អ្នកតវ៉ារឿងដីកម្ពុជាក្រោម គប់ដុំថ្មដាក់សមត្ថកិច្ច ជាការតបតនឹងការបំបែកការប្រមូលផ្តុំ
ក្រុមអ្នកតវ៉ា
នៅព្រឹកថ្ងៃអង្គារនេះ
ប្រឈមជាមួយកម្លាំងសមត្ថកិច្ចនៅខាងមុខក្រសួងដែនដី នគរូបនីយកម្ម
និងសំណង់ បណ្តាលឲ្យអ្នកចូលរួមមួយចំនួន
បានគប់ដុំថ្មដាក់សមត្ថកិច្ច។ សមត្ថកិច្ចចម្រុះប្រមាណ១០០នាក់
នៅព្រឹកថ្ងៃអង្គារនេះ បំបែកក្រុមនិស្សិត
និងព្រះសង្ឃជាង១០០នាក់/អង្គ
ដែលគ្រោងប្រមូលផ្តុំនៅមុខស្ថានទូតវៀតណាមក្នុងបំណងទាមទារឲ្យ
ប្រទេសនេះ
សុំទោសចំពោះការអះអាងថាទឹកដីកម្ពុជាក្រោមជារបស់វៀតណាម។
ជាការតបតនឹងការបំបែកកុំឲ្យមាន
ការប្រមូលផ្តុំ អ្នកតវ៉ាបានគប់ដុំថ្មដាក់សមត្ថកិច្ចនៅម៉ោង៨
និង៤៥នាទី។
VODមិនទាន់ទទួលសេចក្តីរាយការណ៍ថាតើការគប់ដុំថ្មដាក់គ្នានេះ
បណ្តាលឲ្យអ្នកចូលរួមរងរបួសយ៉ាងណានៅឡើយទេ។
ការប្រមូលផ្តុំរបស់អ្នកតវ៉ា បណ្តាលឲ្យកកស្ទះនៅផ្លូវព្រះមុនីវង្ស មុខក្រសួងដែនដីនគរូបនីយកម្ម ហើយមិនអាចធ្វើចរចរណ៍បាន។
ការប្រមូលផ្តុំរបស់អ្នកតវ៉ា បណ្តាលឲ្យកកស្ទះនៅផ្លូវព្រះមុនីវង្ស មុខក្រសួងដែនដីនគរូបនីយកម្ម ហើយមិនអាចធ្វើចរចរណ៍បាន។
កន្លងទៅ អ្នកនាំពាក្យស្ថានទូតវៀតណាម
ប្រចាំនៅក្នុងប្រទេសកម្ពុជា លោកត្រឹង វ៉ានថុង
កាលពីដើមខែមិថុនាកន្លងទៅ បានអះអាងប្រាប់អ្នកសារព័ត៌មានថា«បារាំង
មិនបានកាត់ ទឹកដីខ្មែរកម្ពុជាក្រោមឲ្យវៀតណាមទេតែកម្ពុជាក្រោម
ជាទឹកដីរបស់វៀតណាម
តាំងពីយូរយារណាស់មកហើយព័ត៌មានបាត់បង់ទឹកដីគ្មានអ្វីជាមូលដ្ឋាន
ទេ គ្មានអ្វីជាភ័ស្តុតាងទេ»៕
ប្រភពពី vodhotnews.com
