កម្ពុជា ប៉ះ ម៉ាឡេស៊ីល្ងាចនេះ សំ វ៉ាន់ដេត ថាស្មើ តែប្រាក់ សុវណ្ណារ៉ាថា ឈ្នះ
ក្នុងជំនួបរវាងក្រុមកម្ពុជា និងម៉ាឡេស៊ី
ល្ងាចនេះ លោក សំ វ៉ាន់ដេត គ្រូបង្វឹកក្រុមស្វាយរៀងរំពឹងទុកថា
ក្រុមទាំងពីរនឹងបញ្ចប់ទៅដោយលទ្ធផលស្មើគ្នា
រីឯគ្រូបង្វឹករបស់ណាហ្គាខប លោកប្រាក់ សុវណ្ណារ៉ាព្យាករថា
កម្ពុជាអាចនឹងយកបានបីពិន្ទុបន្ថែមពីការប្រកួតនេះ។
ចុចអាន៖ ល្ងាចនេះកាត់សេចក្ដីថា កម្ពុជា ឬ ម៉ាឡេស៊ី នឹងឈរកំពូលតារាងពូល B ក្នុងពានស្ដេចប្រ៊ុយណេ?
លោក សំ វ៉ាន់ដេត គ្រូបង្វឹកក្រុមស្វាយរៀងបានលើកឡើងថា៖ «ខ្ញុំគិតថាក្រុមទាំងពីរអាចនឹងស្មើគ្នាច្រើន ពីព្រោះខ្សែប្រយុទ្ធរបស់កម្ពុជាយើងល្អ ប៉ុន្តែការការពាររបស់ម៉ាឡេស៊ីក៏ល្អដែរ។ កន្លងមក ខ្ញុំឃើញម៉ាឡេស៊ីលេងការពារច្រើន ហើយគេចាំវាយបក…ហើយការវាយបករបស់គេល្អណាស់»។
លោកបន្តថា ក្រុមកម្ពុជាគួរលេងដោយប្រយ័ត្នបន្តិច ហើយចាំវាយបកពេលដាច់មាត់ ទើបជាការប្រសើរ ពីព្រោះម៉ាឡេស៊ីគេអាចនឹងវាយសម្រុកខ្លាំង។ ក្រុមកម្ពុជានៅមានបញ្ហាច្រើនសម្រាប់តំបន់ការពារ ដូច្នេះប្រកួតនេះត្រូវតែពង្រឹងឲ្យបានល្អ ហើយប្រសិនបើម៉ាឡេស៊ីលេងទប់ចាំវាយបកនោះក្រុមកម្ពុជានឹងមានឱកាស រកគ្រាប់បាល់បានមុន។
សំ វ៉ាន់ដេត (ឆ្វេង) និង ប្រាក់ សុវណ្ណារ៉ា (ស្តាំ)
ងាក ទៅលោកប្រាក់ សុវណ្ណារ៉ា គ្រូបង្វឹកក្រុមណាហ្គាខបវិញយល់ថា ក្រុមកម្ពុជាមានប្រៀបជាងម៉ាឡេស៊ីបន្តិច ពីព្រោះក្រុមកម្ពុជាគឺត្រៀមសម្រាប់ Suzuki Cup។ អតីតគ្រូបង្វឹកក្រុមជម្រើសជាតិរូបនេះគូសបញ្ជាក់ថា៖ «ខ្ញុំថាក្រុមទាំងពីរនឹងលេងដោយប្រុងប្រយ័ត្នច្រើន ពីព្រោះលទ្ធផលចាញ់ឈ្នះនឹងធ្វើឲ្យប៉ះពាល់ដល់ឱកាសរបស់ក្រុមទាំង ពីរក្នុងការឡើងទៅកាន់វគ្គបន្ត»។
លោកបន្ថែមថា៖ «ខ្ញុំឃើញម៉ាឡេស៊ី គេចូលចិត្តលេងការពារច្រើន ហើយចាំវាយបក ដូច្នេះបើថ្ងៃនេះគេបន្តលេងបែបនេះទៀត នោះនឹងផ្ដល់ឱកាសច្រើនដល់ក្រុមកម្ពុជាយើង ហើយប្រាកដណាស់ថាកម្ពុជានឹងអាចរកគ្រាប់បាល់បានពីព្រោះប្រយុទ្ធ យើងល្អ»។
យ៉ាងណាក្ដី លោកចង់ឲ្យតំបន់ការពាររបស់កម្ពុជាពង្រឹងបន្ថែមទៀត ពិសេសទប់ការវាយបករបស់ដៃគូឲ្យបាន ទើបអាចទទួលបានជ័យជម្នះ។ លោករំពឹងទុកថា ក្រុមកម្ពុជាអាចនឹងឈ្នះម៉ាឡេស៊ីក្នុងលទ្ធផល ១‑០ ឬ២‑១។
កុំភ្លេចណា ម៉ោង ៧:១៥ នាទីល្ងាចនេះ លើកីឡដ្ឋាន Track & Field Sports Complex ក្នុងរាជធានីបានដារសេរីបេហ្គាវ៉ាន់។ ចាំអ៊ុតមើលល្ងាចនេះថាតើលទ្ធផលដូចការទាយទុករបស់លោកគ្រូទាំង ពីរឬយ៉ាងណា?
អត្ថបទ៖ អៀង សូទ្រី
ចុចអាន៖ ល្ងាចនេះកាត់សេចក្ដីថា កម្ពុជា ឬ ម៉ាឡេស៊ី នឹងឈរកំពូលតារាងពូល B ក្នុងពានស្ដេចប្រ៊ុយណេ?
លោក សំ វ៉ាន់ដេត គ្រូបង្វឹកក្រុមស្វាយរៀងបានលើកឡើងថា៖ «ខ្ញុំគិតថាក្រុមទាំងពីរអាចនឹងស្មើគ្នាច្រើន ពីព្រោះខ្សែប្រយុទ្ធរបស់កម្ពុជាយើងល្អ ប៉ុន្តែការការពាររបស់ម៉ាឡេស៊ីក៏ល្អដែរ។ កន្លងមក ខ្ញុំឃើញម៉ាឡេស៊ីលេងការពារច្រើន ហើយគេចាំវាយបក…ហើយការវាយបករបស់គេល្អណាស់»។
លោកបន្តថា ក្រុមកម្ពុជាគួរលេងដោយប្រយ័ត្នបន្តិច ហើយចាំវាយបកពេលដាច់មាត់ ទើបជាការប្រសើរ ពីព្រោះម៉ាឡេស៊ីគេអាចនឹងវាយសម្រុកខ្លាំង។ ក្រុមកម្ពុជានៅមានបញ្ហាច្រើនសម្រាប់តំបន់ការពារ ដូច្នេះប្រកួតនេះត្រូវតែពង្រឹងឲ្យបានល្អ ហើយប្រសិនបើម៉ាឡេស៊ីលេងទប់ចាំវាយបកនោះក្រុមកម្ពុជានឹងមានឱកាស រកគ្រាប់បាល់បានមុន។
សំ វ៉ាន់ដេត (ឆ្វេង) និង ប្រាក់ សុវណ្ណារ៉ា (ស្តាំ)
ងាក ទៅលោកប្រាក់ សុវណ្ណារ៉ា គ្រូបង្វឹកក្រុមណាហ្គាខបវិញយល់ថា ក្រុមកម្ពុជាមានប្រៀបជាងម៉ាឡេស៊ីបន្តិច ពីព្រោះក្រុមកម្ពុជាគឺត្រៀមសម្រាប់ Suzuki Cup។ អតីតគ្រូបង្វឹកក្រុមជម្រើសជាតិរូបនេះគូសបញ្ជាក់ថា៖ «ខ្ញុំថាក្រុមទាំងពីរនឹងលេងដោយប្រុងប្រយ័ត្នច្រើន ពីព្រោះលទ្ធផលចាញ់ឈ្នះនឹងធ្វើឲ្យប៉ះពាល់ដល់ឱកាសរបស់ក្រុមទាំង ពីរក្នុងការឡើងទៅកាន់វគ្គបន្ត»។
លោកបន្ថែមថា៖ «ខ្ញុំឃើញម៉ាឡេស៊ី គេចូលចិត្តលេងការពារច្រើន ហើយចាំវាយបក ដូច្នេះបើថ្ងៃនេះគេបន្តលេងបែបនេះទៀត នោះនឹងផ្ដល់ឱកាសច្រើនដល់ក្រុមកម្ពុជាយើង ហើយប្រាកដណាស់ថាកម្ពុជានឹងអាចរកគ្រាប់បាល់បានពីព្រោះប្រយុទ្ធ យើងល្អ»។
យ៉ាងណាក្ដី លោកចង់ឲ្យតំបន់ការពាររបស់កម្ពុជាពង្រឹងបន្ថែមទៀត ពិសេសទប់ការវាយបករបស់ដៃគូឲ្យបាន ទើបអាចទទួលបានជ័យជម្នះ។ លោករំពឹងទុកថា ក្រុមកម្ពុជាអាចនឹងឈ្នះម៉ាឡេស៊ីក្នុងលទ្ធផល ១‑០ ឬ២‑១។
កុំភ្លេចណា ម៉ោង ៧:១៥ នាទីល្ងាចនេះ លើកីឡដ្ឋាន Track & Field Sports Complex ក្នុងរាជធានីបានដារសេរីបេហ្គាវ៉ាន់។ ចាំអ៊ុតមើលល្ងាចនេះថាតើលទ្ធផលដូចការទាយទុករបស់លោកគ្រូទាំង ពីរឬយ៉ាងណា?
អត្ថបទ៖ អៀង សូទ្រី
