គ្រាន់តែខឹងរឿងសង្សារ និយាយកុហកតាមវាយទាត់ធាក់
ខេត្ដពោធិ៍សាត់ ៖ បុរសពោះម៉ាយ
កូនបីបានជួបស្នេហ៍ជាមួយនារីខារ៉ាអូខេបានរយៈពេលមួយខែក៏ប្រើ
អំពើហិង្សា ដោយចេតនា ត្រូវនគរបាលចាប់ខ្លួន
ខណៈដែលបុរសនេះវាយដំលើស្ដ្រីភេទ
ដែលជាសង្សារព្រោះនាងកុហកគេតាមទូរស័ព្ទដៃ ។
ហេតុការណ៍ឃាត់ខ្លួននេះបានកើតឡើងកាលពី
វេលាម៉ោង៧ព្រឹកថ្ងៃទី៣ខែ កក្កដា ឆ្នាំ២០១៤ ស្ថិតក្នុងភូមិ
បន្ទាយ ដីលើ សង្កាត់បន្ទាយដី ក្រុងពោធិ៍សាត់ ។
លោក ម៉ូ លីដា នាយការិយាល័យ
នគរបាលព្រហ្មទណ្ឌកម្រិតស្រាលខេត្ដ បានឱ្យដឹងថា ជនសង្ស័យឈ្មោះ លី
សារី អាយុ២៧ឆ្នាំ ភេទប្រុសជាខ្មែរ អ៊ិស្លាម
មុខរបររត់ម៉ូតូឌុប មានទីលំនៅភូមិ ពោធិ៍តាគួយ សង្កាត់លលកសរ
ក្រុង-ខេត្ដពោធិ៍សាត់ ។
លោកបានបន្ដថាបើតាមស្ដ្រីរងគ្រោះឈ្មោះ
ហេង រដ្ឋា អាយុ២០ឆ្នាំ នៅភូមិ ឃុំ-ស្រុកកណ្ដៀង
ដែលបម្រើការនៅ ហាងខារ៉ាអូខេកើតហេតុខាងលើនិយាយ ថា
នាងបានស្គាល់និងរាប់អានគ្នាជា សង្សារដោយសារតែជិះម៉ូតូឌុបបុរស
សង្ស័យនេះរយៈពេលមួយខែមកហើយ ។ ស្រាប់តែថ្ងៃកើតហេតុខាងលើវេលា
ម៉ោង៥និង១៥នាទីល្ងាច ថ្ងៃទី១ ខែកក្កដា
បុរសនេះបានជិះម៉ូតូមកដល់ហាងខារ៉ាអូខេភូមិបន្ទាយដីក្រោមនេះក៏
ហៅរូបនាងចេញពីហាងហើយវាយទាត់ធាក់នាងយ៉ាង ខ្លាំងដោយចោទថា
នាងនិយាយទូរស័ព្ទ កុហករួចឡើងជិះម៉ូតូចេញទៅបាត់ ។
លោកបានបន្ដថា ពេលបុរសជាសង្សារ
ជិះម៉ូតូចេញទៅបាត់នាងក៏ទូរស័ព្ទប្ដឹង
នគរបាលមកទីតាំងកើតហេតុស្រាប់បានប្រមាណជា២ម៉ោងសោះជនសង្ស័យ
ឈ្មោះ លី សារី នេះក៏ជិះម៉ូតូមកវាយ ខ្លួននាងម្ដងទៀត ។
លោកម៉ូ លីដាបន្ដថា
ពេលនោះត្រូវនគរបាលប៉ុស្ដិ៍សង្កាត់បន្ទាយដីចាប់ខ្លួនដាក់នៅនគរបាល
ក្រុងមួយយប់រង់ចាំ ដល់ព្រឹកថ្ងៃទី២ខែកក្កដាក៏បញ្ជូនជន
សង្ស័យនេះមកការិយាល័យរបស់លោក ហើយជនសង្ស័យនេះក៏បានឆ្លើយសារភាព
ដូចក្នុងបណ្ដឹងស្ដ្រីរងគ្រោះប្ដឹងមែនលោក
ក៏បំពេញសំណុំរឿងបញ្ជូនជនសង្ស័យនេះ
ពីបទហិង្សាដោយចេតនាដល់អ្នកដទៃ ទៅកាន់តុលាការ ។
ពេលដែលផ្ទុះរឿងនេះកើតឡើងភ្លាម
អ្នកភូមិពោតាគួយនិយាយថា បុរសសង្ស័យនេះកាចណាស់ទើបប្រពន្ធមុន
ទ្រាំមិនបានក៏លែងចោលទុកកូនបីនាក់
ប្រុសស្រីស្រាប់តែមានស្នេហ៍ថ្មីបានមួយខែសោះក៏ត្រូវខាងស្រី
ស្នេហ៍ប្ដឹងពីបទ ហិង្សាឱ្យជាប់គុកទៀត ៕
