អាជីវករនិងកម្មករ ខ្មែរជាង១០០នាក់ ផ្ទុះការតវ៉ាយករទេះ បិទស្ពានមិត្តភាពកម្ពុជា-ថៃ បន្ទាប់ពីថៃចាប់ទំនិញ និងកម្មករ
បន្ទាយមានជ័យ៖
នៅវេលាព្រឹកថ្ងៃទី១៦ ខែសីហានេះ ក្រុមអាជីវករ និងកម្មករខ្មែរ
ជាច្រើនរយនាក់ បាននាំគ្នាប្រមូលផ្តុំស្រែកតវ៉ា
យករទេះបិទនៅលើស្ពានមិត្តភាពកម្ពុជា-ថៃ
បន្ទាប់ពីសមត្ថកិច្ចថៃចាប់ទំនិញពួកគេ
និងចាប់ខ្លួនដាក់គុកនិងធ្វើទារុណកម្មករខ្មែរ១៨នាក់
ស្រី៣នាក់ តាំងពីល្ងាចថ្ងៃទី១៤ សីហា។
ប្រភពពីកម្មករនិងអាជីវករខ្មែរនៅប៉ោយប៉ែត
អោយដឹងនៅថ្ងៃទី១៦សីហាថា ពួកខ្លួនប្រមាណជាង
១០០នាក់និងរទេះដឹកគីបរាប់សិប តាំងពីព្រឹកដល់ថ្ងៃត្រង់ ថ្ងៃនេះ
បង្ខំចិត្តលើកគ្នាតវ៉ាបិទស្ពានមិត្តភាពកម្ពុជា-ថៃ
ក្បែរច្រកទ្វារអន្តរជាតិប៉ោយ
ប៉ែត នៅពេលនេះដើម្បីគាបសង្កត់ភាគីថៃអោយដោះលែងកម្មករខ្មែរទាំងនោះ
ដោយគ្មានលក្ខខ័ណ្ឌ និងកុំកោសរូស ធ្វើ
ទុក្ខបុកម្នេញខ្មែរស្រេចនឹងចិត្តតទៅទៀត។
កម្មករខ្មែរព្រមានថា
បើរបបយោធាថៃនៅតែទុកកម្មករ អាជីវករតូចតាចខ្មែរជាសត្រូវ
ធ្វើបាបរឿងទំនិញតិចតួចចូលថៃនោះ
ពួកខ្លួននឹងបន្តបិទព្រំដែនកុំអោយមនុស្សនិងទំនិញថៃយ៉ាងច្រើនឥត
គណនាចូលមកកម្ពុជាដែរ
ព្រោះថៃមើលងាយនិងមិនទុកខ្មែរជាអ្នកជិតល្អនោះ។
មន្ត្រីថៃត្រូវគេស្រង់សំដីដែលនិយាយថា
កម្មករខ្មែរត្រូវគយ
និងទាហ៊ានឈុតខ្មៅថៃចាប់ឃុំដោយសារបំពានបំរាមអូសដឹកទំនិញគីបចូល
ថៃ។
លោក ង៉ោ ម៉េងជ្រួន
អភិបាលក្រុងប៉ោយប៉ែតដែលចុះដោះស្រាយ បានទាមទារជួប
មន្ត្រីគយថៃអោយបកស្រាយមូលហេតុឡើងថ្លៃពន្ធទំនិញ គីប
និងចាប់កម្មករខ្មែរ។តែគយថៃមិនហ៊ានចេញមកជួបទេ។
ឯទាហ៊ានឈុតខ្មៅថៃដែលគ្រប់គ្រងពីលើច្រកទ្វារព្រំដែនខ្លងលឹកថា
អ្វីៗត្រូវនិយាយជាមួយខ្លួនក្នុងរបបយោធាទើបមានសិទ្ធិអំណាចសម្រេច
។
ដល់ម៉ោងជិត ១២ថ្ងៃត្រង់នេះ
លោកអភិបាលក្រុង លោកអ៊ុំ សុផល
អធិការនគរបាលក្រុងបានទៅចចារនឹងទាហ៊ានឈុតខ្មៅ នគរបាលអន្តោប្រវេសន៍
អាជ្ញាធរ និង គយថៃដែលថា ថៃព្រមដោះលែងកម្មករខ្មែរវិញ
ជាថ្នូរបើកច្រកព្រំដែនឡើងវិញ៕
