គិតម៉េចបើនារីខ្មែរអាចជិះ ម៉ូតូធំម៉ាអេមមិនចាញ់បុរស?
វាប្រហែលជាមិនមែនជារឿងចម្លែកទេ ដែលឃើញបុរសជិះម៉ូតូធំនៅតាមដងផ្លូវ។ ចុះបើឃើញនារីៗជិះម៉ូតូធំវិញ គិតយ៉ាងណាដែរ?
កំពុង
តែអង្គុយលេង យុវជន យ៉ាន កុម្ភៈ អាយុ២៤ឆ្នាំ បានបញ្ចេញមតិថា
តាមបរិបទខ្មែរគេប្រាកដជាម៉ៃថា នារីនោះជានារីមិនល្អ
ឬអាចហៅថាជាស្រីទំនើង។
“គ្រាន់តែមនុស្សប្រុសជិះផង គេនៅវាយតម្លៃចេះចុះ ចុះទម្រាំនារីវិញសាកគិតមើលថាវាយ៉ាងម៉េចវិញ?”។ កុម្ភៈបញ្ជាក់បន្ថែម។
ចំណែកឯ បុរសមាឌតូចតែខ្ពស់ ជាអ្នកបញ្ចូលទិន្នន័យនៅក្រុមហ៊ុន BSK លោកជួន ឌឿន ប្រាប់ថា បើគិតលើប្រពៃណីមើលទៅមិនល្អទេ តែងបើយោងតាមការវិវឌ្ឍន៍នៃសង្គម គេថាមនុស្សទាន់សម័យ។ ឌឿនថា សម័យនេះគេលែងសូវគិតទៀតហើយ មិនថាបុរសឬនារីឲ្យតែមានសមត្ថភាពគឺអាចធ្វើអ្វីមួយបានដូច គ្នា។
បន្ថែមពីនេះ យុវជនរូបនេះក៏សរសើរនារីមួយចំនួន ដែលមានសមត្ថភាពអាចបើកបរម៉ូតូធំបាន ដោយសារតែគិតថាអ្នកបើកបរម៉ូតូធំ ទាល់តែអ្នកនោះមានរាងកាយមាំមួននិងស្មារតីរឹងប៉ឹង។
សូមបន្តអាន៖ ឥទ្ធិពលស្រីស្អាត។
សូមបន្តអាន៖ សិល្បៈចែករំលែកមិនមែនជារឿងថ្មីសម្រាប់ផ្នត់គំនិតពលរដ្ឋកម្ពុជា។
ងាក មក កញ្ញា សាន ផល្លីការ វិញ ហាក់មិនពេញចិត្តនៅពេលឃើញនារីខ្មែរមួយចំនួន ជិះម៉ូតូធំដែលមិនត្រឹមតែធ្វើឲ្យខូចតម្លៃខ្លួនឯង ក៏ធ្វើឲ្យប៉ះពាល់ដល់វប្បធម៌ប្រពៃណីនោះដែរ។
និស្សិតដែលសិក្សាផ្នែកធនាគាររូបនេះថា៖” មិនសមភ្នែកទាល់តែសោះ ខ្លួនជាស្រីតែបើកបរម៉ូតូដូចប្រុសនោះ”។
កញ្ញា បន្តថា៖ “បើមើលទៅ នារីដែលចូលចិត្តជិះម៉ូតូអស់ហ្នឹងច្រើនតែចរិតដូចប្រុស ឃើញភាគច្រើនតែងស្លៀកពាក់ទំនើបដូចបរទេស តែមើលទៅអត់ទំនងទាល់តែសោះ វាមិនស៊ីគ្នាជាមួយប្រពៃណីខ្មែរឡើយគេថាជាស្រីជើងកាងទៅវិញទេ បើតាមខ្ញុំគិត”។
មិនអីចឹងទេ ស្រីៗដែលជិះម៉ូតូធំគឺជារឿងមួយគួរឲ្យភ្ញាក់ផ្អើល និងគួរតែត្រូវបានលើកទឹកចិត្ត។ នេះបើតាមសំដី យុវតី សុខា និរតី សិស្សវិទ្យាល័យព្រះសីហនុ ថ្នាក់ទី១១ ។
សុខា ថា បើគិតពីយែនឌ័រ នារីគួរតែទទួលការស្ងើចសរសើរដែលពួកគេអាចមានសមត្ថភាពអាចធ្វើ អ្វីមួយដែលអ្នកផងទាំងពួងធ្លាប់មើលស្រាល និងមិនឲ្យតម្លៃ។
“មិន ចម្លែកអីផង ព្រោះនៅបរទេសទាំងស្រីទាំងប្រុសគេនិយមសឹងអីម៉ូតូធំៗចឹង ។ បើនិយាយពីនៅស្រុកកំណើតខ្ញុំវិញក្នុងក្រុងសួង មានមនុស្សស្រីជិះម៉ូតូធំច្រើនណាស់ ហើយអត់មានអ្នកណាបង្អាប់ឲ្យទេ”។
ចុះអ្នកវិញ យល់យ៉ាងណាដែរ ?
អត្ថបទ៖ លឹម សុនា
“គ្រាន់តែមនុស្សប្រុសជិះផង គេនៅវាយតម្លៃចេះចុះ ចុះទម្រាំនារីវិញសាកគិតមើលថាវាយ៉ាងម៉េចវិញ?”។ កុម្ភៈបញ្ជាក់បន្ថែម។
ចំណែកឯ បុរសមាឌតូចតែខ្ពស់ ជាអ្នកបញ្ចូលទិន្នន័យនៅក្រុមហ៊ុន BSK លោកជួន ឌឿន ប្រាប់ថា បើគិតលើប្រពៃណីមើលទៅមិនល្អទេ តែងបើយោងតាមការវិវឌ្ឍន៍នៃសង្គម គេថាមនុស្សទាន់សម័យ។ ឌឿនថា សម័យនេះគេលែងសូវគិតទៀតហើយ មិនថាបុរសឬនារីឲ្យតែមានសមត្ថភាពគឺអាចធ្វើអ្វីមួយបានដូច គ្នា។
បន្ថែមពីនេះ យុវជនរូបនេះក៏សរសើរនារីមួយចំនួន ដែលមានសមត្ថភាពអាចបើកបរម៉ូតូធំបាន ដោយសារតែគិតថាអ្នកបើកបរម៉ូតូធំ ទាល់តែអ្នកនោះមានរាងកាយមាំមួននិងស្មារតីរឹងប៉ឹង។
សូមបន្តអាន៖ ឥទ្ធិពលស្រីស្អាត។
សូមបន្តអាន៖ សិល្បៈចែករំលែកមិនមែនជារឿងថ្មីសម្រាប់ផ្នត់គំនិតពលរដ្ឋកម្ពុជា។
ងាក មក កញ្ញា សាន ផល្លីការ វិញ ហាក់មិនពេញចិត្តនៅពេលឃើញនារីខ្មែរមួយចំនួន ជិះម៉ូតូធំដែលមិនត្រឹមតែធ្វើឲ្យខូចតម្លៃខ្លួនឯង ក៏ធ្វើឲ្យប៉ះពាល់ដល់វប្បធម៌ប្រពៃណីនោះដែរ។
និស្សិតដែលសិក្សាផ្នែកធនាគាររូបនេះថា៖” មិនសមភ្នែកទាល់តែសោះ ខ្លួនជាស្រីតែបើកបរម៉ូតូដូចប្រុសនោះ”។
កញ្ញា បន្តថា៖ “បើមើលទៅ នារីដែលចូលចិត្តជិះម៉ូតូអស់ហ្នឹងច្រើនតែចរិតដូចប្រុស ឃើញភាគច្រើនតែងស្លៀកពាក់ទំនើបដូចបរទេស តែមើលទៅអត់ទំនងទាល់តែសោះ វាមិនស៊ីគ្នាជាមួយប្រពៃណីខ្មែរឡើយគេថាជាស្រីជើងកាងទៅវិញទេ បើតាមខ្ញុំគិត”។
មិនអីចឹងទេ ស្រីៗដែលជិះម៉ូតូធំគឺជារឿងមួយគួរឲ្យភ្ញាក់ផ្អើល និងគួរតែត្រូវបានលើកទឹកចិត្ត។ នេះបើតាមសំដី យុវតី សុខា និរតី សិស្សវិទ្យាល័យព្រះសីហនុ ថ្នាក់ទី១១ ។
សុខា ថា បើគិតពីយែនឌ័រ នារីគួរតែទទួលការស្ងើចសរសើរដែលពួកគេអាចមានសមត្ថភាពអាចធ្វើ អ្វីមួយដែលអ្នកផងទាំងពួងធ្លាប់មើលស្រាល និងមិនឲ្យតម្លៃ។
“មិន ចម្លែកអីផង ព្រោះនៅបរទេសទាំងស្រីទាំងប្រុសគេនិយមសឹងអីម៉ូតូធំៗចឹង ។ បើនិយាយពីនៅស្រុកកំណើតខ្ញុំវិញក្នុងក្រុងសួង មានមនុស្សស្រីជិះម៉ូតូធំច្រើនណាស់ ហើយអត់មានអ្នកណាបង្អាប់ឲ្យទេ”។
ចុះអ្នកវិញ យល់យ៉ាងណាដែរ ?
អត្ថបទ៖ លឹម សុនា
