ការដោះលែង ​មេដឹកនាំ​អាវ​លឿង លោក​វី​រ៉ា​ស៊ុំ​ម​ឃ្វាម​ឃិត​កាលពី​ថ្ងៃ​អង្គារ​ទី ១ កក្កដា ពី​ពន្ធធនាគារកម្ពុជាគឺជា ការកត់សំគាល់ មួយ​នៃ​ការប៉ុនប៉ង​ជាច្រើន ដោយរដ្ឋាភិ បាល ក្រុងភ្នំពេញ ប្រាថ្នាចង់​បើកចំហ ជំពូក​ថ្មីនៃ​ទំនាក់ទំនង ទ្វេភាគីរវាងប្រទេស​ ទាំង​ពីរជាមួយនឹង​ការ​ស្ទាប​ស្ទង់ ចិត្តរបស់​ក្រុមប្រឹក្សា​យោធា​ថៃ ដែល​ឡើង​កាន់​អំណាច តាមរយៈ​រដ្ឋប្រហារ ថ្ងៃទី​២២​ឧសភា ។​

​នេះ​ជា​ការចាប់ផ្ដើម ធ្វើការ​វិភាគ​របស់​កា​សែ​ត ថៃ The Nation

​នាយករដ្ឋមន្ត្រី​កម្ពុជា លោក​ហ៊ុន​សែន បាន​ប្រាប់អគ្គលេខាធិការ ក្រសួង​ការបរទេស​ថៃលោក Sihasak Phuangketkeow ថាការដោះលែងលោក វី​រ៉ា​ស៊ុំ​ម​ឃ្វាម​ឃិត​គឺជា ហេតុផល មនុស្ស​ធ​ម៍ដើម្បីប្រារព្វខួប​លើក​ទី​មួយ​នៃការធ្វើ​ពិធី​ហែ​ព្រះ​អដ្ឋិ​នៃ ព្រះ​បាន​នរោត្តម​សីហនុ ។

​តែកាសែត​ថៃ The Nation  ធ្វើការ​វិភាគ​ថាការដោះលែង មេដឹកនាំ​អាវ​លឿង​ថៃ​រូបនេះ គឺជាសារ​ដ៍​រឹងមាំ​មួយ​នៃ ប្រទេស​កម្ពុជា ចំពោះឋានៈ​ជា​មេដឹកនាំ ថ្មីនៅ​ទីក្រុង​បាងកក ។ ករណី​លោក​វី​រ៉ា​ស៊ុម​ឃ្វាម​ឃិត បាន​ប្រែក្លាយ​ជានិមិត្តរូប មួយ​នៃ​ទំនាក់ទំនង ល្អ អាក្រក់ រវាង​ប្រទេស​ជិតខាង​ទាំងពីរ ដែលជារឿយៗ បាន​ទាញ​ឲ្យមាន ជម្លោះ​នយោបាយ ផ្ទៃក្នុងប្រទេស​ថៃ ។​

​អ្នក​ជាតិនិយម​អាវ​លឿង វី​រ៉ា​ស៊ុំ​ម​ឃ្វាម​ឃិត​ត្រូវ​ចាប់ខ្លួន​នៅ​ថ្ងៃទី​២៩ ខែ​ធ្នូ ឆ្នាំ​២០១០ នៅពេលលោក និង សហការី ចំនួន ៦​នាក់​ទៀត រួម​នឹង​អ្នកតំណាងរាស្ត្រ គណបក្ស ប្រជាធិបតេយ្យ ម្នាក់​ផង​ដែរបាន​ចូល​ទៅ ក្នុងទឹកដី​កម្ពុជានៅ​ព្រំដែន ខេត្ត​ស្រះកែវ ហើយក្រោម​មក​ត្រូវបាន​កាត់ទោស​ពីបទ​ចារ​កម្ម ។ ចំពោះតែលោក វី​រ៉ា​ស៊ុម​ឃ្វាម​ឃិត​ម្នាក់​គត់ ត្រូវបាន​ផ្តន្ទាទោស រយៈពេល ៨​ឆ្នាំ ។​

​ការចាប់ខ្លួន​សកម្មជន អាវ​លឿង​រូបនេះ គឺ ចំពេលមាន​ភាព​តានតឹង លើព្រំដែនជាប់​ប្រាសាទព្រះវិហារ ។ កាលណោះ ស្ថានការណ៍​តានតឹង រហូត​មានការ​វាយ​ប្រយុទ្ធ​គ្នា រវាង​កងទ័ព​នៃ​ប្រទេស​ទាំង​ពីរ ដែល​ធ្វើឲ្យ​ទំនាក់ទំនង រវាងប្រទេស​ទាំង​ពីរ ចុះ​ដុនដាប​យ៉ាងខ្លាំង ។​

​លោក វី​រ៉ា​ស៊ុំ​ម​ឃ្វាម​ឃិត​គណបក្ស ប្រជាធិបតេយ្យ និង​ក្រុម​អាវ​លឿង បាន​ធ្វើ​ការវាយប្រហារ លើ​លោក​នាយករដ្ឋមន្ត្រី លើ​មូលដ្ឋាននៃ​ទំនាក់ទំនង​បុគ្គល ជាមួយអតីត​នាយករដ្ឋមន្ត្រី​ថាក់ស៊ីន ដែល​ត្រូវបាន​ដកហូត​អំណាច ដោយរដ្ឋប្រហារឆ្នាំ ​២០០៦ ។​

​ករណី​លោក វី​រ៉ា​ស៊ុំ​ម​ឃ្វាម​ឃិត​ទីក្រុង​ភ្នំពេញ ហាក់ដូចជាមាន​របៀបវារៈ មួយ​ដ៍​រឹងមាំ ចាត់ការ​ប្រឆាំង​មេដឹកនាំ អាវ​លឿង​រូប​តាមច្បាប់ កម្ពុជាហើយ​នាំ​ខ្លួន​ចូល​ពន្ធនាគារ ជាមួយនឹង ការ​ឈ្នះ មួយលើកទៀត ករណីប្រាសាទ​ព្រះវិហារ ដោយឥទ្ធិពល របស់​តុលាការយុត្តិធម៍​អន្តរជាតិ ដែល​កម្ពុជាធ្លាប់​ឈ្នះ​ម្ដង​ហើយនៅថៃ្ងទី ១៥ មិថុនា ១៩៦២ ។ តុលាការ​នេះ បាន​សម្រេច​ឲ្យ កម្ពុជាឈ្នះ​ក្ដីគឺ​នៅ​ខែវិច្ឆិកា​ឆ្នាំ​២០១៣ ដែល​ធ្វើឲ្យ​កម្ពុជា​ទប់​ស្ថិរភាព ទំនាក់ទំនង​ជាមួយ​ថៃ ក្រោម​ការគ្រប់គ្រង​របស់ អតីត​នាយករដ្ឋមន្ត្រី​យី​ង​ឡា​ក់បាន យ៉ាងរឹងមាំ ។

​តែ​កាលៈទេសៈ​នេះ ថៃ​ស្ថិតនៅក្រោម​ការដឹកនាំរ​បស់  ក្រុមប្រឹក្សា​យោធា គឺ​អ្វីៗ​មិន​អាច​រំពឹង​ដូច​មុន​ឡើយ

​ខណៈ​ការដឹកនាំ នៅ​ក្រុង​បាងកក មាន​ការប្រែប្រួល បន្ទាប់​ពី រដ្ឋប្រហារ​ថៃ​២២ ឧសភា​ គឺ ទំនាក់ទំនង រវាង លោក ហ៊ុន​សែន និង​ថាក់ស៊ីន បាន​ក្លាយជាជា​ចំនុច​អវិជ្ជមាន ។​
​លោកនាយក​រដ្ឋមន្ត្រី​ហ៊ុន​សែន បាន​បញ្ជាក់​ប្រាប់​យ៉ាងច្បាស់ នៅក្នុង​ជំនួបជាមួយ លោក អគ្គលេខាធិការក្រសួង​ការបរទេស​ថៃ លោក Sihasak Phuangketkeow ថា លោក​នឹង​មិន​អនុញ្ញាត​ឲ្យមាន ភាគី​ថៃណាមួយ ប្រើប្រាស់​ទឹកដី​កម្ពុជា​ដើម្បី ប្រឆាំង ក្រុមប្រឹក្សា​យោធា​ថៃ ឡើយ​។

​ភាគី​កម្ពុជា និយាយថាខ្លួន មាន​ទំនុកចិត្តទៅលើ ថា្នក់​ដឹកនាំ ថ្មី ប្រទេស​ថៃ ដោយ​គាំទ្រ​ការវិវឌ្ឍ នយោបាយ ថៃ ហើយ​សន្យា​បន្ត ផ្សាភ្ជាប់​ចំណង ទាក់ទងដើម្បី​ផល ប្រយោជន៍​ទៅវិញ ទៅមករវាង​ប្រទេស​ទាំង​ពីរ ។​

​ការងារ​ជាច្រើន នៅ​ប្រទេស​ថៃសម្រាប់​ពលករ ចំណាកស្រុក​កម្ពុជាគឺជា កាន់តែ​មាន​សារៈសំខាន់ នៃ​ការអភិវឌ្ឍ តាម​ព្រំដែនរវាង​ប្រទេស​ទាំង​ពីរ ។  ករណីពលករ​កម្ពុជា ជិត​២០០០០០​នាក់ បាត់បង់​ការងារ ហើយពួកគេ ទាំងនេះត្រូវបាន ចាប់បង្ខំត្រឡប់ មក​ប្រទេស​កម្ពុជាវិញ គឺ​មិនមែន​ជា​ការល្អទេ ចំពោះ​សេដ្ឋកិច្ច​ប្រទេស​ទាំង​ពីរ ។​

​ប្រទេស កម្ពុជាប៉ុន្មាន ថៃ្ង​មក​នេះមិន​មាន​ហេតុផល​ល្អ ដើម្បី​រក្សាជំលោះ ជាមួយ​ថៃ ហើយ​ការផ្ដល់​សេរីភាព ជូន​មេដឹកនាំ​អាវ​លឿង​លោក វី​រ៉ា​ស៊ុំ​ម​ឃ្វាម​ឃិត​គឺជា​កាយវិការ ភាព​វៃឆ្លាតមួយ របស់​លោក​នាយករដ្ឋមន្ត្រី ហ៊ុន សែន ដើម្បី បង្កើតចំណងមិត្តភាព រឹងមាំ​មួយ ជាមួយ​ក្រុមប្រឹក្សាយោធា​ថៃ ៕

ប្រភពពី vodhotnews.com​