំ២០១៤នេះ ។
យោងតាមស្មារតីប្រជុំក្រុមប្រឹក្សាសង្កាត់
កាលពីពេលកន្លងមករបស់
សាលាសង្កាត់ទួលសង្កែស្ដីពីការរៀបចំសណ្ដាប់ធ្នាប់តាមផ្លូវសាធារណៈ
ក្នុង មូលដ្ឋានសង្កាត់ទួលសង្កែ ដោយបាន
ចែកលិខិតជូនដំណឹងដល់បងប្អូនអាជីវករ កាលពីថ្ងៃទី១១ ខែសីហា
ឆ្នាំ២០១៤ ព្រោះតែក្រុមអាជីវករទាំងនោះបាន
យកផ្លូវសាធារណៈធ្វើជាកន្លែងលក់បន្លែ ត្រី សាច់ផ្សេងៗ
ឱ្យរុះរើចេញពីផ្លូវសា ធារណៈហើយរកកន្លែងផ្សេងសម្រាប់ លក់ដូរ
តាមដែលអាចធ្វើទៅបានដោយ មិនឱ្យប៉ះពាល់ដល់សណ្ដាប់ធ្នាប់សាធា
រណៈ បន្ទាប់ពីបានកំណត់ឱសានវាទរយៈ
រពល១០ថ្ងៃចាប់ពីថ្ងៃជូនដំណឹងនេះ តទៅ ។
យោងតាមសេចក្ដីជូនដំណឹង បានសង្កត់ធ្ងន់ថា
បច្ចុប្បន្នគេសង្កេតឃើញថា មានបងប្អូនប្រជាពលរដ្ឋ មួយចំនួន
ក៏ដូចជាអាជីវករដែលកំពុងធ្វើអាជីវ
កម្មនៅអមសងខាងផ្លូវបេតុងជាប់ផ្សារសាំហាន់
មិនទាន់បានអនុវត្ដបានល្អនៅ ឡើយ ស្ដីពីច្បាប់ចរាចរណ៍ផ្លូវគោក
ព្រោះបងប្អូនអាជីវករ ប្រជាពលរដ្ឋមួយ
ចំនួនបានសង់រោងសង់តូបតសំយាប
លក់ដូរនិងដាក់របស់របរសម្ភារផ្សេងៗបង្កឱ្យប៉ះពាល់ដល់ទ្រូងផ្លូវក៏
ដូចជាចិញ្ចើម
ផ្លូវសាធារណៈដែលជាហេតុធ្វើឱ្យបាត់បង់សណ្ដាប់ធ្នាប់របៀបរៀបរយ
បាត់បង់ សោភណភាពតាមដងផ្លូវប៉ះពាល់
បរិស្ថានអនាម័យសុខភាពនិងការធ្វើ
ដំណើររបស់បងប្អូនប្រជាពលរដ្ឋទូទៅ ។
មកដល់ថ្ងៃទី២០ខែសីហានេះ ជា
ថ្ងៃផុតកំណត់ឱសានវាទដែលសាលា សង្កាត់ទុកជូនឱ្យបងប្អូនប្រជាពលរដ្ឋ
ក៏ដូចជាអាជីវករហើយ សាលាសង្កាត់
ក៏បានប្រកាសតាមមេក្រូផងដែរដើម្បី ជូនដំណឹងបន្ថែមទៀត ។
គួររំលឹកថា កន្លងមកតំណាងកម្មករ
រោងចក្ររ៉ូស៊ីងដែលមានទីតាំងនៅភូមិទួលសង្កែ សង្កាត់ទួលសង្កែ
ខណ្ឌឫស្សី កែវ រាជធានីភ្នំពេញ ធ្លាប់បានលើកឡើង ថា
បច្ចុប្បន្ននៅតាមផ្លូវខាងលើនេះ
កំពុងមានការព្រួយបារម្ភពីករណីគ្រោះ
ថ្នាក់ចរាចរណ៍ឬគ្រោះអគ្គិភ័យដែលបាន កើតឡើងជាយថាហេតុ ។
សេចក្ដីព្រួយ
បារម្ភរបស់កម្មកររាប់ម៉ឺននាក់បែបនេះក៏ព្រោះតែបញ្ហាកកស្ទះដោយសារ
ការលក់ដូរនៅលើចិញ្ចើមផ្លូវមុខរោងចក្រដ៏ធំមួយនេះស្ថិតក្នុង
សភាពតូចចង្អៀត ពិបាកក្នុងការធ្វើចរាចរណ៍ទៅមក
ព្រោះផ្លូវនេះកកស្ទះជារៀងរាល់ថ្ងៃហើយស្ទះយូរៗទៀតផង ។
តំណាងកម្មកររបស់រោងចក្ររ៉ូស៊ីង
បានឱ្យដឹងថា សព្វថ្ងៃផ្លូវបេតុងមួយ
ខ្សែនេះត្រូវបានអាជីវករយកធ្វើជាកន្លែងលក់ដូរទាំងស្រុង
នៅសល់ផ្លូវសម្រាប់ ធ្វើដំណើរតូចចង្អៀត ហើយកម្មករ
ចេញឬចូលធ្វើការដើរកាត់ផ្លូវនោះ ត្រូវបានកកស្ទះជាប់រាប់ម៉ោង
បើមាន ហេតុការណ៍អាសន្នកើតឡើងមិនដឹងរត់ទៅផ្លូវណានោះទេ
ហើយរថយន្ដសង្គ្រោះ ក៏មិនអាចជួយបានដែរ ៕
