៣ប្រាសាទនៅអង្គរ បង្កប់រូបឆោមនិង អត្ថន័យបំផុត ដែលភ្ញៀវអន្តរជាតិ មិនងាយរំលង
ចំណោមប្រាសាទនានានៃក្រុងអង្គរ
អតីតរាជធានីដ៏រុងរឿងរបស់ខ្មែរ គឺថាប្រាសាទជាច្រើន
រំលេចដោយរូបឆោម ក្បូរក្បាច់រចនា គួរឲ្យទាក់ទាញ។
ប៉ុន្តែមគ្គុទ្ទេសក៍ជើងចាស់នៅក្រុងសៀមរាប លោក ខៀវ ធី
បានចង្អុលប្រាសាទចំនួន៣
ដែលអ្នកមគ្គុទ្ទេសក៍តែងនាំភ្ញៀវទៅទស្សនាមិនដែលរំលង។
បុរសដ៏សម្បូរចំណេះដឹងខាងប្រវត្តិប្រាសាទតាមរយៈការងារប្រចាំ
ថ្ងៃជាច្រើនឆ្នាំ រូបនេះថា ភ្ញៀវដែលមានពេលតិច
គឺអាចខកខានមើលប្រាសាទដ៏ទៃបាន តែប្រាសាទ៣នេះ
ខានមិនបានឡើយ។
ប្រាសាទអង្គរវត្ត (អង្គរតូច)លោក ធី ពន្យល់ថាអ្នកនាំភ្ញៀវ មិនដែលរំលងប្រាសាទអង្គរវត្ត ឡើយ។ ក្រៅពីជាបេតិកភណ្ឌពិភពលោក អង្គរតូចមានប្រាង្គដ៏ស្កឹមស្កៃ និងចម្លាក់រស់រវើក គ្មានពីរដែលភ្ញៀវណាក៏ទប់មិនសរសើរមិនបាន។ ថ្មបុរាណត្រូវបានបន្តុបជាថ្នាក់ៗ រហូតធ្វើឲ្យប្រាសាទដែលមានកម្ពស់៦៥ម៉ែត្រ លេចឡើងយ៉ាងត្រដែត បង្ហាញពីទេពកោសល្យដ៏ចំណាន។
អង្គរវត្តស្ថិតក្នុងចំណោមបេតិកភណ្ឌពិភពលោកស្អាតបំផុតទាំង២០
ប្រសាទបាយ័ន (អង្គរធំ)
នោះក៏ជាកន្លែងដែលមគ្គុទ្ទេសក៍ទាំងឡាយជ្រើសជាទីតាំងដ៏
សំខាន់សម្រាប់បង្ហាញទៅភ្ញៀវ។ លោក ធី
ថាប្រាសាទដែលកំពូលមានមុខបួនញញឹមមួយនេះ
បានបង្កប់នូវវប្បធម៌ខ្មែរ ដែលរំលេចពីព្រហ្មវិហារធម៌ទាំង៤
មេត្តា (ប្រោសប្រណី) ករុណា (អាណិតអាសូរ) ឧបេក្ខា (មិនលម្អៀង)
និង មុទិតា (មិនច្រណែននិន្ទា)។ មួយវិញទៀត ប្រាសាទ បាយ័ន
ពិសេសត្រង់ថាមានកំពូល ៥៤ ដែលតំណាងឲ្យដំណើរច័ន្ទគតិ
ដែលក្នុងមួយឆ្នាំមាន៥៤ថ្ងៃ។
ប្រាសាទអង្គរវត្ត (អង្គរតូច)លោក ធី ពន្យល់ថាអ្នកនាំភ្ញៀវ មិនដែលរំលងប្រាសាទអង្គរវត្ត ឡើយ។ ក្រៅពីជាបេតិកភណ្ឌពិភពលោក អង្គរតូចមានប្រាង្គដ៏ស្កឹមស្កៃ និងចម្លាក់រស់រវើក គ្មានពីរដែលភ្ញៀវណាក៏ទប់មិនសរសើរមិនបាន។ ថ្មបុរាណត្រូវបានបន្តុបជាថ្នាក់ៗ រហូតធ្វើឲ្យប្រាសាទដែលមានកម្ពស់៦៥ម៉ែត្រ លេចឡើងយ៉ាងត្រដែត បង្ហាញពីទេពកោសល្យដ៏ចំណាន។
អង្គរវត្តស្ថិតក្នុងចំណោមបេតិកភណ្ឌពិភពលោកស្អាតបំផុតទាំង២០
ប្រសាទបាយ័ន (អង្គរធំ)
ប្រសាទតាព្រហ្ម
ប្រាសាទ តាព្រហ្ម
ជាប្រសាទតែមួយគត់ ដែលបន្សល់រូបរាងដើម
បន្ទាប់ពីក្រុងអង្គរត្រូវបានបោះបង់នៅឆ្នាំ១៤៣១
មុនរកឃើញក្នុងព្រៃស្ដុកដោយជនជាតិបារាំងលោក Henri Mahout
នៅឆ្នាំ១៨៦០។ ដើមឈើធំៗ បានចាក់ស្រេះលើតួប្រាសាទ
បង្កើតជាទេសភាពថ្មីនៃស្នាដៃវប្បធម៌និងធម្មជាតិ ដ៏ទាក់ទាញ។
កត្តាធម្មជាតិបានដណ្ដប់ស្នាដៃសម័យបុរាណ
ដោយសាររុក្ខជាតិធំៗចាក់ឫសពត់ពេនលើប្រាសាទ។
“វាស្ដែងពីអាយុកាលដ៏យូរអង្វែង
ហើយវាប្រាប់អ្នកទេសចរណ៍ទាំងឡាយថាប្រសាទទាំងអស់គឺមានសភាពបែប
ហ្នឹង មុនកាប់ឆ្ការ”។
លោកខៀវធីប្រាប់ពីចំណុចពិសេសរបស់ប្រាសាទតាព្រហ្ម។
រូបភាព៖ amazingplacesonearth
អត្ថបទ៖ ប៉ែន សុផាន់ណា
