BMW បង្កើតមជ្ឈមណ្ឌលសាកល្បង ការបើកបរល្អដាច់គេនៅកូរ៉េខាងត្បូង

7/14/2014 Aohyi Gamer 0 Comments A⁺ a^-

BMW បានបោះទុនជាង ៧៥,៥ លានដុល្លារក្នុងការបង្កើតមជ្ឈមណ្ឌលសាកល្បងបើកបររថយន្ត និងម៉ូតូរបស់ក្រុមហ៊ុនល្អផ្ដាច់គេនៅខេត្តអ៊ិនឈុនដែលស្ថិតនៅ ក្បែរទីក្រុងសេអ៊ូល។

អតិថិជនទាំង អស់អាចសាកល្បងនៅលើចម្ងាយផ្លូវប្រមាណ ២,៦ គីឡូម៉ែត្រជាមួយបណ្ដាញផ្លូវខ្វាត់ខ្វែងកាច់ចុះកាច់ឡើង ហើយត្រូវបានគេសាងសង់ឡើងនៅលើផ្ទៃដី ២៤០.០០០ ម៉ែត្រការ៉េ។ មិនត្រឹមតែជាកន្លែងសាកល្បងតែប៉ុណ្ណោះទេ វាថែមទាំងមានបា ភោជនីយដ្ឋាន កន្លែងបណ្ដុះបណ្ដាល កន្លែងតាំងពិព័រណ៍ប្រវត្តិសាស្ត្រ កន្លែងតាំងបង្ហាញរថយន្តBMW និងMINI ព្រមទាំងមានកន្លែងក្មេងលេងទៀតផង។

ចម្ងាយ ២,៦ គមនេះបានបែងចែកជា៦រចនាសម្ព័ន្ធនៃការបើកបរសាកល្បង បើបើកបរនៅលើប្រភេទកោងខ្លីល្បឿនត្រូវស្ថិតនៅក្រោម 300 km/hសម្រាប់រថយន្ត ចំណែកឯម៉ូតូស្ថិតនៅក្រោម 80 km/h ដែលនេះជាច្បាប់ចរាចរណ៍នៅប្រទេសកូរ៉េ ហើយក៏មានផ្លូវប្រភេទ off-road ដែលធ្វើឱ្យអ្នកបើកបរអាចសាកល្បងគុណភាព 4WD និងសមត្ថភាពការពារសុវត្ថិភាពហើយជាពិសេសការគ្រប់គ្រងមជ្ឈដ្ឋាន ជុំវិញ។

BMW រំពឹងថាការវិនិយោគលើកនេះនឹងទទួលបានជោគជ័យ ដោយសារកូរ៉េខាងត្បូងជាទីផ្សារលក់រថយន្តដ៏ធំ ខណៈការស្ថាបនាគម្រោងនេះធ្វើឡើងក្បែរអាកាសយានដ្ឋានអន្តរជាតិ។

មជ្ឈមណ្ឌលនេះនឹងដាក់បម្រើសេវាកម្មនៅថ្ងៃទី ១ ខែសីហាខាងមុខ៕