យន្តហោះម៉ាឡេស៊ី ធ្លាក់យប់មិញស្លាប់ អស់២៩៨នាក់ មិនមែន២៩៥នាក់ទេ
ជើងហោះហើរ MH17 របស់ម៉ាឡេស៊ី ដែលហោះហើរពីរាជធានីអាមស្ទឺដាម (Amsterdam)
ប្រទេសហុឡង់ ទៅកាន់ទីក្រុងកូឡាឡាំពួរ ប្រទេសប្រទេសម៉ាឡេស៊ី
បានធ្លាក់នៅភាគខាងកើតប្រទេសអ៊ុយក្រែន ជិតព្រំដែនប្រទេសរុស្ស៊ី។
បើតាមប្រភពពីមន្ត្រីរបស់សហរដ្ឋអាមេរិក
បានឲ្យដឹងថាយន្តហោះមួយនេះ
ត្រូវបានបាញ់ទម្លាក់ដោយគ្រាប់មីស៊ីលដែលបាញ់ចេញពីដី។
ប្រភព
ដំបូង សារព័ត៌មានបរទេសធំៗជាច្រើន បានចេញផ្សាយថាអ្នកដំណើរចំនួន
២៨០ នាក់ រួមទាំងក្រុមការងារលើយន្តហោះ ១៥ នាក់ សរុបទាំងអស់ ២៩៥
នាក់បានបាត់បង់ជីវិត។ ប៉ុន្តែមកដល់ពេលព្រឹកនេះ ទិន្នន័យផ្លូវការបឋមដែលទទួលបានគឺអ្នកបាត់បង់ជីវិតមានរហូតដល់ទៅ ២៩៨ នាក់ ដែលក្នុងមានជនរងគ្រោះមួយចំនួនធំហើយដែលមន្ត្រីអាកាសចរណ៍កំណត់អត្តសញ្ញាណបាន៖
-ជនជាតិហូឡង់ចំនួន ១៥៤នាក់-ជនជាតិអូស្ត្រាលី ២៧នាក់
-ជនជាតិម៉ាឡេស៊ី ២៣នាក់
- ឥណ្ឌូនេស៊ី ១១នាក់
- អង់គ្លេស ៦នាក់
-អាល្លឺម៉ង់ ៤នាក់
-បែលហ្ស៊ិក ៤នាក់
-ហ្វីលីពីន ៣នាក់
-កាណាដា ១នាក់
-នាវិក ម៉ាឡេស៊ី ១៥នាក់
មូលហេតុនៃការបាញ់ទម្លាក់នេះ ត្រូវបានគេដាក់បន្ទុកទៅលើក្រុមឧទ្ទាមផ្តាច់ខ្លួនរបស់ប្រទេសអ៊ុយក្រែន ដែលមានទំនោរទៅរកប្រទេសរុស្ស៊ី ប៉ុន្តែភ្លាមៗនោះក្រុមនេះបានចេញមុខបដិសេធ។
តាមដានព័ត៌មានទាំងអស់ជុំវិញការធ្លាក់យន្តហោះម៉ាឡេស៊ីជើងហោះហើរ MH17 ចុចត្រង់នេះ
ជើងហោះហើរ MH17 ហោះចេញពីអាកាសយានដ្ឋាន Schiphol រាជធានីAmsterdam កាលពីរសៀលថ្ងៃព្រហស្បតិ៍ មុនកើតហេតុ
ដោយ៖ គង់ វិសាល
ប្រភព៖ channelnewsasia
ប្រភព៖ channelnewsasia
