រដ្ឋាភិបាលកម្ពុជា ទាមទារឲ្យក្រុមហ៊ុនធានារ៉ាប់រងថៃ ផ្តល់សំណងសមរម្យដល់ គ្រួសារសពពលករខ្មែរ ដែលស្លាប់ ក្នុងគ្រោះថ្នាក់ចរាចរណ៍
រាជធានីភ្នំពេញ៖
លោក កុយ គួង អ្នកនាំ ពាក្យក្រសួងការបទេស នៅថ្ងៃទី២៧មិថុនានេះ
មានប្រសាសន៍ថា ការស្លាប់ពលករកម្ពុជា នៅពេលដែលរដ្ឋាភិបាលយោធាថៃ
ចាប់បង្ខំហើយបញ្ជូនមកប្រទេសកម្ពុជាវិញ
បណ្តាលឲ្យមានគ្រោះថ្នាក់ស្លាប់ ដោយក្រឡាប់រថយន្តនោះ
គឺរាជរដ្ឋាភិបាលកម្ពុជា បាន និងកំពុងធ្វើការតវ៉ា
តាមរយៈក្រសួងការបរទេសទាមទារឲ្យ
ក្រុមហ៊ុនធានារ៉ាប់រងរបស់ប្រទេសថៃ ផ្តល់សំណងសមរម្យដល់ក្រុមគ្រួសារពលករ
កម្ពុជាទាំង អស់ ដែលបានស្លាប់នៅក្នុងឧបទ្ទវហេតុ គ្រោះថ្នាក់ចរាចរណ៍
នៅក្នុងប្រទេសថៃ ពេលវិលត្រឡប់វិញ។
លោក កុយ គួង បន្តថា បើពលករខ្មែរទៅ
ធ្វើការនៅប្រទេសថៃស្របច្បាប់ គេមានអត្តធានារ៉ាប់រងសង្គមសម្រាប់ពលករ
ចំពោះពលករខុសច្បាប់ អត់មាន ប្រាក់ធានាទេ ក៏ប៉ុន្តែនៅពេលមាន បញ្ហា
នៅតាមរថយន្តណា ក្រុមហ៊ុនធានារ៉ាប់រង រថយន្តនោះ គេនឹងចេញថ្លៃ
សងដល់អាយុជីវិតមនុស្ស ដែលស្លាប់នៅក្នុងរថយន្តនោះ។
អ្នកនាំពាក្យរូបនេះ បានបព្ជាក់ថា
“គេរកឃើញអត្តសញ្ញាណឡានហ្នឹងច្បាស់លាស់ ថាពិតជាឡានហ្នឹងច្បាស់លាស់ គេនឹង
ឲ្យក្រុមហ៊ុនធានារ៉ាប់រងឡានហ្នឹង សងមកដល់ពលកររបស់យើង ដែលគ្រោះថ្នាក់
បាត់បង់ជីវិត ហើយនឹងរបួស អីចឹង ទៅ”។
ដោយឡែកចំពោះពលករកម្ពុជាចំនួន ១៣ នាក់
ដែលអាជ្ញាធរថៃ ចាប់ខ្លួននាពលថ្មីៗនេះ
ស្ថានកុងស៊ុលកម្ពុជាប្រចាំនៅខេត្តស្រះកែវ
និងឯកអគ្គរាជទូតកម្ពុជាប្រចាំនៅប្រទេសថៃ
បានពឹងមេធាវីការពារក្តីស្របច្បាប់ជូនដល់ពលករកម្ពុជាទាំងនោះ
ហើយ។ ពលករកម្ពុជាទាំង ១៣នាក់ ដែលអាជ្ញាធរថៃចាប់ខ្លួននោះ
ត្រូវបានអាជ្ញាធរថៃចោទប្រកាន់ពីបទប្រប្រើប្រាស់ CI
និងប័ណ្ណអនុញ្ញាតឲ្យធ្វើការងារនោះ មានការប្រើប្រាស់ត្រាក្លែងក្លាយ
ដែលមេខ្យល់ ជាអ្នកធ្វើឲ្យហើយពលករកម្ពុជាទាំង ១៣ នាក់នោះ
បានក្លាយជាជនរងគ្រោះដូច្នេះ សុំឲ្យអាជ្ញាធរថៃស៊ើបអង្កេត
ចាប់មេខ្យល់ដែលចេញ CI និងប័ណ្ណអនុញ្ញាតឲ្យធ្វើការងារនៅថៃ
ដែលប្រើត្រាក្លែងក្លាយយកមកឲ្យពលករកម្ពុជាប្រើប្រាស់។ CI
ប្រើជំនួសលិខិតឆ្លងដែន ដែលចេញដោយរដ្ឋាភិបាលថៃ ដល់ពលករ ដែលទទួលបាន
ភាពស្របច្បាប់៕
ប្រភពពី Free Press Magazine
