បើកជែងមិនផុតចាប់ហ្វ្រាំងដួល ត្រូវឡានដឹកដីកិនបែកក្បាលស្លាប់ភ្លាមៗ នៅក្នុងថ្លុកឈាម
ខេត្តកណ្តាល ៖ បុរសម្នាក់ត្រូវរថយន្តកិនបែកក្បាល
ស្លាប់ភ្លាមៗនៅនឹងកន្លែង ខណៈជិះម៉ូតូ
ប្រជែងរថយន្តមិនផុត ក៏ដួលនៅលើទ្រូងផ្លូវ
ហើយឡានមកពីក្រោយ យកហ្វ្រាំងមិនទាន់
ក៏បុកនិងកិនជនរងគ្រោះ កាលពីវេលាម៉ោងជិត ៤ល្ងាចថ្ងៃទី៨ ខែមិថុនា ឆ្នាំ២០១៤ ស្ថិតតាមបណ្តោយ ផ្លូវជាតិលេខ៣ ភូមិដើមទ្រាំង ឃុំអន្លង់រមៀត ស្រុកកណ្តាលស្ទឹង ខេត្តកណ្តាល។ជនរងគ្រោះ ពុំត្រូវបានគេស្គាល់ អត្តសញ្ញាណនោះទេ មានអាយុ ប្រហែល ២៤ឆ្នាំ ជិះម៉ូតូមួយគ្រឿង ម៉ាកស្មាស ពណ៌ខ្មៅ ពាក់ស្លាកលេខ ភ្នំពេញ 1AV-6250 ចំណែកឯរថយន្ត ដែលជ្រុល កិនជនរងគ្រោះនោះ ម៉ាកហ៊ីណូ ដឹកដីពណ៌ស ពាក់ស្លាកលេខ ភ្នំពេញ 3A-0595 អ្នកបើកបរពុំត្រូវបានគេស្គាល់ អត្តសញ្ញាណនោះទេ ព្រោះក្រោយពេលកើតហេតុ បានដាក់មេប្រូចបាត់ស្រមោលភ្លាមៗ។
មុនពេលកើតហេតុរថយន្ត និងម៉ូតូជនរងគ្រោះ បើកបរស្របទិសគ្នា លុះដល់ចំណុចកើតហេតុ រថយន្តបានបត់ចូលផ្លូវតូច ចំណែកមូតូបត់ប្រជែង ជាមួយរថយន្ត តែជែងមិនផុត ក៏ដួលចូលក្រោមរថយន្ត កិនបែកក្បាលស្លាប់តែម្តង។ សមត្ថកិច្ចបានប្រគល់ សាកសពទៅឲ្យក្រុមគ្រួសារ យកទៅធ្វើបុណ្យ រីឯវត្ថុតាងត្រូវយកទៅរក្សាទុក នៅអធិការដ្ឋាន នគរបាលស្រុកកណ្តាលស្ទឹង ដើម្បីកសាងសំណុំរឿង៕
ប្រភពពី វត្តភ្នំ
