សមត្ថកិច្ចបើកប្រតិបត្ដិការ ចុះចាប់ខ្លួនជនជាតិចិន ជិត ១០០នាក់ពាក់ព័ន្ធចាប់ជំរិត ទារលុយតាមប្រព័ន្ធអ៊ីនធឺណែត

7/04/2014 Aohyi Gamer 0 Comments A⁺ a^-

រាជធានីភ្នំពេញ៖ កម្លាំង នាយកដ្ឋាន សន្ដិ សុខផ្ទៃក្នុង របស់ក្រសួងមហាផ្ទៃ សហការជាមួយនគរបាលតាមមូលដ្ឋាន-ខេត្ត ព្រះរាជអាជ្ញាអមសាលាដំបូងរាជធានី-ខេត្ត រួមទាំងប៉ូលិសជនជាតិចិនផងនោុះ នៅ រសៀល ថ្ងៃទី០៣ ខែកក្កដា ឆ្នាំ២០១៤នេះ បានបើក ប្រតិបត្ដិការទ្រង់ទ្រាយធំ បង្ក្រាប និងចាប់ខ្លួនជនជាតិចិន ជិតសរុប ៧៩នាក់ ក្នុងនោះ ស្រី ២៣នាក់ ដែលសង្ស័យ ជាប់ ពាក់ព័ន្ធចាប់ជំរិតទារលុយតាម ប្រព័ន្ធ អ៊ីនធឺណែត។

ប្រតិបត្ដិការទ្រង់ទ្រាយធំនេះ បានធ្វើឡើងនៅក្នុងរាជធានីភ្នំពេញ ខេត្ដសៀមរាប និងខេត្ដតាកែវ ដែលមានជនជាតិចិនជិត ១០០នាក់ ត្រូវបានចាប់ខ្លួនជាបន្ដបន្ទាប់ ។

មន្ដ្រីនគរបាល សន្ដិសុខផ្ទៃក្នុងក្រសួងមហាផ្ទៃ បាននិយាយថា សម្រាប់រាជធានីភ្នំពេញ កម្លាំងនគរបាល បានឃាត់ខ្លួន ជនជាតិចិន ១២នាក់ ក្នុងនោះ ៧នាក់ ដែលមានស្រី ៣នាក់ ត្រូវបានចាប់ខ្លួន នៅផ្ទះជួល មួយកន្លែង ស្ថិតនៅភូមិ ត្រញំងឈូក សង្កាត់ទឹកថ្លា ខណ្ឌសែនសុខ និងជនជាតិចិន ៥នាក់ ផ្សេងទៀត ត្រូវបានចាប់ខ្លួន នៅភូមិសំបួរ សង្កាត់ដង្កោ ខណ្ឌដង្កោ ខណៈដែលទីតាំងតាមផ្លូវលេខ ៥៦៦ សង្កាត់ បឹងកក់ទី១ ខណ្ឌទួលគោក ពុំមានជនជាតិចិននៅទីនោះឡើយ ពេលដែល សមត្ថកិច្ចទៅឡោមព័ទ្ធ។

មន្ដ្រីនគរបាល សន្ដិសុខផ្ទៃក្នុងក្រសួងមហាផ្ទៃ បានបន្តថា កម្លាំងសមត្ថកិច្ចក្រសួងមហាផ្ទៃ សហការជាមួយនគរបាលខេត្តសៀមរាបកាលពីនៅវេលាម៉ោង ១រសៀលថ្ងៃទី០៣ ខែកក្កដា ឆ្នាំ២០១៤ បានធ្វើការឆ្មក់ចូលឡោមព័ទ្ធផ្ទះជួលមួយកន្លែងនិងឈាន ទៅដល់ការចាប់ខ្លួនជនជាតិចិនចំនួន ៤៤នាក់ ក្នុងនោះស្រី១៣នាក់ ដែលស្ថិតក្នុងភូមិគ្រួស សង្កាត់ស្វាយដង្គំ ក្រុងសៀមរាប។

មន្ដ្រីនគរបាលបន្តទៀតរូបនោះថា ចំណែកខេត្ដតាកែវ វិញ សន្តិសុខនៃស្នងការដ្ឋានក្រសួងមហាផ្ទៃសហការជាមួយប៉ូលិសខេត្ត តាកែវ ព្រះរាជអាជ្ញាអមសាលាដំបូងខេត្ត រួមទាំងប៉ូលិសជនជាតិចិនកាលពីវេលាម៉ោង១ និង៣០នាទីរសៀល ថ្ងៃទី០៣ ខែកក្កដា ២០១៤ បានចុះឆែកឆេរឃ្លាំងមួយកន្លែងដែលជនជាតិចិនជួលស្នាក់នៅ ដើម្បីធ្វើសកម្មភាពជម្រិតទារប្រាក់តាមប្រព័ន្ធអ៊ីនធើរណេតស្ថិត ក្នុងភូមិស្រង៉ែ ឃុំឧត្តមសូរិយា ស្រុកត្រាំកក់ ខេត្ដតាកែវ ឃាត់ខ្លួនជនជាតិចិនចំនួន ២៨នាក់ ក្នុងនោះចិនដីគោក៨នាក់ ស្រី៧នាក់ និងដកហូតបានទូរស័ព្ទលើតុចំនួន ៥៧គ្រឿង ទូរស័ព្ទដៃ១១គ្រឿង និងរថយន្តម៉ាកសាំងយ៉ុង១គ្រឿងផងដែរ។

បច្ចុប្បន្ន ជនសង្ស័យជនជាតិទាំងនោះ ត្រូវសមត្ថកិច្ចបញ្ជូនទៅនាយកដ្ឋានសន្តិសុខផ្ទៃក្នុងក្រសួងមហា ផ្ទៃ ដើម្បីធ្វើការសាកសួរ ចាត់ការបន្ដតាមផ្លូវច្បាប់៕