ILO៖ និយោជក គួរតែបន្តផ្តល់នូវលក្ខខណ្ឌការងារសមរម្យ, សហជីព គួរពង្រឹងការយល់ដឹង និងទទួលខុសត្រូវរបស់ខ្លួន
រាជធានីភ្នំពេញ៖ របាយការណ៍
ថ្មីមួយ របស់អង្គការពលកម្មអន្តរជាតិ ហៅកាត់ថា (ILO) ដែលទើបតែចេញផ្សាយ
បានលើកឡើងថា និយោជក ជាថៅកែរោងចក្រកាត់ដេរ
គួរតែបន្តផ្តល់នូវលក្ខខណ្ឌការងារសមរម្យ ហើយសហជីព
ក៏គួរតែពង្រឹងបន្ថែមទៀតនូវការយល់ដឹង និងការប្តេជ្ញាចិត្ត
ទទួលខុសត្រូវរបស់ខ្លួនផងដែរ។
សេចក្តីថ្លែងការណ៍របស់អង្គការ ILO
ដែលបានផ្សព្វផ្សាយនៅថ្ងៃទី៣០ ខែមិថុនានេះ លើកឡើងថា របាយការណ៍ថ្មី
របស់គម្រោងរោងចក្រកាន់តែប្រសើរនៅកម្ពុជា
បានបង្ហាញព័ត៌មានពីលក្ខខណ្ឌការងារ
ដែលត្រូវបានប្រមូលទិន្នន័យដោយអ្នកឃ្លាំមើលរបស់រោងចក្រកាន់តែ
ប្រសើរនៅកម្ពុជា នៅក្នុងរោងចក្រកាត់ដេរសំលៀកបំពាក់ និងស្បែកជើង
ចន្លោះពីថ្ងៃទី១ ខែឧសភា ឆ្នាំ២០១៣ ដល់ថ្ងៃទី៣០ ខែមេសា
ឆ្នាំ២០១៤។
សេចក្តីថ្លែងការណ៍ដដែល លើកឡើងថា
រាជរដ្ឋាភិបាលកម្ពុជា
អាចប្រើប្រាស់យន្តការពង្រឹងការអនុវត្តច្បាប់ជាច្រើន
ដើម្បីអនុវត្តប្បញ្ញតិនានា នៅក្នុងច្បាប់ការងារ ជាពិសេសចំពោះរោងចក្រ
ដែលមានភាពអនុលោមទាប។ រីឯនិយោជក
គួរតែបន្តផ្តល់នូវលក្ខខណ្ឌការងារសមរម្យ។
សមាគមរោងចក្រកាត់ដេរនៅកម្ពុជា GMAC អាចជំរុញឲ្យមានវប្បធម៌
នៃការអនុលោមតាមច្បាប់ ក្នុងចំណោមសមាជិករបស់ខ្លួន។
សេចក្តីថ្លែងការណ៍ដដែល លើកឡើងថា សហជីព
គួរពង្រឹងបន្ថែមទៀត នៃការយល់ដឹង និងការប្តេជ្ញាចិត្ត
ទទួលខុសត្រូវរបស់ខ្លួន
រួមបញ្ចូលទាំងការបំពេញលក្ខខណ្ឌតម្រូវតាមច្បាប់ក្នុងការការធ្វើ
កូដកម្ម។ សហជីព អាចប្រើប្រាស់ទិន្នន័យនៅក្នុងរបាយការណ៍នេះ ក៏ដូចជា
ព័ត៌មាន ដែលមានកាលពីពេលថ្មីៗនេះ តាមរយៈការរាយការណ៍ពីតម្លាភាព
ដើម្បីជំរុញឲ្យអ្នកគ្រប់គ្រង និង/ឬអង្គការនិយោជក
ចូលរួមក្នុងកិច្ចពិគ្រោះយោបល់ និងការចរចាជាសមូហភាព
ដើម្បីស្វែងរកដំណោះស្រាយចំពោះបញ្ហា នៅកម្រិតរោងចក្រ
និងឧស្សាហកម្ម។
សេចក្តីថ្លែងការណ៍លើកឡើងថា
គម្រោងរោងចក្រកាត់ដេរកាន់តែប្រសើរនៅកម្ពុជា
នឹងបន្តធ្វើការជាមួយភាគីពាក់ព័ន្ធទាំងអស់នេះ
អ្នកបញ្ជាទិញអន្តរជាតិ និងស្ថាប័នអង្គការសង្គមស៊ីវិល
ដើម្បីចូលរួមចំណែកធ្វើឲ្យមានការផ្លាស់ប្តូរជាវិជ្ជមាន
ក្នុងវិស័យនាំចេញធំជាងគេរបស់ប្រទេសកម្ពុជា៕
ប្រភពពី Free Press Magazine
