មិនគួរឮឲ្យជឿ! ត្រឹម ៤ នាទីសោះ MiPad លក់ដាច់ ៥ ម៉ឺនគ្រឿង
ក្រុមហ៊ុនចិន Xiaomi បានដាក់លក់ Tablet MiPad ដំណើរការដោយ Android របស់ខ្លួនកាល់ពីដើមសប្ដាហ៍នេះ បន្ទាប់ពីប្រកាសចេញជាផ្លូវការកាលពីជិត ២ ខែមុន។
គ្រាន់តែលក់ភ្លាម MiPad លក់ដាច់អស់ ៥០.០០០ គ្រឿងឯណោះក្នុងរយៈពេល ៣ នាទី ៥៩ វិនាទី។ នេះបើតាមការអះអាងរបស់ក្រុមហ៊ុន។
MiPad ដែលគេល្បីថាចម្លងតាម iPad របស់ Apple គឺជាគូប្រកួតប្រជែងនឹង iPad Mini ដោយសារវាមាន ៥ ពណ៌តាមចំណូលចិត្តអ្នកប្រើប្រាស់ និងពិសេសគឺតម្លៃថោកជាង iPad Mini។
បច្ចុប្បន្ន MiPad មានលក់នៅតែចិនប៉ុណ្ណោះ។ ម៉ូដែល 16GB តម្លៃ ២៤០ ដុល្លារ ឯ 64GB តម្លៃ ២៧០ ដុល្លារ។ ចុចត្រង់នេះ ដើម្បីមើលលក្ខណៈសម្បត្តិរបស់ MiPad…
ដោយ៖ សុផាត
ប្រភព៖ Androidcentral
ប្រភព៖ Androidcentral
