ផឹកស្រាស្រវឹងឈ្លោះ ប្រកែកគ្នាជាមួយប្តី ស្ត្រីម្នាក់ចងកស្លាប់
កណ្តាល:
ស្ត្រីម្នាក់ចងកស្លាប់នៅបន្ទប់ក្រោមផ្ទះ
បន្ទាប់ពីផឹកស្រាស្រវឹងឈ្លោះប្រកែកគ្នាជាមួយប្តី
នៅថ្ងែទី១៤ខែសីហាឆ្នាំ២០១៤ វេលាម៉ោង៥ល្ងាច
នៅចំណុចភូមិព្រែកខ្សេវ ឃុំរកាខ្ពស់ ស្រុកស្អាង ខេត្តកណ្តាល។ស្ត្រីដែលសម្លាប់ខ្លួននោះ ឈ្មោះសុខ ស៊ឹម អាយុ៥៤ឆ្នាំ មានទីលំនៅភូមិឃុំកើតហេតុ។ កន្លងមកឈ្មោះសុខ ស៊ឹម ផឹកស្រាស្រវឹងឈ្លោះប្រកែកគ្នាជាមួយប្តី ឈ្មោះលឿង រ៉េត អាយុ៥៥ឆ្នាំ ជាប្រចាំ។ លុះថ្ងែកើតហេតុ ឈ្មោះសុខ ស៊ឹម ស្រវឹងស្រាឈ្លោះប្រកែកគ្នាជាមួយប្តី ហើយខឹងចូលក្នុងបន្ទប់ក្រោមផ្ទះ បិតទ្វារ យកក្រម៉ាចងកនឹងរនូតផ្ទះ បណ្តាលឲ្យស្លាប់។
រហូតដល់វេលាម៉ោង៦ល្ងាច ទើបសមត្ថកិច្ចទទួលបានព័ត៌មានខាងលើ រួចពិនិត្យសាកសពអាចសន្និដ្ឋានថា សុខ ស៊ឹម ស្លាប់ បណ្តាលមកពីចងកងពិតប្រាកដមែន៕L
