កុមារាអាយុ២ឆ្នាំម្នាក់ ដួលផ្ងាកក្រោយចូល ឆ្នាំងសម្លរកំពុងពុះក្តៅ រលាកមួយកំណាត់ខ្លួន
កំពង់
ឆ្នាំង៖ កុមារាអាយុ២ឆ្នាំម្នាក់ បានរលាកទឹកសម្ល ដែលកំពុងតែក្តៅ
បណ្តាលឲ្យរលាកមួយកំណាត់ខ្លួនចុះក្រោមធ្ងន់ធ្ងរ
ខណៈពេលដែលគេបានរត់លេងនៅលើផ្ទះ ដួលផ្ងាកក្រោយ
ជាន់លើឆ្នាំងសម្លកំពុងពុះក្តៅ ហើយត្រូវបានស្ត្រីជាម្តាយប្រញាប់
ដឹកទៅសង្គ្រោះនៅមន្ទីរពេទ្យខេត្តជាបន្ទាន់
ដើម្បីឱ្យលោកគ្រូពេទ្យជាជួយសង្គ្រោះ។
ករណីនេះបានកើតឡើង
កាលពីវេលាម៉ោង៧និង១០នាទីយប់ថ្ងៃទី១៩ ខែសីហា
នៅក្នុងភូមិឃ្លាំងប្រាក់ សង្កាត់ប្អេរ ខត្ត-ក្រុងកំពង់ឆ្នាំង។
តាមស្ត្រីជាម្តាយ កុមារារងគ្រោះ បានឲ្យដឹងថា កូនប្រុសរបស់គាត់ ឈ្មោះ សុខ ពៅ អាយុ២ឆ្នាំ ជាក្មេងរពឹសណាស់។
ប្រភពដដែល បានឲ្យដឹងទៀតថា មុនពេលកើតហេតុ
ដោយគាត់ជាប់រវល់ កិច្ចការក្នុងផ្ទះ មិនបានមើលគេដិតដល់
រូបគេបានរត់លេងនៅលើផ្ទះ ហើយក៏ចំពប់ជើង ដួលផ្ងាកក្រោយ
ទៅលើឆ្នាំងសម្ល ដែលកំពុងពុះ បណ្តាលឲ្យរលាកពេញខ្នង
ធ្ងន់ធ្ងរតែម្តង។
ក្រោយពេលកើតហេតុ គាត់ក៏បានរូតរះ
ដឹកកូនមកកាន់មន្ទីរពេទ្យខេត្ត ដើម្បីឲ្យគ្រូពេទ្យ ជួយសង្គ្រោះ
និងព្យាបាល ហើយគ្រូពេទ្យ បានបាញ់ថ្នាំស៊ីហ្វ្រាយ
ត្រជាក់លើខ្នងកូនរបស់គាត់ ដើម្បីទប់កម្ដៅនៃការរលាក។ បន្ទាប់មក
គាត់ក៏បានពកូនត្រឡប់ ទៅផ្ទះវិញ ដោយមិនបានដេកសម្រាកព្យាបាល
នៅមន្ទីរពេទ្យនោះទេ។
ក្រុមគ្រូពេទ្យដែលបានធ្វើការសង្គ្រោះ
បាននិយាយថា កុមារារងគ្រោះបានរលាកធ្ងន់ក៏ពិតមែន
ប៉ុន្តែវាមិនបានរលាកចំកន្លែងគ្រោះថ្នាក់នោះទេ
គឺម្តុំដើមទ្រូងឡើងលើ ដែលជាចំណុចសំខាន់
។លោកគ្រូពេទ្យក៏បានផ្តាំផងដែរថា
សូមបងប្អូនបើមានកូនចៅរលាកទឹកក្តៅ
ត្រូវប្រញាប់យកទៅត្រាំទឹកត្រជាក់បានមួយស្របក់សិន
នេះជាវិធីជួយសង្គ្រោះបន្ទាន់ដើម្បីកាត់បន្ថយកំដៅមួយពេលបានមុន
នឹងដឹកមកកាន់មន្ទីរពេទ្យ៕
កុមារារងគ្រោះ
ប្រភពពី Free Press Magazine
